Éxodo 14:4 - Dios Iwene

⁴ Jejenö omukwatinö yemidanö jo̧ba omajade 'diinö wetobetjö̧ ömöayedö 'böawa jojodökwö ökwödönö lubö i̧'yakobe. Ikenama faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö. Ja̧danö, okobe deinö Egipto jojodöma ötjönö tjöwaisachibakobe, webo̧ma Isabenö Jo̧da, jö̧ba̧lö— yöbawijetö Isabenö Jo̧ma Moisésnö. Ja̧danö, Moisésma Isabenö Jo̧ wei̧danö yöawawö̧ a̧ja̧kwijadötö, Israel jojodöma.

Éxodo 14:4 Iomraidhean Croise

Éxodo 10:2

Ja̧danö, Moisés ökwö kwi̧tji̧mu̧nö, kwö'dö̧dönö chujulu chi̧sebina yökawakobetjö faraón, iteda ömöayedö tjomajade 'diinö ji̧nö wetobe. Ja̧danö, yökawakobetjö̧, Isabenö Jo̧ iteda ujulu i̧sebiawö̧ tjo̧'wo jwibadödanö batjibinobe Egipto la'aka luwedöma, jö̧ba̧lö, jobadö tjomajade 'diinö ji̧nö wetobe. Jejenö ökwödö okobe deinö babe ju̧kwadöbi, ökwötjö tupadanö jojodöbi tjöwaisakobe ötjönöma, Isabenö Jo̧ma bakwo̧da, jö̧ba̧lö— yöbawijetö Isabenö Jo̧ma Moisésnöma.

Éxodo 10:27

Jo̧kwaijayonö Isabenö Jo̧ma faraónnö ina omajade 'diinö ji̧nö weobetjö̧ Israel jojodönö latjebobö webijökötö.

Éxodo 12:28

Jemi ikenama Israel jojodöma Isabenö Jo̧ wei̧danö a̧ja̧kwijadötö, Moisés, Aarón yötjawaja̧ma.

Éxodo 14:23

Jemi ikenama Egipto jojodöma Israel jojodö tjö̧kamanö lubijadötö okobe deinö ka̧ba̧yu̧dönö wa̧jadöbi, kolukiyanö a̧jö 'ya̧döbi, kolukiyanö jwebeba̧ladöbi.

Éxodo 14:25

Ja̧danö, 'dötjabajemi kolukiya jawa o'ijubiyanöbi lete'di pöawibanö webijetö Isabenö Jo̧ma, kolukabiya yö̧kö̧nö. Jejenö balediawö̧ jö̧ba̧lijadötö: —¡Ayö! Isabenö Jo̧ma Israel jojodönö tjö̧jibinö pjabatö ölakwabikwawö ujuluwijayonö ökwödönöma öpöjödö kwabö lobo̧. ¡Belöma dȩwa̧ja̧duwo— jö̧ba̧lijadötö.

Éxodo 14:3

Ja̧danö, faraónma jobekwö kwi̧'yaja̧duwa omukwatibö, Israel jojodöma Egiptotjö labebö tji̧'yobö wajwibö jelobeda kwetjachena, jö̧ba̧lö, omukwatena. Dakwö latjebobö, jojodö deemi nijima jobadö latjebobö tjöeba̧lobe, jö̧ba̧lö, omukwatena faraónma.

Éxodo 14:5

Ja̧danö, faraónma Israel jojodö 'dötjibaja̧ yötjawi̧ a̧ja̧kwena jo̧bama, iteda ipjea ömöayedöbi Israel jojodönö latjebobö katjatakwawaja̧ jelobekwö omukwatö yöba̧lakwawijadötö: —¡Ayö! tajawedö omukwatökönö latjebobö wedajada, ökwödö wedi̧ tjotidobö weba̧lajidawö̧nöma. Jweinö domukwatijökötö— yöba̧lakwawijadötö.

Éxodo 14:8

Ja̧danö, Isabenö Jo̧ma faraónnö omajade 'diinö weiökwe Israel jojodönö yebabökönö labebajadönö lubö 'yi̧jetö, ömöayedö 'böawa waisadökwö.

Éxodo 18:11

Jejenö Egipto jojodötjö kwö̧jibaduwinö pjaatinobetjö̧ babeda chöwaisachiba, Isabenö Jo̧ma ju'wedö tjo̧'wo jawa tjöwa̧na̧lawö̧nötjö̧ o̧penönö juluwo̧, jö̧ba̧lö. Egipto jojodöma tjo̧'wo sulabenö edö, Israel jojodötjö bajalekwönönöbedösa, jö̧ba̧lö, ökwödönö tjujuluwobö jö̧tja̧lijayonö Isabenö Jo̧da jobadötjö kwö̧jibaduwinö pjaatinobe— ösödö yöba̧lijetö Jetroma.

