Éxodo 2:18 - Dios Iwene

¹⁸ Jemi ikenama Reuel i̧tji̧muma tjejube ȩwa̧jijadötö o̧bȩja̧dönö öbibö. Juluwanö tjȩwa̧jiökwe tjabe'doma abebö a̧ja̧kwijetö: —¿Dakwö wabö kwiyaja̧duwada juluwanöma? — jö̧ba̧lö.

Éxodo 2:18 Iomraidhean Croise

Éxodo 2:19

Jejenö abebö a̧ja̧kwawö̧ atadijadötö: —Dabe'do, bakwo̧ Egipto jojoma ökwödönö pjaatatö, ju'wedö te'ada̧ladö ökwödönö a'dewö lotjenama. Ikenama jo̧bama pjaatatö ojwiyo wabö, tjowena sa̧bö kwa̧jwi̧mu tjowoböma. Jejenö pjaatobetjö̧ juluwanö dewa̧ja̧tö— tjatadökwe:

Éxodo 3:1

Ja̧danö, Moisésma Madiánnö ja̧nö o̧bȩja̧dönö te'ada̧liabijetö, öjaba Jetro, jobe jojodötjö Diostjö tjö'da̧denö pjabato̧ a̧jwi̧mu o̧bȩja̧dönö. Ju'wi möle Moisésma o̧bȩja̧dönö öbibö 'yi̧jetö jojodö deobekwö mejebe, ja̧wo̧ meajobekwö. Jobekwö 'ya̧nö mö'ösa'o jena ichibijetö, Horeb mikwa'o, Diosnö ösödö midö junijadötö, Dios ö̧ja'o, jö̧ba̧lö.

Éxodo 4:18

Ikenama Moisésma öjaba Jetro ö̧jobekwö ȩwa̧jö jö̧ba̧lijetö: —Chöjaba, ökwönö ateba: Egiptobe chȩwa̧jo webitjö, chömöledö Israel jojodönö chedobö. Ina 'yatja̧lo̧jo̧bö chöwaisobö jö̧ta̧la— jö̧a̧lökwe: —Jao kwȩwa̧jo, Diosma kwo̧'wo luwo̧nö ösöwachibanö pjaatobö chösöda— jö̧ba̧lijetö Jetroma Moisésnöma.

Juan 9:12

Jejenö yöawiawö̧: —¿Daida jo̧ba Jesúsma?— abebö tja̧ja̧kwiökwe: —Wajwita— atadinobe öbajale otiwanö baibajökwema.