Éxodo 19:11 - Dios Iwene

¹¹ Ja̧ tjotikwi̧ma, ja̧danö tjökamisi tjidicha̧li̧bi itekwayi dewachöma tjo̧wi̧ katjatakwawo ja̧ mölȩma ötjönö tjedakobetjö̧. Ja̧ mölema ötjö Isabenö Jo̧ma Sinai mö'ösa'o wa̧pekwa'onö jwitachocha okobe deinö jojodö tjeda̧lonö.

Éxodo 19:11 Iomraidhean Croise

Génesis 11:5

Ikenama Isabenö Jo̧ma mölejȩbetjö ichijetö tjotidobe edö, tjuju̧kwemi comunidadbi, o̧do möejubi.

Éxodo 19:16

Ja̧danö, ja̧ möletjö dötölataja möle baledajena, dewachenama böba labinö ökwödijetö, ja̧danö, jwiinö nebödanö kwabawijetö. Ja̧danö, ojwiyo'wo yȩa'wo lo̧be mö'ösa'onöma. Ja̧danö, obeja i'yekanö pjuawama labinö ökwöijetö. Jejenö, böba, nebö kwaawobe, ojwiyo'wo yȩa'wo lo̧be, pjutji̧ labinö ökwöobe balediawö̧ jwiinö yebabinö tjö̧bawijadötö okobe deinö Israel jojodöma.

Éxodo 19:18

Sinaí mö'ösa'oma okobe jwiinö imiyu'woda li̧jetö, Isabenö Jo̧ mö'ösa'onö ökwöla nöola ubi̧danö jwiachajabetjö̧. Ubi̧ma labinö kaamijetö ökwöla ubi̧ kaamidanö, letiyatjö otikwa juawakatjö ökwöla ubi̧ kaamidanö. Ja̧danö, okobe jwiinö mö'ösa'oma labinö tjö̧ebijetö.

Éxodo 19:20

Ja̧danö, Isabenö Jo̧ma jwibachibö ja̧matijetö mö'ösa'o wa̧pekwa'onö. Yutubajö jwöbijetö Moisésnö, chö̧jobekwö nöchi, jö̧ba̧lö. Jwöökwe nöchijetö Moisésma, Isabenö Jo̧ ö̧jobekwö.

Éxodo 24:16

Ja̧danö, jobe wa̧pekwaobema Isabenö Jo̧ salöinö idejati̧ma i̧sekwijetö. Okobe deinö Israel jojodöma jobe möakwö edinö, Isabenö Jo̧ salöinö dejatö i̧sekwi̧ma ubi̧danö ubinö edijadötö, okobe jwiinö jobe ubinö. Ja̧danö, mö'ösa'o wa̧pekwaobema ojwiyo'wo li̧jetö jelemutjö bakwöta möle baledibanö. Jemi ikenama, jelemutjö dötölataja mölema ja'wotjö jwö̧bijetö Isabenö Jo̧ma Moisésnöma.

Éxodo 3:8

Jo̧kwaitjö̧ mölejebetjö chichatö chömöledönö pjatatobö, Egipto jojodötjö tjö̧jibinö. Ja̧danö, Egiptotjö latjebinö pjatatobö chichatö, jelobe tji̧'yobö. Tji̧'yakwemima jwiinö otiwobe, ja̧danö jalobe, ja̧danö, a̧ji̧kwakwawedönö tjöbötjatemi otiwobe, ja̧danö batjo tjujunakwemibi otiwobe. Jobema ju'wedö tjitebo: Cananeo, heteo, amorreo, ferezeo, heveo, jebuseo jojodö tjiteboma— jö̧ba̧lijetö Isabenö Jo̧ma—.

Éxodo 34:2

Jo̧kwaobetjö̧ itekwayi yȩayi wiluibö bi'o Sinai mikwa'o wa̧pekwa'obe kwönöcho, jobe ja̧nö ötjönö kwite'ada̧lobö.

Éxodo 34:5

Ikenama Isabenö Jo̧ma ojwiyo'wo ja'da'daa'wo okwa jwibachibö jamatijetö Moisés ipjeanö. Jejenö jamatö, Isabenö Jo̧sa, jö̧ba̧lö, jwöbijetö iteda imima.

Juan 3:13

¿Dakwö tjöwaisobö jojodöma, mölejȩ tjö̧ji̧ jawa? Jojodötjö bakwo̧bi deobe böjȩnö jo̧ma, mölejȩbe kabekwachajinama. Isabenö yötawa. Ötjö, mölejȩbetjö weinökwe, jojo baibanö jeminökweda mölejȩbe katekwachajakwo̧ma— yöawinobe Jesúsma Nicodemonöma. Ina yöawinobe:

Juan 6:38

Ötjöma ötjöda chösödi̧danö chö̧joböma ichinö̧kö̧sa mölejȩbetjöma böjȩkwö. Ötjönö webo̧, Chabe'do Diosda ösödi̧danö chö̧jobö ichinasa.

Deuteronomio 33:2

baikwö: —Sinai mösa'otjö Isabenö Jo̧ma ichö, ökwödö israel jojodönö yöawinobe. Ökwödönö ichö yöawina baikwö wanedö yötawa, möle jawo̧ dewachö, Seir mösa'otjö kabekwö dewobedanö, ja̧danö Paran mösa'otjö dewobedanö, otiwanö ökwödönö yöbawö ichinobe. Iteda ömöayedö angeledö diez milbedökwö ichinobe, ja̧danö ichenama, ömamu öwaisobekwöchobesamunö dejatinö ubola ökwöla kweatinobe.

Deuteronomio 4:10

Ja̧ kwomukwataduwo jö̧ka̧laduwi̧ yöta̧laja̧ma, bi̧ya chömöledö: Damötjö ökwödö israel jojodöma kwuluwo̧duwi Isabenö Jo̧ Dios öba a'o kwö̧jinaduwobe, Sinai mösa'otjö, jö̧tö? Jau chömöledö, ja̧ möle Isabenö Jo̧ma ötjönö weinobe, –Moises, ko̧ko̧dö kwujuno israel jojodönö, chöba a'o ja̧nö ötjö yötawi̧ tja̧ja̧kwobö, yötawi̧ a̧ja̧kwö, ba̧kwelöjatebö ina 'yatja̧layi ötjönö yebabinö ösödö tjö̧jakobetjö̧, ja̧danö ju'wibi tjitji̧munöbi ötjönö yebabinö tjösödobö tjö̧ba̧jadokobetjö̧, –jö̧ba̧lö weinobe.

Josué 3:5

Ja̧danö Josuema jojodönö weinobe, —Isabenö Jo̧ öba a'o tjichibakwedö tjidichawi̧danö, wame jawa kwusuladuwi babe dichawö loköbaduwo, itekwayi möle Isabenö Jo̧ma kwö'da̧deduwitjö kwöbajaleduwi jalaka baibanö iteda ujulu i̧sȩbakobetjö̧, —jö̧ba̧lö weinobe.