Éxodo 19:16 - Dios Iwene

¹⁶ Ja̧danö, ja̧ möletjö dötölataja möle baledajena, dewachenama böba labinö ökwödijetö, ja̧danö, jwiinö nebödanö kwabawijetö. Ja̧danö, ojwiyo'wo yȩa'wo lo̧be mö'ösa'onöma. Ja̧danö, obeja i'yekanö pjuawama labinö ökwöijetö. Jejenö, böba, nebö kwaawobe, ojwiyo'wo yȩa'wo lo̧be, pjutji̧ labinö ökwöobe balediawö̧ jwiinö yebabinö tjö̧bawijadötö okobe deinö Israel jojodöma.

Éxodo 19:16 Iomraidhean Croise

2 Samuel 22:10

Mölejȩ kȩ'ekwinö yutuajinobedanö ichejekwa, ömasapiya teebe, ojwiyo'wo inesö yȩa'wo ji̧nö.

Diosnö ösödo̧ Job mikwo̧ usula emawina jawa 38:25

—Ja̧danö tidaja ojwiyo o̧bakwa̧ mana sobö po̧ebinada, nijakwö labinö ojwiyo o̧bakobetjö̧? Ja̧danö tidaja böba kweachakwa̧ma omudawö ujuninada?

Éxodo 19:11

Ja̧ tjotikwi̧ma, ja̧danö tjökamisi tjidicha̧li̧bi itekwayi dewachöma tjo̧wi̧ katjatakwawo ja̧ mölȩma ötjönö tjedakobetjö̧. Ja̧ mölema ötjö Isabenö Jo̧ma Sinai mö'ösa'o wa̧pekwa'onö jwitachocha okobe deinö jojodö tjeda̧lonö.

Éxodo 19:15

Ja̧danö, webijetö Israel jojodönö: —Chömöledö, dötölataja mölȩ kwotikwaduwi̧ma kwotikwaduwajabe, ja̧danö kamisi dichöbi kwidicha̧laduwajabe. Ja̧danö, ikena möle, Itekwayi dewachöma ida̧ökö otikwibö kwuju̧kwaduwo. Ja̧danö, babe möle tupakwöma kwilekwamuduwikwöma kwö̧jaduwoko— webijetö Moisésma.

Éxodo 19:17

Ikenama Moisésma Israel jojodönö tjö̧jemitjö öbibö 'yi̧jetö Diosnö tjedobö. 'Ya̧jadöma mö'ösa'o la'akanö jamatijadötö.

Éxodo 19:9

Ikenama, Isabenö Jo̧ma jö̧ba̧lijetö Moisésnö: —¡A̧ja̧kwitjö! Ötjöma ojwiyo'wo böa'wo okwa öwawachibö ja'wotjöda yöta̧locha ökwönöma. Ökwönö yötali̧da jojodöma tja̧ja̧kwakobe. Jejenö tja̧ja̧kwobetjö̧ jemi tupakwöma ökwö yökawi̧ma ba̧kwȩlö̧jatebö tjösödakwedö, Jweinö yöbawo̧, jö̧ba̧lö, ötjö yöta̧li̧da tja̧ja̧kwobetjö̧— yöbawijetö Isabenö Jo̧ma Moisésnöma. Ikenama Moisésma mö'ösa'obetjö yutubajö jojodönö Isabenö Jo̧ yöawaja̧ yöbawijetö. Yöawaja̧ ikena, yemidanö nöchijetö, jojodö tjatadaja̧ yöawobö Isabenö Jo̧nöma.

Éxodo 20:18

Ja̧danö, Israel jojodöma böba ökwödi̧ a̧ja̧kwijadötö. Ja̧danö böba nei̧ edijadötö. Ja̧danö obeja i'yeka pjuawa labinö ökwöi̧bi a̧ja̧kwijadötö. Ja̧danö, Sinaí mö'ösa'o ökwöla imuyu'wo lo̧obe edijadötö. Jejenö baledi̧ edö jwiinö yebaibijadötö, tjö̧bawinö. Jo̧kwaobetjö̧ mö'ösa'o la'akatjö ödönönöda ja̧nö

Éxodo 20:21

Ja̧danö, Israel jojodö ödönönö tjuju̧kwibonö Moisésma yȩa'wo lo̧obekwö, Dios ö̧ja'wo lo̧obekwö yö̧öne 'yi̧jetö.

