Éxodo 18:4 - Dios Iwene

⁴ Ja̧danö, ikena itji̧ma Eliezer, mikwijetö Moisésma jo̧banö midö jö̧a̧linobetjö̧, chabe'do uluwo̧ Diosma faraóntjö chö̧jibinö pjaatinobe, jö̧ba̧lö, midijetö.

Éxodo 18:4 Iomraidhean Croise

Génesis 49:25

Jau, Chuluwo̧ Diosma pjaatakobe jobadönö, ökwötjö tupadanö jojodönö. Jo̧ba, Jwiinö Juluwo̧ Diosma jobadönö dösölö̧jinö edö pjabatö mölejȩbetjö weakobe ojwiyo o̧bobö tjö̧jemi nijinö. Ja̧danö, niji okwatjö ojwese'do okwatinö weakobe, otiwanö tjö̧jakobetjö̧. Ja̧danö, tji̧tji̧munö ba̧jekwadönö 'yatjebobö pjaatakobe, ökwötjö tupadanö jojodönöma. Tja̧jwi̧mubi tjö̧ba̧jekwachobö pjaatakobe Diosma ökwötjö tupadanö jojodönöma. José ökwöma kwömöledö tjuluwo̧köbobetjö̧ Diosnö atebbobe ökwötjö tupdanö jojodönö ösödinö pjaatobö— yöbawijetö Jacobma itji̧ Josénöma.

1 Crónicas 23:15

Moises itji̧muma, Gerson mikwo̧bi, Eliezer mikwo̧bi.

1 Crónicas 23:17

Ja̧danö Moises itji̧ Eliezer mikwo̧ma, itji̧ bakwo̧nöda ujuna̧linobe, Rehabias mikwo̧nö. Jo̧kwaijayonö itji̧ jo̧dawo̧da ö̧jinajayonö, Rehabias itji̧mu tupadanö jojodöma tjö̧ba̧jekwachinobe.

Éxodo 10:28

Moisés aebi̧ma öpöjödö a'dewö lobö jö̧ba̧lijetö: —Chö̧jelöma labebö da̧jaduwi. Kwomukwatoko chö̧bobekwö yemidanö tekachobö. Yemidanö edawa chöpöjöda ökwönöma. Yemidanö tekachitjö̧ma ö'wö bakibakwo̧ja— jö̧ba̧lijetö faraónma Moisésnöma.

Éxodo 2:15

Ja̧danö, faraónma Moisés Egipto jojonö kwabö loina a̧ja̧kwö ömöayedönö webijetö Moisésnö kwabö lotjobö. Jo̧kwaijayonö Moisésma faraón ö̧jelöma döibajobetjö̧ badekwajijöködötö. Moisésma jelobe, Madián nijibe döbibajijetö, jobeda ö̧jobö. Ja̧danö Moisésma, jobe Madián niji ichibö ojwese'do sotjine'do ö'öbö bamatijetö.

Éxodo 2:22

Ja̧danö, jobujuma ju'wi mölȩ metu'wo ji̧jotö. Ja'wo metu'woma emijotö, Moisés itji̧nö. Moisésma jemajökwenö midö: —Ötjöma jelobetjö ichö ju'wedö tjitebonö chö̧jobetjö̧ bite chitji̧nö chimida, Gersón jö̧ba̧lö— midö jö̧ba̧lijetö.

Éxodo 4:20

Jo̧kwaobetjö̧ Moisésma ilekwonö, i̧tji̧munö bu̧lu̧dö tjoma'a wamenö wanibö öbibö ȩwa̧jijetö Egiptobe. Ja̧danö, otokwa'o, Dios, do̧balö kwi̧'yo, jö̧ba̧lö weina'o ömamunö do̧ba̧lö ȩwa̧jijetö Moisésma.

