Éxodo 23:1 - Dios Iwene

¹ Ina Isabenö Jo̧ma Moisésnö webijetö, weawa wene ujunobö Israel jojodönö a̧ja̧kwö tjö̧jobö, baikwö: —Ju'wedönöma omöna yöka̧laduwoko. Wanedö yötawa: Bakwo̧, sulabenö ja̧bo̧nöma ötjibobe lȩekwa omukwatö junadö tjöbajale a'o tjujunobö. Ja̧danö, omukwatö junadöma ökwönö jo̧banöma yöka̧lobö aeba̧litjö̧ma jweinöda yöka̧lo. Omönama yöka̧loko jo̧banö pjakatobö, ja̧danö jo̧banöma lȩtjebokobö. Jweinöda yöka̧lo.

Éxodo 23:1 Iomraidhean Croise

Génesis 39:17

Ja̧danö, jilekwe ȩwa̧jena yöbawijotö: —Chilekwe, jo̧da ökwö kwichejebinökwe hebreo jojo, kwömöayo̧ma ötjönö sulabenö ja̧otö jö̧ba̧lö teachatö

2 Samuel 16:3

Jejenö yöa̧lökwe, la'aka luwo̧ Davidma abebö a̧ja̧kwinobe, —¿Kwuluwo̧mine Saul ö̧'dö̧ Mefibosetja? ¿Jo̧bama ichajökiji̧? —jö̧ba̧lö. Abebö a̧ja̧kwökwe, Siba atadinobe, —Jo̧bama Jerusalennö ö̧jibajabe, baikwö omukwatö, –Babe israel jojodöma cha'dömine Saul webö ö̧jinemi ötjöda webö chö̧jobö tjujunakobe, —jö̧ba̧lö.

2 Samuel 19:27

Ja̧danö ju'wibi chuluwo̧, chi̧'yobö jö̧ta̧lijayonö, jo̧ba Sibama sulabenö omöna yöa̧linobe ökwö la'aka chuluwo̧nö, ichobö öpöjödo̧, jö̧ba̧lö. Jejenö baledina yötawakwö chuluwo̧, ja̧danö ökwö inesö la'aka chuluwo̧ma, Dios weökwe angeldanö waiso̧ja, jo̧kwajabetjö̧ ökwöda otiwanö kwomukwati̧danö ja̧köbo.

Éxodo 20:16

Ja̧danö ju'wibi wetaduwakwö: Kwömöledöso̧, wene juna̧lo̧ma omukwatö juno̧ luwo̧ öbajale a'otjö ja̧nö kwatadaduwobö aebitjö̧ma omöna yöka̧laduwoko.

Éxodo 23:7

Ja̧danö, ju'wi wanedö yötawa: Ökwödöma jelo̧nö, sulabenö ja̧ököjayonö waneda̧löma yöka̧laduwoko, lȩekwa omukwatö juna̧dönöma, bitema sulabenö ja̧bo̧, jö̧ba̧lö. Lȩekwa omukwatö junadöma ö'öbönö omukwatö lȩtjebapji, jö̧ba̧lö, bitenöma kwabö lotjobö omukwatö dujuna, jö̧ba̧lö, jweinöda yöka̧laduwo. Omöna yöbalo̧nöma ötjöda balekwa mikwa lȩtebakwo̧sa, debö i'yobö.

Proverbios 10:18

Ja̧danö, ju'wibi yötawa, wanedö: Bakwo̧ma jelo̧nö jwiinö öpöjödijayonö öpöjödi̧ i̧sebökönö omöna yöa̧lobe, Chösödökwe, jö̧ba̧lö. Isabenö, jobekwö yöba̧lo̧ma omönada yöba̧lo̧. Ja̧danö, ju'wibi yötawa, wanedö: Bakwo̧ma jojodönö omöna yöawobe ju'wedönöma. Sulabenö ja̧tja̧jabe, jö̧ba̧lö yöawobe sulabenö ja̧tjö̧köjayonö. Jobekwö omöna yöbawo̧ma isabenö jweinö omukwatö̧kö̧.

