Éxodo 14:5 - Dios Iwene

⁵ Ja̧danö, faraónma Israel jojodö 'dötjibaja̧ yötjawi̧ a̧ja̧kwena jo̧bama, iteda ipjea ömöayedöbi Israel jojodönö latjebobö katjatakwawaja̧ jelobekwö omukwatö yöba̧lakwawijadötö: —¡Ayö! tajawedö omukwatökönö latjebobö wedajada, ökwödö wedi̧ tjotidobö weba̧lajidawö̧nöma. Jweinö domukwatijökötö— yöba̧lakwawijadötö.

Éxodo 14:5 Iomraidhean Croise

Génesis 31:22

Ja̧danö, Jacob döibaja̧ okobema wa̧pötakwa möle ikena ju'wedöma yöbawijadötö Labánnöma: —Jacobma tjo̧wi̧ ȩwa̧jinobe i̧lȩkwa̧mukwö, i̧tji̧mukwö— yöbawijadötö.

Éxodo 12:33

Ja̧danö, Egipto jojodöma labinö webijadötö Israel jojodönö tjitebotjö juluwanö latjebobö, lakebaduwökötjö̧ma ökwödö Egipto jojodöma okobe deinö ö'wö badibena, jö̧ba̧lö.

Éxodo 14:4

Jejenö omukwatinö yemidanö jo̧ba omajade 'diinö wetobetjö̧ ömöayedö 'böawa jojodökwö ökwödönö lubö i̧'yakobe. Ikenama faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö. Ja̧danö, okobe deinö Egipto jojodöma ötjönö tjöwaisachibakobe, webo̧ma Isabenö Jo̧da, jö̧ba̧lö— yöbawijetö Isabenö Jo̧ma Moisésnö. Ja̧danö, Moisésma Isabenö Jo̧ wei̧danö yöawawö̧ a̧ja̧kwijadötö, Israel jojodöma.

Éxodo 14:6

Jejenö omukwatobetjö̧ faraónma Israel jojodönö lutjobö omukwatö, a̧jwi̧mu̧ ka̧ba̧yu̧dönö tötjaka kolukiyanö tjakwatobö webijetö. Ja̧danö, jwöbijetö okobe deinö iteda ömöayedö 'böawa waisadönö tjichobö, Israel jojodönö lubö tji̧'yakobetjö̧.

Éxodo 15:9

Kwöpöjojodöma yötja̧lakwawinobe, Israel jojodönö lubö döbadekwajo, jö̧ba̧lö. Jobe ichibö tjiteatjö okobe jwiinö dösödi̧da emibö diyabikwobe, jö̧ba̧lö yötja̧lakwawinobe. Ja̧danö, yötja̧lakwawinobe, ikenama dökwölöte'iju töbekwö bulabinö lododönö, jö̧ba̧lö. yötja̧lakwawinobe. Jejenö omukwatö junö yötja̧lakwawinobe kwöpöjojodöma ökwödönöma.