Éxodo 40:34

Ikenama, ojwiyo'wo ja'da'daa'wo Isabenö Jo̧ ejunö jwibachö wame 'duwachibijetö. Ja̧danö, Isabenö Jo̧ salöinö dejatö i̧sekwi̧ma jeju okwa, okobe jwiinöda salöijetö.

Éxodo 9:23

Weökwe Moisésma otokwa'o do̧ba̧lö ömamiju kabebö i̧sebemi Isabenö Jo̧ma webijetö mölejebetjö böjekwö ojwiyo o̧bi̧danö inawi̧ya̧ tjoduwi̧nö. Ja̧danö böbabi webijetö Isabenö Jo̧ma, ja̧danö, böba nei̧bi webijetö bö̧jekwö labinö kwaawinö.

Mateo 24:31

Ja̧danö asabikwawa jawa trompeta labinö ökwöakobe, ja̧danö chömöayedö ángelesdönö wetocha, böjȩ bakwameachibanö 'ya̧nö, omudawö chujuninawö̧nö ko̧ko̧dö tjichejebobö.

Deuteronomio 5:5

Ja̧ möle ökwödöma mösa'o yö̧ne kwichibaduwobö yekabiduwijatö, ökwöla edö yekabinaduwobetjö̧, ja̧danö jejenö yekabiduwitjö̧, ötjöma ökwödötjö Isabenö Jo̧tjö kwö'da̧deduwinö chö̧jijatö, Isabenö Jo̧ yöawi̧ ökwödönö yötawobö. Ja̧danö, jobe dö̧jonö, baikwö yöawinobe Isabenö Jo̧ma:

Hebreos 12:21

Ja̧danö Moisésbi, okobe jwiinö jemi baledi̧ma jwiinö labobetjö̧ yebabinö tjö̧awinobe.

Apocalipsis 1:10

Ja̧danö, belö bi'onö ja̧nö, domingo möle baledibajena, Dios O̧'wo̧ Luwo̧ma ötjö cho̧'wo̧ luwo̧ okwanö i̧sebö öba̧ja̧da̧lijatö. Ja̧danö, cha̧ja̧kwijatö labinö ökwöi̧, trompeta pjutji̧danö ökwöobe.

Apocalipsis 11:19

Ikenama mölejȩbetjö Dios eju apjude po̧ibobe chedijatö. Jejenö po̧ibobe chedemi okwa isapjo chedijatö, Dios u̧kwapjo, domulataja weina jawa a̧japjoma. Ikenama, böba ölabi̧ a̧ja̧kwö, ja̧danö, nekakanö dejö baledobe chedijatö. Tjiwenebi, böba labinö ökwödi̧bi ökwöi̧ma cha̧ja̧kwijatö. Ja̧danö, niji tjö̧bebö li̧leibobe chedijatö. Ikenama ojwiyo o̧bi̧danö, inawiyadanö ichejekwi̧ labinö mölejȩbetjö nijakwö tjoduwobe chedijatö.

Apocalipsis 4:1

Ikenama, mölejȩbekwö chedemi apjude po̧ekwobe chedijatö. Jobekwö chedemi ötjönö ajayinö yöa̧li̧danö, trompeta pjutji̧danö labinö ökwöinö yöba̧lajo̧ma, ötjönö jwöi̧ cha̧ja̧kwijatö: —Baikwö mö ichi, ju'winö baledakwa̧ chi̧sebokwö—jö̧ba̧lö, jwöi̧ cha̧ja̧kwijatö.

Apocalipsis 4:5

Ja̧danö, ö̧belöma böba kwawijatö, nekakanö dejö. Böbama labinö ökwödijatö. Ja̧danö, ö̧bemi badeibö dejuwa'yiju, jelemutjö do'yulatajanö ubijatö. Ja̧ o'yubiyama Dios O̧'wo̧ Luwo̧ ujulu i̧sebi̧, jelemutjö dötölataja ujulu ujuna̧li̧ wanekwachi̧.

Apocalipsis 8:5

Ja̧danö, ángelma juwö iyawelö ujuwaja̧pja̧ yemidanö juwawa okwa'do̧nö anajo̧ ja̧'do̧nö labinö nijibe wa̧ebobe chedijatö. Nijibe wa̧ebena böba labinö kwawobe ökwöi̧ cha̧ja̧kwijatö. Ja̧danö, tjiwene ökwöi̧bi cha̧ja̧kwijatö. Böba nei̧bi, ja̧danö, böjȩbi jwiinö tjö̧bebö lileibobe chedijatö.