Proverbios 12:17

Ja̧danö, ju'wibi yötawa: Lȩekwa yöbawo̧ öba a'o ja̧nö jweinö yöba̧lo̧ma baledina edi̧ma jweinö yöawobe. Jobekwö yöawokobe omöna yöba̧lo̧ma, omönada yöbawo̧ lȩekwa yöbawo̧nö.

Proverbios 14:5

Ja̧danö, ju'wibi yötawa: Bakwo̧, lȩekwa yöbawo̧ öba a'o ja̧nö ba̧kwȩjatebö jweinöda yöawitjö̧ma a̧ja̧kwadöma tjöwaisachibena, bitenö yöawobö atjebena jweinöda yöbawo̧, jö̧ba̧lö. Jobekwö yöawokobe omöna yöbawo̧ma. Omöna yöbawo̧ma lȩekwa yöbawo̧ öba a'o ja̧nö omönada yöbawo̧.

Proverbios 17:4

Ja̧danö, ju'wibi yötawa: Sulabenö omukwato̧ma jelo̧ sulabenö omukwato̧ yöa̧li̧ma ösödö a̧ja̧kwo̧. Ja̧danö, omöna yöba̧lo̧ma jelo̧ omöna yöa̧li̧ma ösödö a̧ja̧kwo̧.

Proverbios 19:28

Ja̧danö, ju'wibi yötawaduwakwö chömöledö: Bakwo̧ lȩekwa yöbawo̧nö edina jawa yöa̧lobö atjebitjö̧ma jweinö yöa̧lobö jo̧be. Jweinö yöa̧litjö̧ma lȩekwa yöbawo̧ma öwaisakwo̧ jelo̧nö lȩebojobö, lȩebokojobö jö̧ba̧lö. Edina yöba̧lo̧ma lȩekwa yöbawo̧nö ö'öbönö yöawitjö̧ma ¿dakwö öwaisoböda? Jweinö lȩeboböma jwiena jo̧banö yöba̧lo̧ma jweinö yöa̧lokobetjö̧. Isabenö, jo̧ba omöna yöba̧lo̧ma jweinö lȩekwa yöawakwawama sulabenö obo̧, lȩekwa yöbawo̧ma jweinö yöawi̧ma mikwawökö jö̧ba̧lö. Ja̧danö ju'wibi yötawa: Sulabenö ja̧bo̧ma iteda sulabenö ja̧i̧ma ösödo̧. Isabenö, söi̧ kwakwawa ukwobö ösödi̧danö ösödobe iteda sulabenö ja̧i̧ma.

Proverbios 19:5

Ja̧danö, ju'wibi yötawa, wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Bakwo̧ lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.

Proverbios 19:9

Ja̧danö, ju'wibi yötawa wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Jo̧bama lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.

Proverbios 21:28

Ja̧danö, ju'wibi yötawa: Bakwo̧, lȩekwa yöbawo̧nö iteda edina yöa̧lobö aebökwema omöna yöa̧litjö̧ma lȩekwa yöbawo̧ma jo̧banö kaatibena, yöba̧lökönuwi, omöna yöbawo̧ja, jö̧ba̧lö. Jobekwö baledokobe jweinö yöbawo̧nö. Abebö a̧ja̧kwökwema lȩekwa yöbawo̧nö iteda edina jweinö yöawitjö̧ma lȩekwa yöbawo̧ma ösödobe tupakwö yöba̧li̧, jö̧ba̧lö. Jweinö yöawobetjö̧ lȩekwa yöbawo̧ma jo̧ba yöawi̧ a̧ja̧kwö ösödo̧, jo̧banö yöawoböma kabatibökönö.

Proverbios 24:28

Ju'wibi yötawakwö chitji̧: Kwömöledöso̧kwö wene kwujuna̧lena nöi̧ jawa wene jwiitjö̧ma yöbawö kwi̧'yoko lȩekwa yöbawo̧ ö̧jobekwö. Ja̧danö, ju'wibi yötawa: Ju'wedönö kwömöledöso̧nöma omöna yökawoko jelobekwö tjo̧mukwatapji jö̧ba̧lö.

