Éxodo 14:28 - Dios Iwene

²⁸ Jejenö o̧pesubuma yadakwödanö okwatibanö kolukiyanö a̧ja̧döbi, ka̧ba̧yu̧dönö wa̧jadöbi, ja̧danö okobe deinö faraón ömöayedö 'böawa jojodö, Israel jojodönö lubibajadöma o̧bawö debö 'yi̧jadötö. Bakwo̧bi ji̧bijöködötö.

Éxodo 14:28 Iomraidhean Croise

Génesis 50:9

Ja̧danö, ju'wedöma ka̧ba̧yu̧dö tötji̧ kolukiyanö 'yi̧jadötö. Ja̧danö, ju'wedöma kabayunö wanö 'yi̧jadötö. Ba̧jekwadö 'yi̧jadötö Josékwö abe'donö lödö i̧'yobe.

Génesis 7:18

Jwiinö okwatibijetö jwai balawama böjȩnöma. Ajayinö okwajiemi o̧penönö okwatibijetö. Isowima jwai balawa wame li̧jetö jwai balawa okwatonö.

Éxodo 14:13

Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

Éxodo 15:10

Jo̧kwaijayonö ökwö, Isabenö Jo̧ma jobadönö kwimiyupjo pjuköbajabe. Pjuköbemi o̧pesobuma okwatibajabe jobadö mȩtja̧jinö. O̧pesubu okwa mȩtja̧jabe, nijibe tjö̧bamatinö, inawa ömökawa meaji̧danö.

Éxodo 15:19

Ja̧danö, ja̧ mölȩma Faraón a̧jwi̧mu̧ ka̧ba̧yu̧dö, kolukiya, ka̧ba̧yu̧dönö wa̧nö 'ya̧dö o̧pesobu petjibobö tji̧'yajemi Isabenö Jo̧ma webijetö o̧pesobu kököachajemi yemidanö okwatibobö jobadö o̧pesobu okwada metja̧jinö. Jejenö baledijayonö Israel jojodöma otiwanö pebibijadötö o̧pesobu ö'wejenö kököbachibö lamatajena.

Deuteronomio 11:4

Ja̧danö jwaibalawa Duwobutjö baledinabi edinadöja chömöledö, Egipto ölakwabikwawa jojodö ökwödönö lutjibenama, jobadönöbi, tjitea kolukiyabi, tja̧jwi̧mu kabayudö̧nöbi jwaibalawa okwatibö söbebö loobö weina edinadöja. Jau chömöledö, Isabenö Jo̧ma jwiinö söbebö loinobe Egipto ölakwabikwawa jojodönö, babe mölebi baibanö ina juluwöködö tjö̧jinö.

Hebreos 11:29

Ja̧danö, Israel jojodöma Diosnö tjo̧'wo̧ tjöwana̧lobetjö̧ o̧pesobu duwobu mikwobu petjibinobe, mana baibaja̧manö, Diosma ökwödönö pjabato̧, jö̧ba̧lö. Jo̧kwaijayonö Egipto jojodö, jobadönö lubadöma jobu petjibaja̧ma ö'wejenö batjibena mana baibaja̧mama jwiinö o̧pesobuda baibinobe, Egipto jojodö o̧tjawinö.

Jueces 4:16

Sisara jejenö döibajonö, Baracbi, ömöayedöbi ju'wedö Sisara ömöayedönö lubö kwabawö lotjinobe, kolukiyanö ölakabikwawadönöbi, ju'wedönöbi. Jaroset Goyim comunidadbe tjichibenanö kabatö jobadönö lutjinobe, ja̧danö okobe deinö Sisara ömöayedönö kwabawö lotjinobe, bakwo̧bi ö̧jibökönö.