Éxodo 19:15 - Dios Iwene

¹⁵ Ja̧danö, webijetö Israel jojodönö: —Chömöledö, dötölataja mölȩ kwotikwaduwi̧ma kwotikwaduwajabe, ja̧danö kamisi dichöbi kwidicha̧laduwajabe. Ja̧danö, ikena möle, Itekwayi dewachöma ida̧ökö otikwibö kwuju̧kwaduwo. Ja̧danö, babe möle tupakwöma kwilekwamuduwikwöma kwö̧jaduwoko— webijetö Moisésma.

Éxodo 19:15 Iomraidhean Croise

1 Crónicas 15:12

Ja̧danö, ichibajadönö yöa̧linobe: —Ökwödödaja, Levisaso jojodötjö sasokwena luwedöma. Ja̧danö, ökwödö Levisaso jojodöma, Dios iteapjo kwekataduwakwedöja. Jo̧kwajabetjö̧, jobekwö wene jwiinö kwebatö, baikwö otidö chuninemi ichejebö kwujunaduwakobetjö̧, Dios öba a'o kwusuladuwi̧ dichawö loköbaduwobö jo̧be.

Éxodo 19:11

Ja̧ tjotikwi̧ma, ja̧danö tjökamisi tjidicha̧li̧bi itekwayi dewachöma tjo̧wi̧ katjatakwawo ja̧ mölȩma ötjönö tjedakobetjö̧. Ja̧ mölema ötjö Isabenö Jo̧ma Sinai mö'ösa'o wa̧pekwa'onö jwitachocha okobe deinö jojodö tjeda̧lonö.

Éxodo 19:14

Jo̧kwaobetjö̧ Moisésma mö'ösa'otjö yutubajö jojodönö tjotikwobö pjabatijetö. Ja̧danö, jojodöma tjö̧kamisi dicha̧lijadötö.

Éxodo 19:16

Ja̧danö, ja̧ möletjö dötölataja möle baledajena, dewachenama böba labinö ökwödijetö, ja̧danö, jwiinö nebödanö kwabawijetö. Ja̧danö, ojwiyo'wo yȩa'wo lo̧be mö'ösa'onöma. Ja̧danö, obeja i'yekanö pjuawama labinö ökwöijetö. Jejenö, böba, nebö kwaawobe, ojwiyo'wo yȩa'wo lo̧be, pjutji̧ labinö ökwöobe balediawö̧ jwiinö yebabinö tjö̧bawijadötö okobe deinö Israel jojodöma.

Mateo 24:44

Ja̧danö chömöledö, ökwödöma jojo baibanö jeminökwe chichakwa̧ möle wajwiköbaduwobetjö̧, ö'wiakwawönö te'ada̧lö kwö̧jaduwo, chichakwa̧ möle wajwiköbaduwobetjö̧— jö̧ba̧lö yöawinobe Jesúsma.

1 Corintios 7:5

Jo̧kwajabetjö̧, kwi̧lȩkwa̧mubedökwö bakobe bakibaduwoböma kwöpöjödaduwa chömöledö. Chömöledö, ökwödötjö ju'wedö tji̧lȩkwa̧munö ju̧kwadöma kwomukwataduwena, jwaikwöda Diosnö abebö chö̧jo jö̧ba̧lö, ö̧tö̧chödanö ja'yubenö lekwe chilekwokwö bakobe babibökönö jwaikwöda Diosnö abeböda chö̧jobö chösöda jö̧ba̧lö kwomukwataduwena. Jejenö ja̧baduwi jö̧ba̧löma wetökö chömöledö, jo̧kwaijayonö jejenö kwösödaduwitjö̧ma, baikwö yötawa. Ökwöbi, kwilekwobi bakobe jejenö ö̧tö̧chödanö bakobe babibökönö Diosnö abebö kwö̧jaduwobö kwösödaduwitjö̧ma, jo̧kwada, kwösödaduwi̧danö ja̧köbena. Jo̧kwaijayonö lekwema kwilekwokwö babibökönö kwö̧jaduwa chömöledö, Awetja sulabenö ja̧köbaduwojobö ja̧iawö̧, sulabenö kwösödaduwi̧danö kwilekwobökujukwö ja̧köbapji jö̧ba̧lö.