Éxodo 15:2 - Dios Iwene

² Isabenö Jo̧ma ötjönö chujulu iyo̧. Jo̧banöda omukwatö lo̧ta. Isabenö Jo̧ma chöpöjojodötjö chö̧jibinö pjabato̧. Jo̧bama ötjö Chuluwo̧ Dios, ja̧danö jo̧banö chösöda, jwiinö otiwo̧, jö̧ba̧lö. Ja̧danö, jo̧bama chabe'do Uluwo̧ Dios, ja̧danö jo̧banö chösöda, jwiinö juluwo̧, jö̧ba̧lö.

Éxodo 15:2 Iomraidhean Croise

Génesis 17:7

Abraham, ökwönö yöbawö chujuni̧danö isabenö badekwachakobe. Ja̧danö, bakwelöjatebö ja̧kobe, ökwötjö tupadanö jojodönöbi yöbawö chujunobetjö̧. Abraham, ötjöma ökwö Kwuluwo̧ Diossa. Ja̧danö, ökwötjö tupadanö jojodöbi Tjuluwo̧ Dioschakwo̧sa.

Génesis 49:18

Dannö yöawaja̧ ikena Jacobma Isabenö Jo̧ Diosnö jwöbijetö: —Isabenö Jo̧ Dios, ökwönöda cho̧'wo wa̧na̧lö, chöpöjöjödötjö chö̧jibanö pjakatakwa̧ te'ada̧lo̧sa— jwöbijetö Isabenö Jo̧ Diosnö ösödö.

2 Samuel 22:3

Jo̧bama chuluwo̧ Dios, jo̧ba inesö juluwo̧ chuluwo̧ma tjöekwapi tjöeba̧li̧danö, tjöbeba̧linö chö̧jibinö pjabatajiobe. Chöpöjojodö ötjönö tjujuluwo jö̧tja̧lenama, jo̧ba ö̧jobekwö döbibajö ö'öchakwawobe, ja̧danö jo̧bakwö ja̧nö, chöpöjojodötjö chö̧jibobe. Diosma isabenö chö̧jibinö pjabato̧, chöpöjojodö kwabö lotjapji jö̧ba̧lö.

2 Samuel 22:47

Chuluwo̧ Isabenö Jo̧, isabenö 'yaba̧lo̧ja, ökwö inesö inawadanöbo̧nö chösödakwö. Ökwö inawadanöbo̧ chö̧jibinö pjabato̧ Diosnö chösödakwö, isabenö inesö otiwo̧ja jö̧ba̧lö.

2 Samuel 22:51

Jau, isabenö iteda omudawö ujuninökwe la'aka luwo̧, ötjö Davidnö otiwanö chö̧jibinö pjabato̧ Isabenö Jo̧ma, kabatökönö dösölö̧jinö edö pjabato̧, ötjö Davidnöbi, chitji̧mu tupadanö jojodönöbi, isabenö otiwo̧ Isabenö Jo̧ma, —jö̧ba̧lö lo̧inobe Davidma, Isabenö Jo̧nö ösödö.

2 Samuel 7:24

Ja̧danö ökwödö israel jojodönö 'da̧batö kwujunijatö, ba̧kwelöjatebö 'dö̧bibajökönö kwömöledö dö̧jobö. Ja̧danö ökwö Isabenö Jo̧da, ökwödö israel jojodö dösödökwe Dios bakibijatö chuluwo̧.

2 Samuel 7:5

—Natan, chömöayo̧ Davidnö yökawobö wetakwö, –Ökwöma chö̧jakweju kwotidökakwo̧ja David.

1 Reyes 8:13

Ja̧danö chuluwo̧ Isabenö Jo̧, ökwöda kweju baibanö, jwiinö otiweju chotidajabe, jobe ba̧kwelöjatebö kwö̧jobö chuluwo̧, —jö̧ba̧lö aebinobe Salomonma.

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

1 Crónicas 16:14

Jo̧ba Isabenö Jo̧ma, ökwödö israel jojodö dösödökwe Dios, ja̧danö bö̧jȩ ba̧kwemeachibanö webö jo̧ma, jo̧bada.

Éxodo 14:13

Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

Éxodo 3:6

Ina jö̧ba̧lijetö: —Moisés, ötjöma kwabe'do ösödökwe Diossa. Ja̧danö, ökwö kwa'dödö tjösödökwe Diossa. Abraham, Isaac, Jacob tjuluwo̧ Diossa ötjöma— jö̧ba̧lijetö Diosma Moisésnöma. Jejenö jö̧a̧liökwe yebaibö öba muchekwijetö Moisésma, ömamunö, Diosnö cheditjö̧ma ö'wö batibena, jö̧ba̧lö.

