Éxodo 19:14 - Dios Iwene

¹⁴ Jo̧kwaobetjö̧ Moisésma mö'ösa'otjö yutubajö jojodönö tjotikwobö pjabatijetö. Ja̧danö, jojodöma tjö̧kamisi dicha̧lijadötö.

Éxodo 19:14 Iomraidhean Croise

Génesis 35:2

Jejenö weökwe Jacobma ömöledönö, ja̧danö okobe deinö jo̧bakwö ȩwa̧jadönö yöbawijetö: —Ökwödöma Betelbe dȩwa̧ja̧kobe, Diosnö ösödö. Jo̧kwaobetjö̧ dȩwa̧ja̧kwa̧ abönö okobe jwiinö jelobetjö o̧'wo̧ jawa kwichejebinawö̧duwi̧nöma loköbaduwobö jo̧be. ¡Loköbaduwodönö! Loköbaja̧duwa ikena ojwe kwibaduwo Dios öba a'otjö otiwanö dewadöda kwö̧jaduwobö. Kwibaja̧duwa ikena kamijido̧ balekwa̧do, dewado̧ 'dukawaduwo. Jemi ikenama Betelbe dȩwa̧jaduwo. Jobe ichibö juwö iyawemi chotidocha, Diosnö ösödö juwö iyawemima. Jo̧bama ajayinöma ötjönö pjaatinobe jwiinö cho̧'wo tjo̧bekwö, yebabinö chö̧jena. Ja̧ möletjö̧ babe möle ichibenanö jo̧bama ötjökwö jo̧, okobe jwiinö kwetachobema— yöbawijetö Jacobma.

1 Crónicas 15:12

Ja̧danö, ichibajadönö yöa̧linobe: —Ökwödödaja, Levisaso jojodötjö sasokwena luwedöma. Ja̧danö, ökwödö Levisaso jojodöma, Dios iteapjo kwekataduwakwedöja. Jo̧kwajabetjö̧, jobekwö wene jwiinö kwebatö, baikwö otidö chuninemi ichejebö kwujunaduwakobetjö̧, Dios öba a'o kwusuladuwi̧ dichawö loköbaduwobö jo̧be.

Éxodo 19:10

Ikenama Isabenö Jo̧ma webijetö Moisésnö: —Yemidanö yutubaji̧ jojodönö pjakato babe mölebi itekwayibi otiwanö tjotikwo, ja̧danö tjö̧kamisibi tjidicha̧lo.

Éxodo 19:13

Bakwo̧ jojobi, jojodö tjajwibi mö'ösa'o mabo̧nöma jo̧banö mabökönöda inawiyanö ikwawöda ja̧danö, nayununö 'böböda kwabö loköbaduwobö jo̧be. Jo̧kwaijayonö obeja i'yekanö pjuawa labinö ökwöenada mö'ösa'o la'akakwö tjichoböma otiwa. Jejenö yökawodönö— webijetö Isabenö Jo̧ma Moisésnöma.

Éxodo 19:15

Ja̧danö, webijetö Israel jojodönö: —Chömöledö, dötölataja mölȩ kwotikwaduwi̧ma kwotikwaduwajabe, ja̧danö kamisi dichöbi kwidicha̧laduwajabe. Ja̧danö, ikena möle, Itekwayi dewachöma ida̧ökö otikwibö kwuju̧kwaduwo. Ja̧danö, babe möle tupakwöma kwilekwamuduwikwöma kwö̧jaduwoko— webijetö Moisésma.

1 Samuel 21:5

—Yöa̧lökwe, David atadinobe, —Ba̧kwelöjatebö ölakwabikwawö di̧'yenama, chömöayedöma ya̧dökwö jö̧ködö, Dios öba a'otjö wene jwiinö tjö̧jobö. Ja̧danö babe duluwo̧ wei̧ dotidobö kwedachi̧ma, ju'witjö bajalekwönönö inesö mikwawi̧ 'ya̧kwawa, jo̧kwajabetjö̧ isabenö ya̧dökwö jö̧könö kwedachobe, jwaikwöda Dios öba a'o otiwanö kwedachobö, —jö̧ba̧lö.