Éxodo 18:10 - Dios Iwene

¹⁰ Ötjöma Isabenö Jo̧nö chösöda, jo̧bama jwiinö otiwo̧. Jo̧bada ökwödönö Faraóntjö, iteda ömöayedö Egipto jojodötjö kwö̧jibaduwinö otiwanö pjaatinobe.

Éxodo 18:10 Iomraidhean Croise

Génesis 14:20

Ja̧danö, La'aka Inesö Diosnö dösödobö jo̧be, kwöpöjojodönö kwujuluwobö otiwanö pjaatajabetjö̧— yöba̧lijetö Melquizadekma Abramnöma. Ikenama Abramma ujuluwajawö̧ tea tjönaukwinatjö domulataja jawa o'wotjö bakwa'wo iyijetö, jelemutjö ö'wejemu jawa a'wo ji̧bö.

Génesis 24:27

Ösödö abebijetö: — Isabenö Jo̧ Diosnö, chuluwo̧ Abraham Uluwo̧ Diosnö, ökwönö chösöda, jwiinö otiwo̧ja, jö̧ba̧lö. Chuluwo̧ Abrahamnö ösödinö omukwatö pjakatajabe, kwiwene yöbawö kwujuninadanö baibobö. Ötjönö öbibö kwi̧sebajabe chi̧'yobema, chuluwo̧ ömöledö tjeju chichibenanö. Chösödakwö, jwiinö otiwo̧ja, jö̧ba̧lö— ösödö abebijetö Abraham ömöayo̧ma Isabenö Jo̧ Diosnö.

2 Samuel 18:28

Ja̧danö, yöne ichibö, Ajimazma la'aka luwo̧ Davidnö jwöinobe, —Otiwa, wene jwia, —jö̧ba̧lö. Ja̧danö David öba a'o ichibö, öba nijakwö bȩbachibö yöawinobe, —Isabenö Kwuluwo̧ Isabenö Jo̧ Diosnö dösödobö jo̧be, kwöpöjojodötjö, ökwönö suli̧ tjöwaedobö jö̧ba̧lajadötjö kwö̧jibinö pjaatajobetjö̧, —jö̧ba̧lö yöawinobe.

1 Reyes 8:15

Baikwö yöa̧linobe Salomonma: —Isabenö mikwawo̧ Isabenö Jo̧ israel jojodö dösödökwe Diosma, jo̧banö ösödö, –Otiwo̧ja, –jö̧ba̧lö dösödobö, isabenö chabe'do Davidminenö yöbawö ujuninadanö badekwachinö ja̧inobetjö̧.

1 Reyes 8:56

—Chömöledö, isabenö mikwawo̧ Isabenö Jo̧ma, otiwo̧ja jö̧ba̧lö jo̧banö dösödobö. Jau chömöledö, yöbawö ujuninadanö, iteda ömöledö israel jojodö 'diinö ja̧nö, wene jwiinö dö̧jobö pjaatajabe. Damötjö̧ Moisesnötjö̧ da'dödönö yöbawö ujunina jawama, bakwöta jawabi waekwökönö, okobe jwiinö badekwachinö pjaatajabe chömöledö, isabenö jo̧banö dösödobö jo̧be.

Lucas 1:68

Isabenö Israel jojodö Duluwo̧ Diosnö dösödobö jo̧be, iteda ömöledönö otiwanö lȩlö̧jinö edinobetjö̧, ja̧danö tjö̧jibinö pjaatobetjö̧.

Efesios 1:3

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.

1 Tesalonicenses 3:9

Jau chömöledö, ökwödönö omukwatö, Dios öba a'otjö ja̧nö jwiinö do̧'wo̧ ösöwachibanö dö̧jobe, ja̧danö Diosnö ösödö adebobe, ökwödö Tesalónicanö ju̧kwadönö otiwanö pjakatinobe jö̧ba̧lö.

1 Pedro 1:3

Dösödaduwo Diosnö, Duluwo̧ Jesucristo Abe'donö chömöledö, jo̧bama isabenö lȩlö̧jinö edö ökwödönö pjaatinobetjö̧. Jau chömöledö, Jesucristo wobajaletjö tjeachajinobetjö̧, ökwödönö 'yayinö bötjachibadö badibanö pjaatinobe. Jo̧kwajabetjö̧, babema isabenö inesö ja̧kwawa jawa do̧'wo̧ wana̧lö te'ada̧ladösa,

1 Samuel 15:6

Jobe amalecita jojodö tjö̧'da̧de ju'wedöbi tjö̧jinobe, ceneo jojodöma. Jobadöma damötjö israel jojodönö sulabenö ja̧binöködö, jo̧kwajabetjö̧ amalecita jojodönö metjibakwa̧ abönö, Saulma jobadö ceneo jojodönö yöawinobe baikwö: —Juluwanö amalecita jojodö tjö̧'da̧detjö döbibajaduwi, jobadönö kwabö lobö, ökwödönöbi kwabö lodapji jö̧ba̧lö. Isabenö ökwödöma da'dödönö dösölö̧jinö pjakatinaduwobe, egipto nijitjö baikwö tjichenama, jo̧kwajabetjö ökwödönö kwabö lodoböma chomukwatökö, sule amalecita jojodönöda, —jö̧ba̧lö. Yöawawö̧, ceneo jojodöma amalecita jojodö tjö̧'da̧detjö labebö dötjibajinobe.

1 Samuel 25:32

Yöja̧lökwe, Davidma Abigailnö atadinobe: —Isabenö Jo̧ israel jojodö Duluwo̧ Diosnö ösödö yöta̧lobe, isabenö otiwanö ökwönö weajabe ötjönö yöka̧lobö.