Éxodo 17:12 - Dios Iwene

¹² Ja̧danö, Moisésma öjabiya lekwe kaeba̧lobetjö̧ me'dawachibö öjabiyama nijakwö jabijetö. Jo̧kwaobetjö̧ Aarón, Hur, inawa nöawa pjolatö junijadötö Moisés jawanö ö̧bamatobö. Ikenama Moisés jawanö ö̧bonö Aarónkwöma Hurkwöma Moisés ipjeakwenanö ja̧nö kabeba̧lijadötö Moisés öjabiyama. Jejenöobetjö̧ lekwe ja̧wo̧ meajenanö kabatö kabeba̧lijadötö Moisés öjabiyama.

Éxodo 17:12 Iomraidhean Croise

Éxodo 17:11

Ja̧danö, Moisésma öjabiya kaebemi Israel jojodöma juluwachibijadötö Amalec jojodönö. Jo̧kwaijayonö, öjabiya nijakwö jaenama Amalec jojodöda juluwachibijadötö Israel jojodönöma.

Éxodo 17:13

Jejenö Josuéma, iteda weawö̧ ölakwabikwawa waisadöma bulabikwawanö jwiinö juluwijadötö Amalec jojodönö.

Isaías 35:3

Jobekwö isabenö baledakobe chömöledö, jo̧kwajabetjö̧ ja̧ baledakwa̧ yöbawö, me'dawachibadö, tjujulu jwibadönö tjujuluwachibanö pjakataduwo.

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Filipenses 1:19

Jejenö cho̧'wo̧ ösöwanö chö̧jobe chömöledö, chöwaisobetjö̧, ökwödö ötjönö Diosnö akebaduwobetjö̧, ja̧danö Jesucristo O̧'wo̧ Luwo̧ pjaatobetjö̧, Diosma ka̧lena chö̧bobetjö chö̧jibinö pjaatakwo̧ jö̧ba̧lö.

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.

1 Tesalonicenses 5:25

Chö̧ja̧wo̧dö, Diosnö akebaduwo ökwödönö.

Hebreos 12:12

Jo̧kwaobetjö̧ chömöledö, Dios yöbawö kwabö lȩebi̧ma ökwödö kwöda̧peachaduwinö pjaatobetjö̧, kakatibaduwoko, ¡Ayö! Chime'dawachiba, katatiba, jö̧ba̧lö. Chömöledö ja̧ kwime'dawachibaduwitjö̧ juluwachibö kabatibökönö kwi̧'yaduwo kwo̧'wo̧ luwo̧duwinö.

Josué 8:26

Ja̧danö Josuema, ajayinö otokwöte kabebö i̧sebinemitjö, okobe deinö Hai comunidad jojodönö kwabawö lotjenanö baibanö, kabatakwawökönö otokwöte kabebö i̧sȩba̧linobe, ja̧danö okobe deinö kwabawö lotjaja̧ ikenada, bajaliyanö i̧sȩba̧laja̧ma kaatakwawinobe.