Éxodo 18:7 - Dios Iwene

⁷ Jejenö yöa̧liökwe ö̧jelö labebö 'yi̧jetö Moisésma öjaba ichobe öbadekwajobö. Jo̧banö 'ya̧wibö u̧yu̧jukijunö bamatö öba bȩbachibijetö nijakwö uunö. Ikenama ibekasa'wonö du̧batijetö. Jemi ikenama yöba̧lakwawijadötö, Otiwanö kwö̧jiji̧, jö̧ba̧lö. Ikenama abekwajobekwö 'ya̧nö tebachijadötö eju okwa, isa̧dotjö debatö tjotidinejuma.

Éxodo 18:7 Iomraidhean Croise

Génesis 14:17

Jemi ikenama, Abramma, la'aka luwo̧ Quedolaomernö, jo̧bakwö la'aka luwedönö tjömöayedö guardia jojodönö juluwajo̧ ȩwa̧jijetö. Ȩwa̧jobe Sodoma la'aka luwo̧ma Abramnö edö 'yi̧jetö, Save ba̧ba̧lawobekwö. Jemi ba̧ba̧lawemima jojodö ötjabobe, La'aka luwedö tjuju̧kwemi ba̧ba̧lawemima, jö̧ba̧lö.

Génesis 18:2

Abrahamma jobe apjude a'o ba̧nö, edemi omönanö ömadö wa̧medukwa ji̧jadötö, jo̧ba ö̧bemi badeibö. Jobadönö edö omönanö a̧laibö jobadö tjö̧jobekwö 'ya̧wibö u̧yu̧jukijunö bamatö öba bȩbachibijetö nijakwö uunö, chuluwedö, jö̧ba̧lö.

Génesis 19:1

Ja̧danö, jobadö du̧ju̧taja ángelesdö, Abraham ö̧jelö labebajadöma Sodoma comunidadnö ichibijadötö yi̧benakwö. Tjichibena Lotma Sodoma teachakwawemi apjude apetukwöchobe bi̧jetö. Jobadö tjichobe edö Lotma a̧laibö tjichobekwö 'yawibö u̧yu̧kijunö jamatö öba bȩbachibijetö nijakwö uunö.

Génesis 29:13

Ja̧danö, jabe'donö yöjawökwe ö'öbakwawö 'yi̧jetö Jacobnö edobö. Ichibö wo̧batöbi wo̧batijetö, ja̧danö, du̧batöbi du̧batijetö Jacobnöma. Ikenama Jacobnö öbibö ȩwa̧jijetö ejube teatobö. Jacob tebachajo̧ma yöbawijetö Labánnö okobe jwiinö baledinama.

Génesis 31:28

Yöbawökönö kwewajobetjö̧ chö̧'dö̧dönöbi, chi̧tji̧munöbi, Otiwanö da̧jaduwi, jö̧ba̧lö, yöta̧lijökötö. Ja̧danö jobadönö du̧batöbi du̧tatijökötö. Omukwatö̧kö̧danö 'döbibajö kwȩwa̧jinobe.

Génesis 45:15

Ikenama okobe deinö öpöedönö tjibekasa'wijunö du̧batö budekwijetö. O̧'wo̧ jwiinö ösöwanö budekwijetö Joséma, ömöledönö ösödö. Jejenö ösödiawö̧ öpöedöma bajaliyanö yebabökönö yöba̧lijadötö tjö̧ja̧wo̧ Josénöma.

Génesis 46:29

Joséma jelobe ja̧nö kolukanö a̧jibö 'yi̧jetö Gosénbe, abe'donö edö Jobe ichibö, Chabe'do, jö̧ba̧lö, abe'do ö̧jobekwö 'ya̧wibö jo̧banö wo̧ba̧lö budekwijetö Joséma, lekwe.

2 Samuel 11:7

ja̧danö ichibiökwe, Davidma Uriasnö abebö a̧ja̧kwinobe, Joabbi, ju'wedö ölakwabikwawadöbi otiwanö tjö̧jojobö jö̧ba̧lö, ja̧danö tjölakwabikwawi̧ma, dakwö baledajobö jö̧ba̧lö.

1 Reyes 2:19

Jemi ikenama, Betsabema jitji̧ la'aka luwo̧ Salomonnö edö ji̧'yinobe, Adonias aebaja̧ ajebobö. Jichibiökwe, Salomonma a̧la̧ibö jö̧ba a'o bȩachibinobe, —Otiwanö chomukwatokoja, —jö̧ba̧lö. Ikenama, yemidanö iteaka la'aka luwo̧ ö̧bakanö öbamatinobe, ja̧danö ju'wibi weinobe, jeleka tjichejebobö, iteda ojo'dobi la'aka luwuju jö̧bakanö jöbamatakobetjö̧. Ja̧danö, Salomon öwaisobekwöchobe jöbamatinobe.

