Éxodo 15:20 - Dios Iwene

²⁰ Ikenama Moisés Aarón öpöo María mikwuju, Dios yöawi̧ yöbawujuma la̧tijayu chabö döbijotö Isabenö Jo̧nö ösödö. Jökömanö okobe deinö ya̧döma Isabenö Jo̧nö ösödö la̧tijayubiya chabö döbijadötö.

Éxodo 15:20 Iomraidhean Croise

Génesis 31:27

¿Tajawedö detobe okobetjö̧ yöbawökönö döbibajö kwȩwa̧jinada? Yökawinatjö̧ma, lo̧awa lo̧bö, harpa pjebö, la̧tijayudanö chabö, otiwanö ösödö kwȩwa̧ja̧duwakwa̧ pjiesta chujunochijatö.

2 Samuel 1:20

Baledina wene yöbawökönaduwi döpöjojodö tjitebo comunidad Gatnöma, Ascalon comunidad mananö kwebachö yöbawökönaduwi. Jobadö filisteo jojodö tjitebo comunidadnö yöbawökönaduwi, filisteo jojodötjö ya̧döma tjo̧'wo ösöwachibanö tja̧ja̧kwapji jö̧ba̧lö, ja̧danö a̧ja̧kwajadö, jobadö Diosnö öpöjödadötjö ya̧döma tjo̧'wo ösöwanö jwötjeba̧lapji jö̧ba̧lö, –Israel jojodönö dujuluwajabe, –jö̧ba̧löma.

2 Samuel 6:14

Ja̧danö, Davidma ödöado̧, linotjö otikwa̧do̧ 'duawinobe, ja̧danö Isabenö Jo̧ iteapjo ichejebö, jwiinö o̧'wo ösöwachibanö Isabenö Jo̧ öba a'otjö bailedanö döinobe, okobe jwiinö ujulunö o̧'wo ösöwanö döinobe.

2 Samuel 6:16

Ja̧danö, Isabenö Jo̧ iteapjo e'ewö Jerusalen comunidad tetjachenama, Saul itjiju Mical mikwujuma, ventanasa'dotjö edö, jilekwe la'aka luwo̧ Davidnö jedinobe, Isabenö Jo̧ Diosnö ösödö, döbö kwebacho̧nö. Ja̧danö ja̧ edö, jöpöjödinobe jomajadenö, bite chilekwema mikwawö̧kö̧, la'aka luwo̧ kweacho jö̧a̧li̧danöma kwebachö̧kö̧ jö̧ba̧lö.

2 Samuel 6:5

Ja̧danö, kwetjachonö, Davidbi, okobe deinö ju'wedö israel jojodöbi tjo̧'wo ösöwachibanö Isabenö Jo̧ öba a'otjö kwetjachinobe, lo̧böbi, lo̧awa jawa arpabi, lirabi, panderetasbi, sistrosbi, cimbalosbi ökwöinö.

2 Reyes 22:14

Weawö̧, ö'weje pjabato̧ Hilciasbi, Ahicambi, Acborbi, Safanbi, Asaiasbi Dios yöawi̧ yöbawuju Hulda mikwujunö abebö a̧ja̧kwö tji̧'yinobe. Jobuju Huldama, tjö̧ka̧mijido̧ otiwa̧do̧ teada̧lakwawa luwo̧ Salum mikwo̧ ilekwo, ja̧danö Jerusalen comunidadtjö 'yayinö tjotidinena jö̧jinobe, ja̧danö jejube ichibajadö, Huldakwö yötja̧lakwawinobe.

1 Crónicas 15:16

Ju'wibi Davidma Levisaso jojodötjö luwedönö weinobe, tjömöledö levisaso jojodötjö lo̧awa jawa otidadönö 'da̧batö tjujunobö. Jobekwö 'da̧batö tjujunobö weinobe, Dios iteapjo tjichejebonö, lo̧awa jawa arpabi, lirabi, cimbalosbi pjebö, labinö tjo̧'wo ösöwachibanö lo̧tjakobetjö̧.

1 Crónicas 6:3

Amram itji̧muma bidö: Aaron mikwo̧bi, Moises mikwo̧bi, Miriam mikwujubi. Ja̧danö Aaron itji̧muma bidö: Nadab mikwo̧bi, Abiu mikwo̧bi, Eleazar mikwo̧bi, Itamar mikwo̧bi.