Éxodo 4:22

Ikenama baikwö yökawo faraónnö: Isabenö Jo̧ma ökwönöma yöa̧la, Israel jojodöma ötjöda ile nitebawö̧, bakwuju ajayinö jitji̧nö ile nijebi̧danö, jö̧ba̧lö.

Éxodo 40:34

Ikenama, ojwiyo'wo ja'da'daa'wo Isabenö Jo̧ ejunö jwibachö wame 'duwachibijetö. Ja̧danö, Isabenö Jo̧ salöinö dejatö i̧sekwi̧ma jeju okwa, okobe jwiinöda salöijetö.

Éxodo 6:7

Ja̧danö, ökwödöma ötjö chömöledö bakibaduwanö pjatatakwo̧sa. Ja̧danö, ötjöma ökwödö Kwösödaduwökwe Dios chö̧jakwo̧sa. Ötjö pjatati̧ waisachibö yöka̧laduwakwedöja, Isabenö Jo̧ma, ökwödö Dösödaduwökwe Diosma Egipto jojodö juluwanö dotidobö wetji̧tjö dö̧jibinö pjabato̧, jö̧ba̧lö.

Isaías 12:2

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Isaías 25:1

Chuluwo̧ Diosnö ösödö, baikwö yöta̧la: —Isabenö Jo̧, chösödökwe Diosja. Ökwöma isabenö inesö otiwi̧ jojodö edajitjökö jawa i̧sȩbo̧ja chuluwo̧, jokwajabetjö ökwönö ösödö yöta̧locha, –Chösödökwe Isabenö Jo̧ma ju'wedötjö bajalekwönönö juluwo̧, –jö̧balö. Jau chuluwo̧, damötjö̧ kwotidakwa̧ jawa omukwatö juninaja̧, –Yadakwö baikwö chotidocha, –jö̧ba̧lö, ja̧danö omukwatö kwujuninadanö badekwachinö kwotidajabe.

Isaías 45:17

Jobekwö baledököwö̧ ökwö Diosnö ösödadönö. Ju'wedö tabakwö tjö̧jonö, ökwödö israel jojodönö dö̧jibinö pjabato̧ Diosma, 'dö̧ibajökö ji̧ ji̧kwawa baibanö dö̧jibinö pjabato̧. Ja̧danö jobekwö dö̧jibinö pjaatobetjö̧, la'akatjöda 'dö̧bibajökönö tabakwö dö̧jökakwedösa, la'akatjöda taba lö̧jawö̧ badibökakwedösa.

Isaías 49:6

—Ötjö chömöayo̧ ja̧nö, Jacob itji̧mu tupadanö jojodö sasokwena jojodönö, yemidanö ajayi tjitebonö Israel nijinö tjö̧jobö tjekatobö otiwa. Jo̧kwaijayonö ja̧ otikwa otiwijayonö, ja̧ otikwadama ba̧jȩkwachökena, jemi tupakwöbi kwotidobö chösöda. Jo̧kwajabetjö̧ ju'wibi tjitebotenia jojodönö dejato̧ bakibanö chujunakwo̧sa, tjö̧jibinö pjatatakwa̧ma, bö̧jȩ bakwachö̧jȩ ju̧kwadönöbi tjö̧jibinö pjatatakobetjö̧, —jö̧ba̧lö babe yöawobe ötjönö, jö̧ba̧lö laebobe Dios ömöayo̧ yöa̧li̧ma.

Isaías 66:1

Baikwö yöawobe Isabenö Jo̧ma: Chömöledö, mölejȩma, sule ötjö chiteaka inesö la'aka luwo̧ ö̧bakadanö jö̧jȩ, ja̧danö bö̧jȩma sule chömasapiya chöwanemidanö jö̧je. Jo̧kwajabetjö̧, ötjö chö̧jakwejuma, dakwö kwotidaduwobö? Otiwanö chö'wachemi ötjönö kwiyaduwobö jȩnaji̧?

Lucas 1:77

Jau chitji̧, jojodönö yökawakwo̧ja, Dios tjusula söbebö loobetjö̧ tjö̧jibakwa̧ tjöwaisachibobö.

Juan 4:22

Yötawakwö. Ökwödö Samaria jojodöma, Diosnö dösöda, jö̧ba̧lö, kwomukwataduwijayonö isabenö wajwiköbaduwobe Diosnöma, kwo̧'wo̧ luwo̧duwinö. Ökwödö judío jojodöma isabenö döwaisa Diosnöma. Jau chömöledösuju, dö̧jibinö otido̧ma judío jojoobetjö̧ öwaitjöda öwawobe, Ökwödö judío jojodöma Diosnö waisadösa, jö̧ba̧lö —jö̧a̧linobe Jesúsma—.

