Éxodo 18:13 - Dios Iwene

¹³ Ju'wi dewachö Moisésma jojodö wene juna̧ladö yötja̧lakwawi̧ a̧ja̧kwö bi̧jetö, diteda jweinö omukatojobö, diteda jelobekwö omukwatojobö, jö̧ba̧lö. Ba̧kwȩlö̧jatebö ichö ji̧abijadötö wene juna̧ladöma Moisés öbajale a'o, yȩayi jamatö yi̧bena baibanö ju'wedöbi, ju'wedö, wene tjujuna̧li̧ma yötja̧lakwawobö.

Éxodo 18:13 Iomraidhean Croise

Diosnö ösödo̧ Job mikwo̧ usula emawina jawa 29:7

—Ju'wibi, ja̧ möle jojodö otiwanö tjomukwatökwe chö̧jijatö. Comunidad apjudebe 'ya̧nö, luwedö tjö̧bemi chöbamatobö chi̧'yenama, jojodö tjöba a'o luwedö tjö̧'da̧de chöbamatijatö.

Éxodo 18:12

Ikenama Jetro, Moisés öjabama Diosnö juwö tjiyakwo̧nö ichejebijetö, okobe jwiinö tjujuwakwo̧nöma, Diosnö iyö. Ju'wedönöbi Diosnö iyawedönö juwö iyijadötö Diosnö ösödö. Ja̧danö ichijadötö Aarónma, Israel jojodö okobe deinö la'aka luwedöma Jetrokwö ko̧ko̧kwö tjukwobö, Diosnö juwö iyawemi badeibö.

Éxodo 18:14

Ja̧danö, Moisés öjabama Moisés jojodönö ba̧kwȩlö̧jatebö yötja̧lakwawi̧ a̧ja̧kwö pjaatobe edemi, otiwökö jö̧ba̧lö, yöba̧lijetö Moisésnö: —Moisés ¿tajawedö jejenö ba̧kwȩlö̧jatebö jojodönö a̧ja̧kwö pjakatobeda? ¿Tajawedö jo̧dawa'ye ökwöda jojodö yötja̧lakwawi̧ a̧ja̧kwö kwö̧bobeda ba̧jekwadö ichajadönö, yȩayi̧ jamatö yi̧bena baibanö? Jejenö jo̧dawa'yema otiwökö— yöba̧lijetö Moisés öjabama.

Isaías 16:5

Ja̧danö, jemi ikenama, Diosma Davidmine itji̧mu tupadanö jojodötjö bakwo̧nö ujunakobe, inesö la'aka luwo̧ baibanö, Dios jwaikwöda kabatibökönö ile niebökwenö. Ja̧danö, joba Dios ujunajökwema, otiwanö jweinö webö ö̧jo jö̧a̧lidanö webö ö̧jakwo, jweinö lȩekwa yöawakwo̧, ja̧danö jweinö lȩebo jö̧a̧li̧danö lȩebobö isakwakwo̧, ja̧danö Dios wei̧danö a̧ja̧kwö juluwanö wei̧danö jabö ö̧jakwo̧, jo̧ba David itji̧mu tupadanö jojodötjö Dios ujunakwoma.

Mateo 23:2

—Moisés iwȩyudina ba̧ja̧dadöbi, fariseo jojodöbi ökwödönö webö tjö̧jobe, ¿jö̧tö? Jau chömöledö, jobadöma Moisés jojodönö webö ö̧jinadanö babema jobadöda Moisés iwȩyudina jawa ökwödönö wetjobe, ¿jö̧tö?

Romanos 12:8

ju'wedönö tjujuluwachibanö yöawo jö̧ba̧lö iyinatjö̧ma, tjujuluwachibanö yöawobö jo̧be. Ja̧danö, ju'wedönö iyo jö̧ba̧lö iyinatjö̧ma, a̧'dȩlökönö iyobö jo̧be, luwo̧ jawa otidö ö̧jo jö̧ba̧lö iyinatjö̧ma, otiwanö te'ada̧lönö luwo̧ jawa otidobö jo̧be, ju'wedönö lȩlö̧jinö edo jö̧ba̧lö iyinatjö̧ma, o̧'wo̧ ösöwanö lȩlö̧jinö edobö jo̧be.

Romanos 13:6

Ju'wibi chömöledö, Diosda jobadönö ujuninobetjö̧, luwedö atjebi̧ balada, impuesto ötjabi̧ balada wetji̧danö kwimidaduwobö jo̧be. Kwimidaduwobö jo̧be chömöledö, luwedöma Dios wei̧ ja̧bö ju̧kwadötjobetjö̧, Dios ujuninadanö.

Jueces 5:10

Okobe deinö ja̧ baledaja̧ wene yöbawö lo̧köbaduwo, ökwödö nöinö juna̧ladö sabana'wo otiwa'wo wa̧nibö, dewadö bu̧lu̧dö tjoma'anö kwebachadöbi, jo̧kwadabedö tjömasapiyanö kwebachadöbi, okobe deinö ösödinö lo̧köbaduwo.