Éxodo 17:2 - Dios Iwene

² Ojwiyo kököiawö̧ wene juna̧lijadötö Moiséskwö. Jo̧kwaobetjö̧ labinö abeba̧lijadötö Moisésnö, Aarónnö, Ojwiyo dowo iyaduwi, jö̧ba̧lö. Jejenö jö̧tja̧lökwe: —¿Tajawedö wene kwujuna̧daduwa ötjökwöma? ¿Tajawedö Isabenö Jo̧nö kwomukwataduwobeda, ökwödönö pjaatobö ö̧jojobö, ö̧jö̧köjöbö̧, jö̧ba̧lö?— atadijetö Moisésma Israel jojodönöma.

Éxodo 17:2 Iomraidhean Croise

Éxodo 15:24

Jejenö ji̧awö̧ Israel jojodöma Moisésnö jwöbeba̧lijadötö, ¿Taji dowakwa̧da? jö̧ba̧lö.

Éxodo 16:8

Ikenama Moisés jö̧ba̧lijetö: —Yi̧benakwena Isabenö Jo̧ma itebiya kukwaduwobö iyakobe. Ja̧danö, yȩayikwena kwakwawa iyakobe, ökwödö pan kwukwaduwi̧danö kwomeawaduwinö kwukwaduwobö jwökeba̧laduwi̧ a̧ja̧kwajabetjö̧. Isabenö, jo̧banöda jwökeba̧laduwobe, ökwödönömaö̧kö̧. Sule Isabenö Jo̧ ömöayedöbedösa ökwödöma— jö̧ba̧lijetö.

Éxodo 17:7

Ja̧danö, Moisésma jemima midijetö Masah, jö̧ba̧lö, Israel jojodöma Isabenö Jo̧nö, ökwödökwö pjaatobö ö̧jojobö, ö̧jö̧kojobö, jö̧ba̧lö, tjomukwatajobetjö̧. Ja̧danö, ju'wi imibi midijetö jemima, Meriba, jö̧ba̧lö, Israel jojodöma jwötjeba̧lobetjö̧.

Éxodo 5:21

Edö jö̧ba̧lijadötö Moisésnö, Aarónnö: —¡Sula! Isabenö Jo̧ma ökwödönö lȩebakwo̧, faraónnö sulabenö akeba̧laduwobe edö. Di̧'yobö weköbo, jö̧ba̧lö, akeba̧laduwiawö̧ babema faraónbi jo̧ba ömöayedöbi tjo̧'wo sulinö tjedobe ökwödönö, Israel jojodönöma, jwiinö omewadö, jö̧ba̧lö. Jo̧kwaobetjö̧ ¡ayö! dakwö tibatö lotjokoböma, jwiya, ökwödönö tibatö lotjobö tjomukwata babema— jöba̧lijadötö Israel jojodö tjuluwedöma, Moisésnö, Aarónnö.

Isaías 7:12

Weökwe, —Jobekwö atebökakwo̧sa, isabenö yöawaja̧danö pjaatakwojobö, pjaatökakwojobö jö̧ba̧lö i̧seboböma atebökö Isabenö Jo̧nö, —jö̧ba̧lö atadinobe Acazma.

Mateo 4:7

Jejenö weökwe, Jesúsma öpöjödö atadinobe, baikwö: —Jejenöma dötökö. Ju'wibi laebobe Dios iwene, baikwö: Kwuluwo̧ Dios dakwö ujuluwo jö̧ba̧löbi, dakwö ja̧o jö̧ba̧löbi ja̧bökönuwi— jö̧ba̧lö atadinobe Jesúsma.

Lucas 15:12

ja̧danö jobadötjö bajalia luwo̧ma abe'donö aebinobe: Chabe'do, woköbena kwiteatjö ötjö chemo jö̧ta̧li̧ma, woköbena baibanöma chite'ada̧lobö chöpöjöda. Babeda kwiyobö chösöda. Iyitjö, jö̧ba̧lö. Jejenö aebiökwe, sulabenö aebijayonö abe'doma iteda itea 'da̧batö ujuninobe, abönö pöe emakwa̧bi, öjawo̧ emakwa̧bi, ja̧danö 'da̧batö junajo̧ itji̧nö iyinobe aebi̧danö.