Juan 5:23

Ja̧danö, jejenö kabebö öwanijatö ötjönö, jojodöma Chabe'do Diosnö otiwanö edö tjomukwati̧danö, bakwainö ötjönöbi tjomukwatobö, iteda itji̧nöma. Bakwo̧, ötjönö, Dios Itji̧nö otiwanö omukwatö̧kö̧ma, Diosnöbi otiwanö omukwatö̧kö̧, ötjönö webinanö, iteda itji̧nö webinanöma— yöawinobe Jesúsma judío la'aka luwedönö.

Hechos 4:12

Ja̧danö, jojodö tjö̧jibinö pjabato̧ma jo̧bada. Jelo̧ma deobe. Dios böjȩnö ju̧kwadönö tjö̧jibinö pjaatobö weinökwema bakwo̧da, Jesúsda— jejenö yöbawö atadijetö Pedroma.

2 Corintios 5:19

Jau chömöledö, Diosma ökwödönötjö jojodönö yöawobe, jo̧ba ömöledö batjibobö. Ja̧danö, jojodö Dios ömöledö batjibanö yödawi̧ma biya̧: Diosma Cristonötjö ajayinö iteda öpöjojodö böjȩ jojodönö iteda ömöledö batjibanö pjabato̧, sulabenö ja̧tjina omukwatökönö. Jau chömöledö, Diosma ökwödönö ja̧ wene weinobe, ju'wedönö yödawo jö̧ba̧lö, ajayinö jo̧ba öpöjojodö tjö̧jinajayonö, yödawi̧ ösödö jo̧ba ömöledö batjibakobetjö̧.

Efesios 2:22

Jau chömöledö ökwödö judío jojodöböködöbi, Dios O̧'wo̧ Luwo̧ kwo̧'wo̧ luwo̧duwinö tebachibö öjamatinobetjö̧ Jesúskwö bakobe babibö Dios ejudanö ja̧döja, Dios ö̧jejunö.

Deuteronomio 10:21

Jo̧banöda ösödö, Otiwo̧ja jö̧ba̧lö kwösödaduwonö. Jo̧bada kwuluwo̧duwi Dios chömöledö, ja̧danö ökwödöma kwöbajaleduwinö edinadöja, iteda ujulu i̧sȩbö, juluwi̧ ji̧ jojodö edajitjökö jawa i̧sȩbinama.

Filipenses 2:11

bȩbachibö öwaetjöda yötjawakwedö, Jesucristoma inesö la'aka luwo̧ jö̧ba̧lö, ja̧danö jejenö yötjawi̧ma, öwaetjöda i̧sebakobe, Abe'do Diosma isabenö otiwanö ja̧bo̧ jö̧ba̧lö.

Filipenses 4:13

Jau chömöledö, Cristoma chujuluwachibanö pjaatobetjö̧, okobe jwiinö ja̧ jawa chöbaledobö chujuluwobe.

Colosenses 2:9

Jau chömöledö, jelobetjö Dios jawa kwisakwaduwoböma jwiobe, jojo babibina Cristoma okobe jwiinö Dios jawa ujuna̧lobetjö̧.

Apocalipsis 15:3

Ja̧danö, jobadöma jobe ja̧nö lo̧tjobe chedijatö. Ja̧ lo̧tji̧ma, Dios ömöayo̧ Moisésmine lo̧inabi, Obeja Itji̧danö Jo̧ lo̧inabi, ja̧ lo̧tji̧ma. Ja̧ lo̧tji̧ma baikwö laebobe: Duluwo̧ Dios, ökwöma jwiinö juluwo̧ja. Kwujulu i̧sebo̧ja. Kwujulu kwi̧sebobe edö, Ayö, jö̧ba̧lö, yebabinö dö̧jobe, döbajale jalaka baibanö. Kwujulu i̧sebö ja̧köbi̧ma jweinö omukwatö, otiwanö ja̧bo̧ja. Ökwöma ba̧kwȩlö̧jatebö inesö la'aka luwo̧ja.

Apocalipsis 19:1

Ikenama mölejȩbetjö labinö ökwöi̧ cha̧ja̧kwijatö, ba̧jekwadö jwötjeba̧li̧ ökwöi̧, baikwö: Do̧'wo̧ Döwana̧lökwe Diosnö dösödaduwo. Jo̧bada dö̧jibinö iyo̧. Jo̧bada jwiinö otiwo̧, jweinö lȩbebo̧. Jo̧bada jwiinö juluwo̧. Dösödaduwonö.

Jueces 5:21

Quison ojwe, damötjö li̧nödö Quison ojwema, buluwanö jobadönö okwatibö isuwedinobe. Isabenö cho̧'wo ujuluwachibobö jo̧be, chujuluwachibanö tupakwö chölakwabikwawobö.