Éxodo 2:10 - Dios Iwene

¹⁰ Ju'winö tjemuma tjo̧wi̧ pöe baibajenama ojo'doma faraón itjijunö iyö 'yi̧jotö jo̧banö, faraón itjiju jitji̧ baibanö. Faraón itjijuma midijotö tjemunö, Moisés, jö̧ba̧lö, ojwetjö tötebajökwe, jö̧ba̧lö.

Éxodo 2:10 Iomraidhean Croise

Génesis 16:11

Yötawakwö. Ökwöma metu'wo jujuja. Ja̧danö, kwitji̧nö kwemakwujuja, Ismael, jö̧ba̧lö kwimidakwo̧nöma. Agar, Isabenö Jo̧ Diosma usula emawö kwubudekwi̧ a̧ja̧kwobetjö̧ jejenö kwimidakobe kwitji̧nö, Ismael jö̧ba̧lö.

Génesis 4:25

Adánma yemidanö ilekwo Evakwö bakobe babibijetö. Ja̧danö, jobujuma metu'wo ja̧ju jitji̧nö emijotö. Emajökwenö midijotö Set, jö̧ba̧lö. Jo̧banö midö jö̧ba̧lijotö: —Diosda iyajokosa jelo̧ chitji̧nö. Chitji̧ abönö pöe Caínma kwabö loinobe ö̧ja̧wo̧nö, Abelnöma. Jo̧kwaijayonö Dios balekwo̧nö iyajokosa— jö̧ba̧lijotö Evama.

Génesis 48:5

Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

2 Samuel 22:17

Isabenö Jo̧ma mötjö ömamu debatö, ötjönö do̧batö emijatö, jwaibalawa da̧kwobe chö̧jajelö chö̧jibinö emijatö.

Éxodo 2:9

Ichajajunö webijotö faraón itjijuma: —Bite tjemunö emibö da̧ji kwejube kwo̧do̧'bi̧ ojwö kwöbötjatonö. Chimidocha— webijotö. Jejenö wejoko tjemunö, isuda jitji̧nö emibö ȩwa̧jijotö jo̧do̧'bi̧ ojwö jöbötjatobö.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Gálatas 4:5

Jejenö ichinobe, ökwödö Moisés iwȩyudinadanö ja̧do jö̧ba̧ladönö dö̧jibinö pjaato jö̧ba̧lö, ökwödöma Dios i̧tji̧mu badibakobetjö̧.

Hebreos 11:24

Ja̧danö chömöledö, Moisésbi Diosnö o̧'wo̧ wana̧lö ji̧na. Jo̧bama Egiptonö la'aka luwo̧ itjiju jitji̧danö öda̧peachinobe, inesö jo̧, Bitema la'aka luwo̧ ö'dö̧, jö̧tja̧lökwe. Jo̧kwaijayonö ida̧ökö pöe baibenama, Diosnö o̧'wo̧ wana̧lö ö̧jobetjö̧ Egiptonö, inesö jo̧danö ö̧ji̧ma öpöjödinobe, Ötjöma Egipto jojobö̧kö̧sa, la'aka luwo̧ ö'dö̧bö̧kö̧sa, jö̧ba̧lö.

1 Juan 3:1

Chö̧ja̧wo̧dö, Dabe'do Dios ökwödönö jwiinö ile niebi̧ma domukwataduwo. Yelösöda jwiinö ile niebobe ökwödönö. Ja̧danö, jwiinö ile niebobetjö̧ ökwödönö öabobe, Chi̧tji̧mu, jö̧ba̧lö. Isabenö chö̧ja̧wo̧dö, ökwödöma Dios i̧tji̧musa. Jejenöijayonö böjȩ jawa ösödadöma ökwödönö edö omukwatöködö, Idöma Dios i̧tji̧mu, jö̧ba̧lö. Dios i̧tji̧mu döji̧ma wajwitjobe. Jobadöma Diosnöbi wajwitjobetjö̧ ökwödönö, Idöma Dios i̧tji̧mu, jö̧ba̧lö, tjomukwatokobe.

1 Samuel 1:20

ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.