Éxodo 20:10 - Dios Iwene

¹⁰ Jo̧kwaijayonö jelemutjö dötölataja mölȩ, sábado mölȩ baibenama kwö'wachaduwo, ötjö Isabenö Jo̧nö, ökwödö Kwösödaduwökwe Diosnö omukwatö kwö̧jaduwobö. Ökwödö otidökönö kwö̧jaduwobö jo̧be, ja̧ mölȩma. Ja̧danö, kwi̧tji̧muduwi ömadöbi ya̧döbi otidökönö tjö̧jobö jo̧be. Ja̧danö kwömöayedöduwi ömadöbi ya̧döbi otidökönö tjö̧jobö jo̧be. Ja̧danö kwa̧jwi̧mutjö otidadöbi otidökönö tjö̧jobö jo̧be, kwa̧jwi̧mu̧bi tjö'wachakobetjö̧. Ja̧danö ju'wedö jelobetjö ichinadö kwiteboduwinö ju̧kwadönöma tjotidobö weköbaduwoko.

Éxodo 20:10 Iomraidhean Croise

Éxodo 16:26

Jejenö jelemutjö bakwöta möle jenanö kwe'daduwo, mölekwena. Jemi ikena möle, jelemutjö dötölataja möle baibena tjoduwi̧ kwakwawama nijinö ba̧jokobe, ja möle kwö'wachaduwi̧ möleobetjö̧— jö̧ba̧lijetö Moisésma.

Éxodo 31:13

—Moisés weköbo Israel jojodönö ötjö weti̧danö a̧ja̧kwö tjotidoko otikwö̧kö̧ mölȩma. Ja̧danö, ökwödö babe ju̧kwadöbi, ökwödötjö tupadanö jojodöbi jejenö a̧ja̧kwö kwö̧jaduwobö jo̧be, otikwö̧kö̧ mölȩ otidökönö. Ja̧ mölȩ otidökönö kwö̧jaduwobetjö̧ kwöwaisachibaduwakobe, ökwödöma Isabenö Jo̧ wainö ujuninawö̧sa, ja̧danö, jo̧ba weina a̧ja̧kwadösa, jö̧ba̧lö.

Éxodo 34:21

Ja̧danö, bakwöta semanakwena jelemutjö bakwöta mölȩkwena kwotidaduwo. Jo̧kwaijayonö jelemutjö dötölataja möle baibenama kwö'wachaduwobö jo̧be, otidökönö. Batjo junawa mölȩbiyabi, ja̧danö batjo kwujuninaduwatjö kwmaduwi̧ mölȩbiyabi kwö'wachaduwo otidökönö jelemutjö dötölataja mölȩ baibena, bakwöta semanakwena.

Éxodo 35:2

Bakwöta semanakwena jelemutjö bakwöta mölȩ kwotidaduwo. Jo̧kwaijayonö jemi ikena mölȩma, jelemutjö dötölataja mölȩma kwotidaduwoko. Ja̧ mölȩma otidökönö kwö'wachaduwakwa̧ möle ja̧kobe, Isabenö Jo̧nö kwomukwataduwobö inesö mölema. Ja̧ mölȩma otido̧nöma kwabö loköbaduwobö jo̧be.