Éxodo 2:4

Janajökwe öpöoma jöjawo̧nö baledi̧ jöwaisobö ja'yubeda ödökwönönö ja̧nö eda̧lijotö.

Lucas 2:36

Ja̧danö, Dios yöawi̧ yöbawadötjö jelujubi Dios ejunö jö̧jinobe, Ana mikwujuma. Jobuju Anama Israel jojodötjö ajayinö ji̧na Aser mikwo̧ itjiju tupadanö jojosuju jö̧jinobe, Fanuel mikwo̧ itjitju, ja̧danö jilekwe wobekwinuju. Ajayinöma jobujuma jilekwenö jemaja̧ ikena jelemutjö döbalataja o̧biya jilekwenö jö̧jinobe, jilekwe woenanö kabatö. Jemi ikenama jilekwe woaja̧ ikenama jo̧dawa'ye jö̧jinobe, jwiinö pöo ochenta y cuatro o̧biya jujuna̧lenanö kabatö. Jobujuma kabatökönö Dios ejutjöda jö̧jinobe, ja̧danö kabatökönö mölebi, yö̧tebi Dios ejutjö ju̧kwa ö̧tö̧chö Diosnö abebiajinobe, Diosnö ösödö.

Hechos 21:9

Jo̧ba i̧tji̧muma, ya̧dö tji̧lȩkwa̧mu debadö ö'wejemu jojodöma, Dios yöawi̧ yöbawö ju̧kwiabijadötö.

1 Corintios 11:5

Ja̧danö, ju'wedö Cristonö ösödadökwö ko̧ko̧kwö tjö̧bajenama, bakwuju juu muchekwökönö Diosnö ajebitjö̧bi, ja̧danö juu muchekwökönö Dios iwene yöjawitjö̧bi, juluwo̧ jilekwenö sulabenö tjomukwatobö ja̧buju ichejekwa. Jau chömöledö, juu muchekwökönö Diosnö abebuju ja̧danö Dios iwene yöbawujuma, okobe jwiinö jöwö'ye 'wibö lotjinokodanö ichejekwuju.

1 Corintios 14:34

ko̧ko̧kwö kwö̧bajaduwenama, ya̧döma 'wi̧inö tjö̧bo chömöledö. Jau chömöledö, ya̧döma yötjawoko tjoko̧ko̧kwibajelöma, ja̧danö Dios Iwene laebi̧danö, Jesúsnö ösödadö tjuluwedö batjiboko ya̧döma.

Jueces 11:34

Jemi ikenama, amonitas jojodönö juluwajo̧, Jeftema ejube ȩwa̧jinobe, Mizpa comunidadbe. Ja̧danö, ichibö, eju apjudetjö labebujunö edinobe, itjiju jo̧dawujunö. Ju'wedö ijti̧mu deinobe, sule jo̧dawujuda jö̧jinobe. Ja̧danö jabe'do wene jwiinö ichibioko, jo̧'wo̧ ösöwanö baile döbö, la̧tiayu̧danö chabö, jabe'donö edö lajebinobe.

Jueces 21:21

Ja̧danö, jobe ju̧kwawö kweda̧laduwo, Silo comunidad möayedö comunidadtjö labebö, baile dötjenanö baibanö. Ja̧danö, baile döbö latjebenama, ökwödöma a̧la̧ibö bakwo̧nökwena möayuju bakwujunö do̧kataduwo, kwilekwokwena kwemadwobö. Jejenö jobadö Silo comunidad möayedönö do̧batajadö, kwilekwamuduwinö öbibö, kwiteboduwi Benjamin nijibe kwȩwa̧jaduwo.

Jueces 4:4

Ja̧ möle, Lapidot ilekwo Debora mikwuju israel jojodönö jwebebö jö̧jinobe. Jobuju Debora mikwujuma Dios yöawi̧ yöbawuju jö̧jinobe,

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.

1 Samuel 18:6

Jemi ikenama, filisteo jojodönö ölakwabikwawö kabatajadö, Goliatnö kwabö loaja̧ ikena, yemidanö comunidadbe tjȩwa̧jinobe. Ja̧danö ȩwa̧jö tjichibakwajibenama, israel jojodötjö ya̧döma lo̧böbi, baile döböbi latjebinobe, Saul ömöayedö ölakwabikwawa jojodökwö ȩwa̧jobe edö. Jobadö ya̧döma tjo̧'wo ösöwanö latjebinobe, ja̧danö pandero ötjabi̧ pjeböbi, ju'wi musika jawakwöbi, baile döbö