Éxodo 20:19 - Dios Iwene

¹⁹ yöba̧lijadötö Moisésnö: —Moisés, ökwöda yöka̧lo ökwödönöma, Diosmakö̧. Ökwö yökawi̧ma isabenö da̧ja̧kwedösa. Jo̧kwaobetjö̧ pjabatidönö Dios yöa̧lökakobetjö̧ ökwödönöma debö di̧'yapji jö̧ba̧lö— abebijadötö Israel jojodöma Moisésnöma.

Éxodo 20:19 Iomraidhean Croise

Génesis 3:10

—Chuju̧kwawajabe. Batjo ö'öbö kwichobe a̧ja̧kwö yetaibatö, cha̧do̧ jwibö chö̧jobetjö̧. Jo̧kwaobetjö̧ chujukwawatö— atadökwe:

Génesis 32:30

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

Éxodo 33:20

Jo̧kwaijayonö ötjö chöba kwedoböma jwiya Moisés, debö kwi̧'yapji jö̧ba̧lö. Bakwo̧ ötjö chöba editjö̧ma debö i̧'yakwo̧.

Hechos 7:38

jö̧ba̧lö yöbawijetö Moisésma. Ja̧danö, jo̧ba Moisésda da'dödöminekwö ji̧nama, jojodö deena. Jobetjöma ángelma Dios yöawi̧ yöbawijetö Moisésnöma, mö'ösa'o Sinaí mikwa'onö jo̧nö. Jobetjöma Moisésma emijetö Dios wei̧ iwȩyudinama, ba̧kwȩlö̧jatebö ji̧ iwȩyudinama ökwödöbi dujuna̧lobö.

Gálatas 3:19

Jo̧kwajabetjö̧, ¿tajawedö Dios wei̧ Moisés iwȩyudobö weinada chömöledö? Baikwö yötawa: Jojodö sulabenö ja̧tji̧ i̧sebotö jö̧ba̧lö Diosma Moisés iwȩyudobö weinobe. Ja̧danö, Moisés iwȩyudina ja̧tjobö ujuninobe, Abraham itji̧ tupadanö jojo ichibenanö kabatö, Dios bitenö pjatatocha jö̧a̧linökwema. Jau chömöledö, Diosma Moisés iwȩyudina iyenama, ángelesdönötjö iyinobe, ja̧danö ö'weje pjabato̧ Moisésnötjö jojodönö iyinobe.

Deuteronomio 18:16

Jejenö yöawi̧ yöbawo̧nö weakwa̧ma, damötjö Sinai mösa'otjö akebinaduwada̧nö baledakobe, baikwö yötawa: Ja̧ möle kwuluwo̧duwi Isabenö Jo̧ Dios öba a'o ja̧nö, iwene ökwöi̧ kwa̧ja̧kwaduwinenama, akebinaduwobe, –Duluwo̧ Isabenö Jo̧ Dios, babe kwiwene ökwöinö da̧ja̧kwaja̧danö bemi tupakwö da̧ja̧kwobö döpöjöda, ja̧danö bola ökwöla, inesö kwujulu i̧sȩkwöla bemi tupakwö dedobö döpöjöda, debö di̧'yapji jö̧ba̧lö. Bemi tupakwö ökwödönö yökawi̧ma, bakwo̧nö yökawobö adebakwö, jemi tupakwö jo̧bada yökawi̧ ökwödönö yöawakobetjö̧, –jö̧ba̧lö kwuluwo̧duwi Isabenö Jo̧ Diosnö abebinadöja.

Deuteronomio 5:5

Ja̧ möle ökwödöma mösa'o yö̧ne kwichibaduwobö yekabiduwijatö, ökwöla edö yekabinaduwobetjö̧, ja̧danö jejenö yekabiduwitjö̧, ötjöma ökwödötjö Isabenö Jo̧tjö kwö'da̧deduwinö chö̧jijatö, Isabenö Jo̧ yöawi̧ ökwödönö yötawobö. Ja̧danö, jobe dö̧jonö, baikwö yöawinobe Isabenö Jo̧ma:

Hebreos 12:19

Ja̧danö, ökwöi̧bi ökwöinobe ja'otjöma, trompeta labinö pjutji̧danö. Ja̧danö, iwenebi ökwöinobe, Dios iwenema. Ja̧danö, da'dödöminema ja̧ Dios iwene a̧ja̧kwö yelösöda yetjaibinobe. Yetjaibobetjö̧ budekwö wetjinobe Moisésnö, ¡Ayö! Diosnö abebi ökwödönö yöa̧loko, labinö yöa̧li̧ma, jö̧ba̧lö. Yedabi. Moisés, ökwöda Dios yöawi̧ kwa̧ja̧kwo, jemi tupakwö ökwödönö yökawo, jö̧ba̧lö, budekwö wetjinobe Moisésnö.