Éxodo 15:22 - Dios Iwene

²² Ikenama Moisésma Israel jojodönö öbibö 'yi̧jetö o̧pesobu duwobu mikwobutjö tupakwö mejebe, Sur meje mikwobekwö. Ja̧danö, wa̧pötakwa möle kwebachö 'yi̧jadötö ojwese'do jwiena, ojwiyo owökönö.

Éxodo 15:22 Iomraidhean Croise

Génesis 16:7

Döbibajaju jojodö deena, ojwese'do jobekwö 'yi̧jotö, Shur comunidadbe 'ya̧kwawa mana ö'öbö je'donö. Ja̧danö, jobe jö̧jobe, Isabenö Jo̧ Dios ángeldanö ichejekwö öwawachajo̧ma ichö badekwajijetö jobujunö.

Génesis 20:1

Ja̧danö, ju'wi möle Abrahamma ö̧jelö Mamretjö labebö a̧li̧kwöchobe Neguev niji jobekwö 'yi̧jetö ömöledökwö, ömöayedökwö, a̧jwi̧mukwö. 'Ya̧jadöma Betel niji, Shur niji 'da̧denö ju̧kwijadötö. Ju'winö jobetjö labebö 'ya̧jadöma Gerar comunidadnö ichibijadötö jobe tjuju̧kwobö.

Génesis 25:18

Ismaeltjö tupadanö jojodöma Havila niji, Shur niji 'da̧denö ju̧kwijadötö. Jobema Egiptotjö ja̧wo̧ laebemi ji̧jetö, Asiriabe 'ya̧kwawama ja'ö. Ja̧danö, Ismaeltjö tupadanö jojodöma idödada ölakwabikwawö ju̧kwijadötö.

Éxodo 17:1

Ja̧danö, Israel jojodöma Dios weaja̧ a̧ja̧kwö Sin mejetjö labebajadö abiabö 'yi̧jadötö. Refidim niji ichibö jobe isa̧do̧ debatö otidijadötö tjejubiyadanö , jobetjö tjabobö. Ja̧danö, jemima ojwiyo kököobetjö̧ jobadö tjowoböma jwiijetö.

Éxodo 3:18

Moisés, ötjö chömöledö, Israel jojodöma ökwö yökawi̧ma ösödö tja̧ja̧kwakobe. Jo̧kwaobetjö̧ Israel jojodötjö damökwö inesö la'aka luwo̧ ö̧jobekwö kwi̧'yo. Ichibö yökawonö: Duluwo̧, ökwönö abebö dichatö. Isabenö Jo̧, ökwödö hebreo jojodö dösödökwe Diosma ökwödönö yöbawö öwawachijatö. Jo̧kwaobetjö̧ ökwönö adeba: Ökwödönö weköbo wa̧pötakwa möle kwebachö di̧'yo jojodö deobekwö, jobetjöma Isabenö Jo̧nö, dösödökwe Diosnöma ösödö juwö diyobö. Jejenö akebaduwo inesö la'aka luwo̧nö.

1 Samuel 15:7

Ikenama Saulma amalecita jojodönö ujuluwinobe, Havila nijitjö, egipto nijitjö jawo̧ ichobekwö niji Shur mikwobe ichibenanö kabatö.

1 Samuel 27:8

Baikwö laebobe David jobe filisteo jojodö tjitebonö ö̧jina wene. Jobe tjö̧jonö, Davidma ömöayedönö öbibö, ju'wedö israel jojodö tjöpöjojodönö ölakwabikwawö, tjitea emö 'yi̧a̧inobe, gesurita jojodönöbi, gezritas jojodönöbi, amalecitas jojodönöbi, israel jojodö tjichibakwa̧ abönö ja̧ nijinö jinadönöma. Jobe David ölakwabikwawö yi̧nemima, Telam comunidadtjö a̧likwö Shur niji baibanö, ja̧danö egipto niji badeibö baibanö.