Éxodo 6:7

Ja̧danö, ökwödöma ötjö chömöledö bakibaduwanö pjatatakwo̧sa. Ja̧danö, ötjöma ökwödö Kwösödaduwökwe Dios chö̧jakwo̧sa. Ötjö pjatati̧ waisachibö yöka̧laduwakwedöja, Isabenö Jo̧ma, ökwödö Dösödaduwökwe Diosma Egipto jojodö juluwanö dotidobö wetji̧tjö dö̧jibinö pjabato̧, jö̧ba̧lö.

Éxodo 7:17

Jo̧kwaobetjö̧ Isabenö Jo̧ma baikwö yöawobe ökwönö: Babema chujulu chi̧sebiökwe kwöwaisachibakobe, Isabenö Jo̧ma jwiinö juluwo̧, jo̧bama yöa̧li̧danö webo̧, jö̧ba̧lö. Jejenö yöawobe ökwönö. ¡Edi! Ötjöma iteda ujulunö bödö Nilo ojwenö kwatocha chömamunö do̧ta̧la'o chotokwa'onö kwu̧kwi̧nö baibanö ojwema.

Éxodo 7:3

Aarónma jejenö yöa̧lijayonö faraónma omajade 'diinö wetobetjö̧ öpöjödakobe. Jwiinö chujulu chi̧sebima, ju'wibi, ju'wi labi̧ jawa Egiptonö webö chi̧sebijayonö

Éxodo 7:5

Ja̧danö, chujulu i̧sebö lȩtebiawö̧, ja̧danö, Israel jojodönö latjebobö pjatatiawö̧ Egipto jojodöma ötjönö tjöwaisachibakobe, Webo̧ma Isabenö Jo̧da, jö̧ba̧lö.

Éxodo 9:16

Jo̧kwaijayonö 'yaka̧laduwinöda wetijatö chujulu chi̧sebi̧ma kwedaduwobö, ja̧danö böjenö ju̧kwadöma, okobe jwiinö böjenö tjöwaisachibakobetjö̧, Isabenö Jo̧ma jwiinö juluwo̧, jö̧ba̧lö.

Romanos 11:8

Dios iwene laebi̧danö baibinobe chömöledö. Baikwö laebobe Dios iwenema: Diosma jobadönö ja̧inobe wajwibadö batjibanö. Ja̧danö babe mölebi tjöbajale tjewawawö̧danö, tjölakiyu jwibadödanö a̧ja̧kwöködö tjuju̧kwobe, jö̧ba̧lö laebobe Dios iwenema.

Romanos 9:17

Jau chömöledö, isabenö Dios omukwati̧da mikwawi̧ma, baikwö yötawa: Dios iwene, Dios Egipto jojodö tjuluwo̧nö, faraón mikwo̧nö yöawinama baikwö laebobe: Ökwönö kabebö chujunijatö Egipto jojodö tjuluwo̧ bakibanö, ötjö chujulu chi̧sebobe kwedaduwobö. Ja̧danö, okobe deinö böjȩnö ju̧kwadö jojodöma chujulu tja̧ja̧kwo jö̧ba̧lö, ökwönö kabebö chujunijatö, jö̧ba̧lö laebobe Dios faraónnö yöawinama.

Romanos 9:18

Jau chömöledö, Diosma iteda ösödi̧danö ja̧bo̧. Lȩlö̧jinö edobö jö̧a̧litjö̧ma, lȩlö̧jinö edo̧, ja̧danö ju'wedönö tjuubiya 'dibadö batjibanö ja̧obö jö̧a̧litjö̧ma, tjuubiya 'dibadö batjibanö ja̧bo̧, Dios wei̧ tja̧ja̧kwökönö.

Josué 11:20

Jejenö baledinama, Isabenö Jo̧ Diosda baledobö ja̧ina. Isabenö Jo̧ma canaan niji ju̧kwadö tjo̧'wo 'diachibanö weinobe, israel jojodökwö tjölakwabikwawobö, israel jojodö jobadönö lȩlöinö tjedapji jö̧ba̧lö. Damötjö Isabenö Jo̧ma Moisesnö weinobe, lȩlöinö edökönö, okobe deinö canaan niji ju̧kwadönö kwabawö lotjobö, ja̧danö jejenö weinadanö kwabawö lotjakobetjö̧, canaan ju̧kwadö tjo̧'wo 'dibachibö tjölakwabikwawobö weinobe.

Jueces 4:7

Ja̧danö, jobe Tabor mösa'onö kwiteada̧laduwonö, ötjö Diosma la'aka luwo̧ Jabin ömöayedö ölakwabikwawa jojodö tjuluwo̧ Sisaranö ötibocha, kolukiyanö ölakwabikwawadökwöbi, ju'wedö ömöayedö ölakwabikwawadökwöbi Quison ojwebe ichobö, jobetjö jobadökwö kwölakwabikwawaduwakobetjö̧. Ja̧danö, jejenö kwölakwabikwawaduwenama, ötjö Diosma jo̧banö kwujuluwobö pjatatocha, –jö̧ba̧lö Dios wei̧ yötawakwö, —jö̧ba̧lö yöjawinobe Deborama Baracnö.