Proverbios 25:18

Ja̧danö, ju'wibi yötawa: Bakwo̧ lȩekwa yöbawo̧nö ömöledöso̧nöma omöna yöawena jwiinö sulobe. Wanedö yötawa: Jo̧ba omöna yöawi̧ma ömöledöso̧nö kwakwatji̧danö ji̧, i̧sö̧'a̧ nö'a̧nö kwakwatji̧danö. Ja̧danö, kwölöte'onö dȩi̧danö, ja̧danö na̧yu̧nu̧ 'böi̧danö ji̧, ömöledöso̧nö omöna yöawi̧ma, lȩekwa yöbawo̧nö. Jwiinö inia tjöi̧danö niobe.

Proverbios 25:23

Ja̧danö, ju'wibi yötawa: Isabenö döwaisobe, jwa̧lȩ'ȩpjo u'datjö baikwö jwa̧lȩ'ȩwenama ojwiyo o̧bakobe. Ja̧danö, ju'wibi döwaisobe: Ju'wedö jawa tja̧ja̧kwokonö sewoba̧lö yöda̧lena tjo̧'wo̧ suli̧nö tjedena ökwödönöma.

Proverbios 6:19

Jemi ikena Isabenö Jo̧ öpöjödi̧ma baikwö laebobe: Bakwo̧ lȩekwa yöbawo̧nö omöna yöawobe, jelo̧nö lȩebobö. Jobekwö omöna yöba̧lo̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Bakwo̧ omöna yöa̧lobetjö̧ ömöledötjö ju'wedökwö ju'wedökwö wene tjuju̧na̧lakwawobö jwöbebo̧nö jwiinö öpöjödobe Isabenö Jo̧ma. Ja̧ jelemutjö dötölataja jawa jojodö sulabenö omukwatö ja̧tji̧ jawa jwiinö öpöjödobe Isabenö Jo̧ma.

Mateo 19:18

Yöawökwe: —¿Dios weinatjö diya̧ ja̧bö chö̧jobö?— jö̧ba̧lö aebökwe, Jesúsma atadinobe: —Jojodönö kwabö lobökönaduwi Dios weinabi, kwilekwobökujukwö ja̧bökönaduwi Dios weinabi, naukwökönaduwi Dios weinabi, jojodö ja̧tji̧ omöna yöbawökönaduwi Dios weinabi,

Lucas 19:8

Ja̧danö, Jesús öba a'o jamatö, Zaqueoma Duluwo̧ Jesúsnö yöa̧linobe: —A̧ja̧kwi chuluwo̧, ötjöma chujuna̧li̧ 'da̧batö junö, ja'öda chiyakobe usula jojodönö, ja̧danö jelo̧nötjö chemoko jö̧ta̧laja̧ 'döbebö chematjö̧ma, chemaja̧tjö bajalekwönönö tjetatocha. Baikwö yöta̧la, bakwöta jawa chematjö̧ma, ö'wejemu jawa tjetatocha— jö̧ba̧lö yöa̧linobe Jesúsnö.

Lucas 3:14

Ja̧danö guardia jojodötjöbi ju'wedö abebö tja̧ja̧kwinobe: —¿Ökwödöja? ¿Dakwö ja̧bö di̧sebobö ökwödöma isabenö sulabenö domukwati̧ kabatibö balewachadösa jö̧ba̧löma?— Atjebökwe Juanma atadinobe: —Kwuluwedö tjimidi̧da emö kwö̧jaduwo. Ja̧danö ju'wibi, jojodönö 'döbebö naukwöma yebeabinöma kwemaduwoko. Ja̧danö ju'wibi, balada kwemaduwotö jö̧ba̧lö jojodönö omöna yöka̧laduwa, Bidöma sulabenö ja̧badö, jö̧ba̧löma. Kwuluwedö tjimidi̧da emö kwösödaduwo, Otiwa, jö̧ba̧lö— atadinobe Juanma.

Juan 7:51

—Chömöledö, da'dödömine wetjinama ökwödönö weobe, bakwo̧nö lȩdebakwa̧ abönö jo̧ba yöawi̧ a̧ja̧kwö döwaisobö jo̧be. Ina wajwida jo̧ba yöawi̧ma, ¿Dakwö yöawobö? jö̧ba̧lö— jö̧a̧linobe Nicodemoma.

