Éxodo 14:20 - Dios Iwene

²⁰ Egipto jojodö tjuju̧kwemitjö Israel jojodö tjuju̧kwemitjö 'da̧denö. Ja'wotjöma yȩijetö yöte baledibanö Egipto jojodö tjö̧jemima. Jo̧kwaobetjö̧ Egipto jojodöma Israel jojodö tjuju̧kwobekwö ichibijöködötö, ja̧danö Israel jojodöma egipto jojodö tjuju̧kwobekwö ichibijöködötö. Ja̧danö, ja̧ yö̧tema ja'wotjö Egipto jojodö tjö̧jemima yȩijayonö Israel jojodö tjö̧jemima ja'wotjö dewijetö.

Éxodo 14:20 Iomraidhean Croise

Éxodo 14:19

Ikenama Dios weajökwe ángel, Israel jojodö tja̧bönö 'yajo̧ma tjö̧kamakwö babibijetö. Ja̧danö, jobekwö jojodö tjö̧kamakwö, ojwiyo'wo ja'da'daa'wobi tja̧bönö 'ya̧ja'woma Israel jojodö tjö̧kömakwö baibijetö,

Éxodo 14:21

Jemi ikenama Moisés otokwa'o do̧ba̧lö ömamu kabebö i̧sebijetö o̧pesobu wame i̧sebi̧danö wanekwachö. I̧sebemi Isabenö Jo̧ma webijetö jwa̧lȩ'ȩpjo labinö ichobö ja̧wo̧ laebobekwötjö yö̧te baledibanö jwa̧lȩ'ȩwobö. Labinö jwa̧lȩ'ȩwemi o̧pesobu ö'weje 'da̧bachibö dobulataja baibanö lamatijetö möinö, öwejenö mana li̧nö.

Isaías 52:12

Jau, ö'öbakwawö yebabinö lakebaduwobö jwiakobe, otiwanö tjo̧'omanö kwȩwa̧jaduwobö ja̧kobe, kwuluwo̧duwi Isabenö Jo̧ Dios kwabönöduwi 'ya̧nö, ökwödönö öbibö i̧'yakobetjö̧. Jau chömöledö, kwabönöduwi tjöbeba̧lö i̧'yakwo̧, ja̧danö ju'wibi kwökömanöduwi tjöeba̧lakwo̧, jo̧kwajabetjö̧ yebabinö dökibaduwobö jwiakobe.

Isaías 8:14

Ja̧danö, jobekwö kwösödi̧tjö̧, isabenö ökwönö chiteada̧lakwo̧sa. Jo̧kwaijayonö ju'wedö kwösödi̧danö ösödöködö israel jojodönöbi, juda jojodönöbi wainö chö̧jakwo̧sa. Jau Isaias, jobadönö inawa töbö metjobö ja̧wadanö chichejekwakwo̧sa, ja̧danö Jerusalennö ju̧kwadönö 'daliwadanö chichejekwakwo̧sa.

Josué 24:7

Jejenö lubö tjichibiawö̧, kwa'dödöma ötjönö budekwö atjebinobe ötjö Isabenö Jo̧nö, ja̧danö atjebi̧tjö̧, yȩa'wo chujunijatö Egipto jojodötjö, ökwödötjö kwö̧'da̧deduwinö. Jemi ikenama jwaibalawa jobadö Egipto jojodönö okwatobö wetijatö, jobadönö söbebö lobö, ja̧danö ökwödö israel jojodöma Egipto jojodönö söbebö lotina kwöbajaleduwinö kwedaduwijatö. Jemi ikenama lekwe möle jojodö deobe kwö̧jaduwijatö.