Éxodo 21:29 - Dios Iwene

²⁹ Jo̧kwaijayonö baikwö baleditjö̧ma a̧jikwo̧nöbi kwabö lotjobö jo̧be, wanedö yötawa: Ajayinöma bakayaso̧ma yemidanö yemidanöbi jojodönö töbö i'yekanö tibatö labiainobe. Ja̧danö, a̧ji̧kwo̧nö atjeba̧linobe, Kwajwima labo̧, tjöekwaka okwa di̧batö kwujunonö, jojonö töbö i'yekanö tiatapji jö̧ba̧lö. Jejenö atjeba̧lijayonö a̧ji̧kwo̧ma a̧ja̧kwökönö a̧jwi̧ labo̧nö tjöekwaka okwa di̧batö ujuninokobe. Jejenö ujunokobetjö̧, yemidanö i'yekanö tiatitjö̧ma a̧ji̧kwo̧ jawada, ja̧danö wene juna̧lo̧. Jejenö baleditjö̧ma bakayanöbi a̧ji̧kwo̧nöbi kwabö lotjobö jo̧be inawiyanö ikwawö.

Éxodo 21:29 Iomraidhean Croise

Génesis 9:5

Ina jö̧ba̧lijetö: —Yötawaduwakwö: Tebonö jo̧ jojonö kwabö loitjö̧ma jo̧banöma balekwa mikwa kwabö loköbaduwonö. Ja̧danö, jojonöbi jejenö, bakwo̧ jelo̧ jojonö kwabö lobo̧nöma. Bakwo̧ jelo̧ jojonö kwabö loitjö̧ma jo̧banö balekwa mikwa kwabö loköbaduwonö, jelo̧ jojonö kwabö lobo̧nöma.

Éxodo 21:28

Ina webijetö Isabenö Jo̧ma Moisésnöma, weawa wene ujunobö Israel jojodönö a̧ja̧kwö tjö̧jobö, baikwö: —Wanedö yötawa: Bakwo̧ ajwi bakayaso̧ma iso̧nö, isujunö töbö, i'yekanö tibatö loitjö̧ma bakayaso̧nö kwabö lotjobö jo̧be, inawiya ikwawö. Ja̧danö, jo̧ba bakayaso̧ itebiyama tjukwokobö jo̧be. Ja̧danö, bakayaso̧ a̧jikwo̧nöma wene jwiinö tjedobö jo̧be, jo̧banö lȩbebökönö.

Éxodo 21:30

Jo̧kwaijayonö lȩekwa omukwatö junadöma a̧ji̧kwo̧nö imikwa baibanö balekwo̧nö imidobö atjeba̧lena, a̧ji̧kwo̧ma iteda ö̧jibinö imidobö.

Éxodo 21:36

Jo̧kwaijayonö okobe deinö jobe ju̧kwadöma tjöwaisitjö̧ma, jo̧ba bakayaso̧ma tichawö lobiabo̧jayonö a̧ji̧kwo̧ma di̧batö ujunokobe, jö̧ba̧lö, labo̧ bakayaso̧ a̧ji̧kwo̧ma imidobö jo̧be. Jo̧ba a̧jwi̧mu̧tjö̧ bakwo̧ balekwo̧nö iyobö jo̧be tibatö loökwe a̧ji̧kwo̧nöma. Ikenama bakaya tibatö lobajo̧ a̧ji̧kwo̧ma ö'wöchajo̧nö töbebö e'ewobö jo̧be— jejenö webijetö Isabenö Jo̧ma Moisésnöma. Okobe jwiinö weawa wene ujunobö webijetö Isabenö Jo̧ma Moisésnöma, Israel jojodönö ja̧ weawa wene a̧ja̧kwö tjö̧jobö.