Éxodo 21:2 - Dios Iwene

² Wanedö yötawa. Ökwödötjö bakwo̧ Hebreo jojonö midö kwemena kwömöayo̧ baibanö, jelemutjö bakwöta o̧biyada ökwö weköbi̧ a̧ja̧kwö otidobö jo̧be. Ja̧danö jelemutjö bakwöta o̧bi̧ya̧ 'dö̧ibajena, jelemutjö dötölataja o̧bi̧ya baibanö jo̧bama weköbi̧tjö ö̧jibinö laebobö jo̧be, ökwönö midawa jwiinö.

Éxodo 21:2 Iomraidhean Croise

Génesis 27:28

Chitji̧, Diosma si̧li̧'i̧dö tjo'yoli weakwo̧, ku̧kwa pokwi̧ tiyudobö. Ja̧danö, kwöbatjonö otiwanö pökwi̧bi pokwobö pjaatakwo̧. Kwakwawabi nöinö, ubabi, ubasobu yu'yöawobubi nöinö pokwinö baibanö pjaatakwo̧.

Génesis 27:36

Jejenö jö̧a̧liökwe Esaúma jö̧ba̧lijetö: —Jo̧ba imima, Jacob, jö̧ba̧lö, jweinö imikwobe, sulabenö önaukwobetjö̧. Damötjö̧ ötjönö abönö pöenö kwiyakwa̧bi önaukwijatö jȩlu̧wa̧ balewö. Ja̧danö, babeda Dios ötjönö dösölö̧jinö edö pjaatakwa̧bi önaukwajabe. Chabe'do ¿ju'wi Dios dösölö̧jinö edö pjaatakwa̧ma kwujunibaji̧, ötjönö dösölö̧jinö edö pjaatakwa̧ kwujuni̧ma?— abebijetö Esaúma.

2 Reyes 4:1

Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

Éxodo 12:44

Jejenöijayonö ökwödö midö kweminaduwawö̧nöma, tjötade bajalesado̧ 'wibekwadöma ökwödökwö ba'ali tjukwo.

Éxodo 21:3

Ja̧danö, jo̧ba midö eminökwema ilekwo debo̧nö emitjö̧ma jo̧dawa'ye laebakwo̧ jelemutjö dötölataja o̧biya baibena. Ja̧danö, ilekwonö juna̧lo̧nö midö eminatjö̧ma du̧ju̧taja, ömöayo̧ ilekwokwö tjö̧jibinö latjebakwedö jelemutjö dötölataja o̧biya baibena.

Éxodo 21:7

Ina webijetö: — Biya̧ weawa wenebi kwujuno ökwödönö, Israel jojodönöma, baikwö: Wanedö yötawa: Bakwo̧ iteda itjijunö jelo̧ ömöayuju baibanö midö iyitjö̧ma jelemutjö dötölataja o̧biya baibena jö̧jibinö lajeboböma jwibuju, iso̧ midö tjeminökwe laebi̧danö.

Mateo 18:25

Jo̧bama umusidi̧ imidobö jwiinobe, jo̧kwajabetjö̧ la'aka luwo̧ma weinobe, jo̧banöbi, ilekwonöbi, i̧tji̧munöbi ju'wedö tjömöayedö batjibanö mikwanö iyö lotjobö, ja̧danö okobe jwiinö tjujuna̧li̧ iyö lotjobö, ja̧ baladanö tjumusidaja̧ma tjimidawobö.

1 Corintios 6:20

jo̧bada mikwanö midö ökwödönö eminobetjö̧. Ja̧danö, jejenö ökwödönö midö eminobetjö̧, kwiteba'oduwinö Dios ösödi̧danö ja̧bö kwösödaduwonö.

Deuteronomio 15:1

Tupakwö yöawinobe Moisesma, israel jojodönö: —Chömöledö, ba̧kwelöjatebö o̧ba jelemutjö döbalataja o̧ba baibenama, okobe deinö kwömöledöduwi israel jojodö ökwödönö tjumusidi̧ma, söbebö loköbaduwobö ja̧kobe.

Deuteronomio 15:18

—Ja̧danö chömöledö, jelemutjö dötölataja o̧ba baibena, kwömöayedö latjebobö baibenama, kwo̧'wo suli̧nö, –Tajawedö chömöayedö weti̧tjö latjeboböjö, –jö̧ba̧lö a̧'dȩlanö kwomukwataduwoko chömöledö, baikwö yötawa: Jobadöma ida̧ökö jelemutjö bakwöta o̧biya baledibanö kwömöayedö ja̧nö tjotidajabe, jobadönö kwimidaduwokonö. Ja̧danö, jobadö tjotidaja̧ma, ju'wedönö midö tjotidobö weköbinatjö̧ma, isabenö nöinö kwimido jö̧ka̧linena jö̧ba̧lö. Ja̧danö, ju'wibi kwomukwataduwobö jo̧be chömöledö, –Bejenö chömöayedö tjö̧ji̧tjö otiwanö latebiökwe, chuluwo̧ Isabenö Jo̧ Diosma okobe jwiinö otidö chö̧ji̧ma pjaatakwo̧, –jö̧ba̧lö kwomukwataduwobö jo̧be, —jö̧ba̧lö yöawinobe Moisesma.

Deuteronomio 31:10

Jejenö iyö, Moisesma jobadönö weinobe, —Chömöledö, kwöwaisaduwa, kwiteboduwi kwö̧jaduwenama, jelemutjö dötölataja o̧bakwenama, tjumusidi söbebö loawa o̧ba ja̧kobe, jö̧tö? Ja̧ tjumusidi söbebö loawa o̧bakwena, okobe deinö ökwödö israel jojodö Dios omudawö ujunakwemibe ichö, jo̧ba öba a'o ichibö, löwötenö ja̧kwawa ba'ali kwujunaduwobö ja̧kobe, ja̧danö ja̧ ba'ali kwujunaduwenama, bi'ye yöka̧laduwobö ja̧kobe. Jau chömöledö, ja̧ ba'ali kwujunaduwenama, okobe deinö israel jojodönö kwo̧ko̧ko̧daduwobö ja̧kobe, ömadönöbi, ya̧dönöbi, tjemunöbi, ja̧danö ju'wibi israel jojodöböködö kwiteboduwi comunidadnö ju̧kwadönöbi kwo̧ko̧kodaduwobö ja̧kobe, ja̧danö okobe deinö tja̧ja̧kwa̧lonö, bi'ye Dios wei̧ wȩyukwa'ye tjöba a'otjö yöka̧laduwobö ja̧kobe. Jau chömöledö, okobe deinö bi'yenö laebi̧ jawa kwa̧ja̧kwaduwobö jo̧be, otiwanö yebabinö kwuluwo̧duwi Isabenö Jo̧ Diosnö kwösödaduwobö kwöwaisachibaduwakobetjö̧, ja̧danö bi'yenö laebi̧ jawa a̧ja̧kwö, teada̧lönö laebi̧danö ja̧bö kwö̧jaduwakobetjö̧.