Daniel 6:22

Chuluwo̧ Dios öba a'otjö wene jwiinö chö̧jiökwe, Diosma iteda weökwe ángelnö weajabe, didibadö tjaa umu'dudobö, jo̧kwajabetjö̧ ötjönö suli̧ tjöwaedökötö. Jau chuluwo̧, Dios öba a'otjöbi, ökwö kwöba a'otjöbi wene jwiinö chö̧jobe, isabenö suli̧ waedökönö otiwanö chö̧jobetjö̧— jö̧ba̧lö atadinobe Danielma.

Hechos 12:11

Ja̧danö, jejenö debi̧ baibiökwe Pedroma otiwanö waisachibö jö̧ba̧lijetö: —Aaa, babema chöwaisachiba. Biya̧ma chi̧'wi̧di̧maökö. Isabenö jo̧ba ángelma Duluwo̧ weajökwe ángel. Herodes ötjö chö'wöchinö weakwa̧tjö chö̧jibinö pjaatajabe jo̧ba ángelma. Ja̧danö, judío jojodö ötjönö sulabenö baledakwa̧ tjösödi̧ma baledökakobetjö̧ pjaatajabe— jö̧ba̧lijetö.

Hechos 7:29

Jejenö jö̧a̧liökwe Moisésma döbibajijetö Madián nijibe, ju'wedö tjitebonö ö̧jobö. Jobetjöma ilekwonö emijetö. Jobetjöbi i̧tji̧munö, ömadö du̧ju̧tajanö 'yabebijetö— yöbawijetö Estebanma.

2 Timoteo 4:17

Ja̧danö, ju'wedö le'dedibö lotjijayonö, Duluwo̧ma le'dediböma loinokobe ötjönö, Duluwo̧ma ötjökwö ö̧jinobe, ja̧danö chujuluwachibanö pjaatinobe okobe jwiinö Dios yöawi̧ yötawobö. Jejenö pjaatobetjö̧, okobe deinö jobe ju̧kwadö judío jojodöböködöma Dios yöawi̧ tja̧ja̧kwinobe, ja̧danö ju'wibi, Duluwo̧ma chö̧jibinö pjaatinobe, lȩekwa luwedö ötjönö kwabö lotjapji jö̧ba̧lö.

Hebreos 11:34

Ja̧danö, jobadötjö ju'wedöma Diosnö tjo̧'wo̧ tjöwana̧lobetjö̧ ökwöla nöolanö töbebö lotjajayonö ja'yubebi tjubibinokobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma tjöpöjojodö tibatö lotjo jö̧tja̧lijayonö titjatinököwö̧, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedö me'dawachibadöma Diosnö tjo̧'wo̧ tjöwana̧lobetjö̧ tjujuluwachibanö pjaatinobe Diosma jobadönöma. Ja̧danö, jobadötjö ju'wedö juluwöködödanö ichejekwadöma tjöpöjojodö 'böbabikwawö ichajadöma 'dötjibajinö tjujuluwinobe, Diosnö tjo̧'wo̧ tjöwana̧lobetjö̧. Yelösöda chömöledö, ba̧jekwadö tjuju̧kwinobe Diosnö tjo̧'wo̧ wana̧lö ju̧kwinadöma.

Hebreos 13:6

Ja̧danö, Diosma ökwödökwö ba̧kwȩlö̧jatebö ö̧jobetjö̧ yebabökönö dö̧jobö jo̧be. Baikwö laebobe Dios iwenetjö: Ötjönö pjabato̧ma Duluwo̧da. Jo̧bama ötjönö pjaatobetjö̧ yebabökönö jo̧sa. Ja̧danö pjaatobetjö̧ jojodö ötjö inia tjötobö ja̧tjijayonö yebabökönö jo̧sa. Jejenö laebobe Dios iwenetjö. Ja̧danö chömöledö, ökwödöma domajadenö isabenö döwaisobö jo̧be, Chuluwo̧ma ötjökwö ba̧kwȩlö̧jatebö ötjönö pjabatö ö̧jobetjö̧ ötjönö baledi̧ yebabökönö jo̧sa, jö̧ba̧lö.