Romanos 3:8

Ja̧danö, jejenö omukwatö yötja̧lena, Sulabenö ja̧bö dö̧ji̧ma, sulökö, Dios suli̧ jwii̧ weneda i̧sebö yödawobetjö̧, jö̧ba̧lö. Jejenö omukwatadö tjuju̧kwobe chömöledö. Ja̧danö, ju'wedöbi sulabenö ötjönö wanedö omöna yöba̧ladö, Pablobi jejenö yöbawo̧, jö̧ba̧lö. Jejenö yöbawö̧kö̧sa ötjöma chömöledö. Ju'wibi ökwödönö isabenö yötawa, Diosma jejenö yöba̧ladönö lȩebenama, jweinöda lȩbebo̧ chömöledö.

Efesios 4:25

Jo̧kwaobetjö̧, Dios isabenö omukwati̧danö omukwatö kwö̧jaduwobetjö̧, sulabenö omukwatö, omöna yöba̧löma kwö̧jaduwa chömöledö. Ökwödöma bakwo̧nökwena omönama yöka̧laduwoko kwö̧jaduwemi ju̧kwadönöma. Jobadönö, Jesúsnö ösödadönö, jweinö yöka̧laduwo, ökwödöma bakwainö Jesús iteba'obedö dö̧jobetjö̧.

Deuteronomio 5:20

–Ja̧danö ju'wibi wetaduwakwö: Kwömöledöso̧nö omöna yöka̧laduwoko, sulabenö ja̧ököjayonö, Bitema sulabenö ja̧bo̧, jö̧ba̧lö.

2 Timoteo 3:3

Ja̧danö, jojodönö ösödabikwawöma tjö̧jökakobe, ja̧danö jojodönö lȩlö̧jinöma tjedökakobe, ja̧danö ju'wedönö omöna yötja̧lakobe, sulabenö ja̧badö jö̧ba̧lö. Ja̧danö, idöda tjösödi̧da ja̧tjakobe, ja̧danö jojodönö tjölabikobe, ja̧danö otiwanö ja̧awama tjöpöjödakobe.

1 Pedro 3:16

Ja̧danö, okobe jwiinö ja̧bö kwö̧jaduwi̧ma, kwomajadeduwinö otiwanö kwöwaisaduwi̧danö ja̧bö kwö̧jaduwo chömöledö. Ju'wedöma isabenö ökwödönö öpöjödö sulabenö yötja̧lena chömöledö, Cristonö ösödadöma sulabedö, sulabenö ja̧badö, jö̧ba̧lö. Jo̧kwaijayonö kwomajadeduwinö kwöwaisaduwi̧danö ja̧bö kwö̧jaduwitjö̧ma, ökwödönö sulabenö yöba̧ladöma taba lö̧jawö̧ tjö̧jakwedö, otiwanö ja̧bö kwö̧jaduwi̧ öwaetjöda öwawobetjö̧.

Apocalipsis 12:10

Ikenama iwene labinö ökwöi̧ cha̧ja̧kwijatö mölejȩbetjö, baikwö: —Tjo̧wi̧ta, Awetjanö mölejȩbetjö böjȩkwö jabö lotjajabe. Jo̧bama mölebi, yö̧tebi Do̧'wo̧ Döwana̧lökwe Dios öba a'o ja̧nö jwöbeba̧lo̧ Diosnö, iteda ömöledö babibinadö sulabenö ja̧tji̧ma. Ja̧danö, bajaliyanö, Do̧'wo̧ Döwana̧lökwe Diosma, iteda ömöledö babibinadönö tjö̧jibinö pjaati̧tjö okobe jwiinö badekwachajabe. Bajaliyanö, Dios ömöledö babibinadönö, Awetja sulabenö ja̧biainatjö tjö̧jibi̧ma badekwachajabe. Isabenö, Do̧'wo̧ Döwana̧lökwe Diosma iteda ujulu i̧sebajabe. Ja̧danö, Awetjanö jabö lotjajabetjö̧, tjo̧wi̧ta, Dios La'aka Luwo̧ ö̧ji̧ möle badekwachajabe. Ja̧danö, Do̧'wo̧ Döwana̧lökwe Dios, iteda jojodö tjö̧jibinö pjabatö weinökwenö, kabebö ujuni̧ möle badekwachajabe böjȩ la'aka luwo̧ baibanö.