Éxodo 2:21 - Dios Iwene

²¹ weajawö̧ öbibö 'yi̧jadötö. 'Ya̧jadö Moisésnö öbibö ȩwa̧jijadötö tjejutjö ukwobö. Ja̧danö, Moisésma jobadökwö ö̧jobö ösödobetjö̧ jobeda ji̧jetö lekwe, Reuel ejunö. Ju'winö Reuelma bakwuju itjijunö Séfora mikwujunö webijetö Moisés emobö ilekwo baibanö.

Éxodo 2:21 Iomraidhean Croise

Éxodo 2:10

Ju'winö tjemuma tjo̧wi̧ pöe baibajenama ojo'doma faraón itjijunö iyö 'yi̧jotö jo̧banö, faraón itjiju jitji̧ baibanö. Faraón itjijuma midijotö tjemunö, Moisés, jö̧ba̧lö, ojwetjö tötebajökwe, jö̧ba̧lö.

Éxodo 2:20

—¿Jo̧baja? ¿Tajawedö junibö kwȩwa̧jaduwaja̧da? Öbibajaduwinö icho dejutjö ukwo—

Éxodo 3:1

Ja̧danö, Moisésma Madiánnö ja̧nö o̧bȩja̧dönö te'ada̧liabijetö, öjaba Jetro, jobe jojodötjö Diostjö tjö'da̧denö pjabato̧ a̧jwi̧mu o̧bȩja̧dönö. Ju'wi möle Moisésma o̧bȩja̧dönö öbibö 'yi̧jetö jojodö deobekwö mejebe, ja̧wo̧ meajobekwö. Jobekwö 'ya̧nö mö'ösa'o jena ichibijetö, Horeb mikwa'o, Diosnö ösödö midö junijadötö, Dios ö̧ja'o, jö̧ba̧lö.

Éxodo 4:18

Ikenama Moisésma öjaba Jetro ö̧jobekwö ȩwa̧jö jö̧ba̧lijetö: —Chöjaba, ökwönö ateba: Egiptobe chȩwa̧jo webitjö, chömöledö Israel jojodönö chedobö. Ina 'yatja̧lo̧jo̧bö chöwaisobö jö̧ta̧la— jö̧a̧lökwe: —Jao kwȩwa̧jo, Diosma kwo̧'wo luwo̧nö ösöwachibanö pjaatobö chösöda— jö̧ba̧lijetö Jetroma Moisésnöma.

Hechos 7:29

Jejenö jö̧a̧liökwe Moisésma döbibajijetö Madián nijibe, ju'wedö tjitebonö ö̧jobö. Jobetjöma ilekwonö emijetö. Jobetjöbi i̧tji̧munö, ömadö du̧ju̧tajanö 'yabebijetö— yöbawijetö Estebanma.

1 Timoteo 6:6

Timoteo, do̧'wo̧ ösöwanö ja̧nö Diosnö ösödadöma, isabenö nöinö juna̧ladösa, do̧'wo̧ luwo̧ jawama.

Hebreos 11:25

Ja̧danö, Egiptonö okobe jwiinö juna̧lo̧ ö̧ji̧, iteda sulabenö ösödi̧da ja̧bö ö̧ji̧ma kaatibinobe. Jejenö ö̧ji̧ma kaatibinobe, Babe chö̧ji̧, chösödi̧da ja̧bö chö̧ji̧ma böjȩda ja̧kwawa, ba̧kwȩlö̧jatebö mikwawökö, jö̧ba̧lö. Jejenö jö̧könö, Chömöledökwö chö̧jobö jö̧ta̧la, Dios ömöledökwö, jobadökwö usula emawö, jö̧ba̧lö, omukwatö ujuninobe.

Hebreos 13:5

Ja̧danö, ju'wibi yötawaduwakwö. Balada kwujuna̧laduwi̧dama omukwatö kwö̧jaduwoko chömöledö. Otiwanö omukwataduwi tjo̧wi̧ kwujuna̧laduwi̧ma, ju'wi jawabi, ju'wi jawabi, kabatökönö kwemaduwobö omukwatökönö. Chömöledö, ökwödöma jwiinö mikwawinö ji̧ juna̧ladöja, Diosma ökwödönö ile niebobetjö̧. Kwomukwataduwo Dios ökwödönö yöawina. Baikwö laebobe Dios iwenetjöma, iteda yöawina: Ökwödönö la'akatjöda le'dedibö chȩwa̧jökakwo̧sa. La'akatjöda ökwödönö katatibökakwo̧sa. Jejenö laebobe Dios iwenetjö, Diosma ba̧kwȩlö̧jatebö ökwödökwö jo̧, jö̧ba̧lö.

Santiago 1:10

Ja̧danö, ökwödö chö̧ja̧wo̧dötjö böjȩ jawa juna̧ladönöbi yötawaduwakwö. Diosma ökwödönö nijakwö lödö yöa̧lobe, Ökwödö kwujuna̧laduwi̧ma mikwawökö, jö̧ba̧lö. Ja̧danö, chö̧ja̧wo̧dötjö juna̧ladö, ökwödönö yötawa. Kwo̧'wo̧duwi ösöwanö kwomukwataduwobö jo̧be, Dujuna̧lijayonö ja̧ dujuna̧li̧ma mikwawadö badibobö jwiobe, jö̧ba̧lö. Do̧'wo̧ luwo̧ jawada isabenö mikwawi̧, jö̧ba̧lö, kwomukwataduwobö jo̧be chö̧ja̧wo̧dö, böjȩtjö kwujuna̧laduwima ba̧kwȩlö̧jatebö kwujuna̧laduwökakobetjö̧. Ja̧danö, juna̧ladönöma ina yötawaduwa, wanedö: Mejenö pokwi̧ o̧bu̧bi̧ya bo̧i̧ imiamenö woi̧danö ökwödöbi woköbaduwakwedöja. Ja̧danö, kwujuna̧laduwi̧bi ju'wi mölema jwiakwa̧.