Éxodo 18:6

Ja̧danö, jelo̧nö webijetö tjabönö i̧'yobö Moisés ö̧jobekwö jobadö tjichobe yöawobö Moisésnö. Weajökwema ichö Moisésnö yöba̧lijetö, kwöjaba Jetro ichobe, kwilekwokwö, kwi̧tji̧mu̧ ömadö du̧ju̧tajakwö, jö̧ba̧lö.

Éxodo 33:7

Ja̧danö, Israel jojodöma kwebachö 'ya̧jadö jelobe, jelobebi ichö tjejubiya i̧sa̧do̧tjö̧ debatö juniabijadötö. Ja̧danö, Moisésma tjejubiyanö tjuju̧kwemitjö ödönönö jeleju i̧sa̧do̧tjö debatö junijetö. Jejuma, wainöseju, Isabenö Jo̧kwö yöda̧lakwaweju, jö̧ba̧lö, öbabijetö Moisésma. Ja̧danö, bakwo̧ Isabenö Jo̧nö aebobö jö̧alena jeju jo̧bekwö 'yi̧abijetö, jojodö tjuju̧kwemitjö ödönönö.

Éxodo 4:27

Ja̧danö, Isabenö Jo̧ma Aarónnö webijetö: —Jojodö deobekwö 'yawi, kwöjawo̧ Moisésnö kwöbajekwajo— weökwe 'yajo̧ma mö'ösa'o, Dios ö̧ja'o, jö̧ba̧lö, mikwa'onö öwawachakwa̧'onö ichibö badekwajijetö Moisésnö. Badekwajö ibekwasa'wonö du̧batijetö Aarónma Moisésnöma, dokwa jö̧ba̧lö.

Lucas 7:45

Ja̧danö, kweju okwa tetachenama, tjömöledönö du̧batö tjösödi̧danöma ötjönö ösödö du̧katökötö, jo̧kwaijayonö bisuma kabatökönö chömasapiya du̧jatajabe.

Hechos 20:37

Ikenama te'ada̧lakwawa jojodöma Pablonö wo̧batöbi, du̧batöbi budekwabijadötö.

Hechos 28:15

Romanö ju̧kwadö Jesúsnö ösödadöma, ökwödö dichobe yötjawi̧ a̧ja̧kwö, te'ada̧lökönö ökwödö dichobekwö edö tji̧'yijatö. Jobadötjö ju'wedöma ökwödönö tjöbadekwajijatö Apio mikwobe comunidad ö'weje iyawemima. Ju'wedöma, tjökömanö ichajadöma Tres Tabernas mikwobe comunidadnö tjöbadekwajijatö. Pabloma jobadönö edö o̧'wo̧ juluwachibanö ja̧nö Diosnö yöa̧lijatö, Dabe'do Dios otiwanö pjakatajabe chömöledönö chedobö, jö̧ba̧lö.

Jueces 11:34

Jemi ikenama, amonitas jojodönö juluwajo̧, Jeftema ejube ȩwa̧jinobe, Mizpa comunidadbe. Ja̧danö, ichibö, eju apjudetjö labebujunö edinobe, itjiju jo̧dawujunö. Ju'wedö ijti̧mu deinobe, sule jo̧dawujuda jö̧jinobe. Ja̧danö jabe'do wene jwiinö ichibioko, jo̧'wo̧ ösöwanö baile döbö, la̧tiayu̧danö chabö, jabe'donö edö lajebinobe.

1 Samuel 17:18

Ja̧danö bi̧ya queso domulataja jawabi e'ewö kwiyo, ölakwabikwawa jojo tjuluwo̧nö. Ja̧danö, kwöpöedö dakwö tjö̧jojobö kwedö, ja̧danö otiwanö tjö̧jitjö̧ma, ötjönö wetji̧ kwichejebo, otiwanö tjö̧ji̧ chöwaisakobetjö̧, —jö̧ba̧lö weinobe Isaima, itji̧ Davidnö.

1 Samuel 17:22

Ja̧danö, Davidma ichejebaja̧ kwakwawa tea teada̧lo̧ iteada̧lobö iyinobe, ja̧danö iyajo̧, öpöedö isa'banö tjö̧jobekwö ö'öbakwawö, dokwa aebinobe.