Lucas 4:12

Jejenö weökwe, Jesúsma öpöjödö atadinobe, baikwö: —Jejenöma dötökö. Baikwö laebobe Dios iwene: Kwuluwo̧ Dios dakwö ujuluwo jö̧ba̧löbi, dakwö ja̧o jö̧ba̧löbi ja̧bökönuwi— jö̧ba̧lö atadinobe Jesúsma.

Hechos 15:10

Jo̧kwaobetjö̧ Dios jejenö pjaatinawö̧nöma ¿tajawedö wainö weköbaduwobö jö̧ka̧laduwada, Dios wei̧maökö, Moisés weinö a̧ja̧kwö tjuju̧kwoböma? Kwöwaisaduwa, ökwödö judío jojodönöbi Moisés weina okobe jwiinö a̧ja̧kwö dö̧joböma waekwinobe, ökwödönöbi, da'dödöminenöbi. Jo̧kwaobetjö̧ ¿Tajawedö weköbaduwa judío jojodöböködönöma ömöki̧ jawa e'ewö tji̧'yi̧danö tje'ewobö, Moisés weina a̧ja̧kwö tjuju̧kwoböma?

Hechos 5:9

Jejenö jatadiökwe Pedroma jö̧ba̧lijetö: —¿Tajawedö ökwödöma Duluwo̧ O̧'wo̧ Luwo̧nö, sulabenö omukwatö ja̧köbinaduwada? ¿Kwomukwataduwaji̧, Aaa, Dios O̧'wo̧ Luwo̧ma ökwödönö lȩebökena, jö̧ba̧lö? ¿Jejenö kwomukwataduwaji̧? A̧ja̧kwitjö. Babema tjȩwa̧ja kwilekwenö lödajadöma. Ökwönöbi lödö tjicha—jö̧ba̧lijetö Pedroma.

1 Corintios 10:9

Ja̧danö Duluwo̧ ökwödönö lȩebojobö dedo jö̧ba̧lö sulabenöma ja̧doko chömöledö. Jobadö ajayinö ji̧nadö Duluwo̧ jobadönö lȩebojobö tjedo jö̧ba̧lö sulabenö ja̧tjinobetjö̧, a̧ko̧'dö̧tjö debö tji̧'yinobe.

Deuteronomio 6:16

—Ja̧danö sulabenö ja̧köbaduwoko, kwuluwo̧duwi Isabenö Jo̧ Dios isabenö lȩebakwojobö jö̧ba̧lö. Jau chömöledö, belö Masatjö jejenö sulabenö ja̧köbinaduwobe, Dios isabenö lȩebakwojobö jö̧ba̧lö, jo̧kwaijayonö jejenö ja̧köbinaduwadanöma ja̧köbaduwoko.

Deuteronomio 9:22

—Jemi ikenama yemidanöbi, yemidanöbi kwuluwo̧duwi Isabenö Jo̧ ökwödönö ödameakwobö ja̧köbinaduwobe chömöledö, Taberatjöbi, Masatjöbi, Quibrot Hatavatjöbi.

Hebreos 3:9

Jobadöma, lekwe, cuarenta o̧biya jenanö ediatjinobe ötjö chujulu chi̧sebi̧ma. Jejenö tjedijayonö, ina a̧ja̧kwökönö tjö̧jinobe, Dedaduwo lȩebökena, jö̧ba̧lö.

1 Samuel 8:6

Atjebökwe, Samuel öpöjödinobe, —Inesö la'aka duluwo̧nö kwujuno, jo̧bada jwebebö yöawobö, —jö̧ba̧lö atjebaja̧ma. Jo̧kwajabetjö̧, Samuelma Isabenö Jo̧nö abebö a̧ja̧kwinobe, dakwö weojobö jö̧ba̧lö.