Éxodo 14:29 - Dios Iwene

²⁹ Jo̧kwaijayonö Israel jojodöma abönö kököenada 'ya̧nö pebibijadötö, o̧pesobu 'da̧bachibö dobulataja baibanö wajwitjobekwöbi, tjöwaisobekwöbi ö'weje mananö.

Éxodo 14:29 Iomraidhean Croise

2 Reyes 2:8

Ja̧danö, ojwe ö'öbö ichibajadö, Eliasma ökamijido̧ wa̧mesa̧do̧ 'bo̧dibö, ojwenö kwainobe, ja̧danö kwaenama, ö'wejenö 'da̧bachibö bakwachobebi, bakwachobebi lamatinobe, ö'wejenö mana kököama lamatinö. Ja̧danö, Eliasbi, Eliseobi mana kököamabenö tjöbaledinobe, ojwe bakwachödöbe.

Éxodo 14:22

Ikenama Israel jojodöma o̧pesobu kököbachibö lamatajena pebibijadötö. Wajwitjobekwöbi tjöwaisobekwöbi o̧pesobuma 'da̧bachibö dobulataja jamatajobu baibijetö möinö.

Éxodo 15:19

Ja̧danö, ja̧ mölȩma Faraón a̧jwi̧mu̧ ka̧ba̧yu̧dö, kolukiya, ka̧ba̧yu̧dönö wa̧nö 'ya̧dö o̧pesobu petjibobö tji̧'yajemi Isabenö Jo̧ma webijetö o̧pesobu kököachajemi yemidanö okwatibobö jobadö o̧pesobu okwada metja̧jinö. Jejenö baledijayonö Israel jojodöma otiwanö pebibijadötö o̧pesobu ö'wejenö kököbachibö lamatajena.

Éxodo 15:8

Kwi̧su̧nö kwimiyupjo labeibö o̧pesobu wame dobibajö ö'weje 'da̧bachibö jamatajabe, dobulataja jamatinö, da̧kwobunö 'diinö jinö, isuwökönö.

Isaías 11:15

Ja̧danö Isabenö Jo̧ma jwiinö söbebö loakobe Egipto niji jwaibalawa bajalema, ja̧danö iteda ujulunö, jwa̧le'epjo inesö tubapjo weakobe, inesö jalödö Eufrates ojwema ja'yuwödöda baibakobetjö̧. Jobekwö weobetjö̧, inesö jalödöma ja'yuwödöbiya baibanö 'da̧achibakobe, da̧kwöködö jelemutjö dödölataja ojwebiya baibanö. Ja̧danö Diosma jojodönö öibakobe wene jwiinö kwebachöda jalödö ji̧nemi petjibakobetjö̧.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Isaías 51:10

Jau chuluwo̧, ökwöda damötjö jwaibalawa köködö lobinaja, inesö da̧kwawa köködö lobinaja, ökwöda kwömöledö israel jojodö, tjö̧jibinö pjakatajawö̧ma otiwanö tjöbaledakobetjö, jö̧tö? Yemidanö jobekwö pjakatobö adebakwö.

Isaías 51:13

Tajawedö ötjö, ökwödönö otidina, Isabenö Jo̧ Diosnö kwo̧'wo jwikibinaduwada chömöledö? Ötjöma isabenö juluwo̧sa, ötjödasa mölȩjȩ sedatö nöninama, ja̧danö ötjödasa bö̧jȩ la'aka lödinama, ötjönö kwomukwataduwo jö̧ka̧laduwajabe. Jo̧kwaijayonö, kwöpöjojodöduwi usula kwemawaduwinö ja̧badö tjölabena, ja̧danö ökwödönö söbebö lotjobö jö̧tja̧lenama, ötjönö omukwatökönö, bakobe yebabinö ja̧döja. Jobadönö yekabiduwobö jwiobe chömöledö, ökwödönö labinadöma ida̧ökö debi batjibajabe.

1 Corintios 10:1

Chömöledö, kwomukwataduwobö wanedö yötawaduwakwö, ökwödö judío jojodö da'dödömine jawama: Judío jojodö da'dödöminema, okobe deinö Moiséskwö kwetjachinobe, ¿jö̧tö? Ja̧danö, Dios önina'wo ojwiyo'woma, jobadönö okobe deinö tjöeba̧la'wo ji̧nobe, ¿jö̧tö? Ja̧danö, jobadö okobe deinö ojwe duwödö tjöbaledinobe, ¿jö̧tö?

Josué 3:16

ojwema isuwö kaatibinobe. Ja̧danö, ojwiyo isuwo jö̧a̧lajobuma, ödö, u'da Saretan yöne comunidad Adan mikwobe ö'öbö okwatinobe, a̧li̧kwö kököachibenanö. A̧li̧kwö jwaibalawa Arabanö ja̧wa, Mar Muerto ötjabawabe isuwo jö̧a̧lijayonö, Adan comunidad ö'öbö lamatö, jobetjöda okwatibinobe. Jo̧kwajabetjö̧, jejenö kököachibiawö̧, israel jojodöma jobe Jerico yöneawinö tjöbaledinobe.