Éxodo 14:15 - Dios Iwene

¹⁵ Ikenama Isabenö Jo̧ma Moisésnö jö̧ba̧lijetö: —¿Tajawedö kabatökönö budekwinö akebobeda ötjönöma, Pjabati, jö̧ba̧lö? Israel jojodönö yökawo, te'ada̧lökönö tjejubiya ejatibö tupakwö tji̧'yo, jö̧ba̧lö.

Éxodo 14:15 Iomraidhean Croise

2 Reyes 17:36

Jobadönö ösödökönö, jwaikwöda ötjö Isabenö Jo̧ Diosnöda ösödö kwö̧jaduwo, chujulu i̧sȩbö, ötjöda chujulunö Egipto nijitjö lakebaduwinö pjabatinanö. Ötjö Isabenö Jo̧ Dios chöba a'otjöda bȩbachibö kwösödaduwo, ja̧danö ötjönöda kwabö juwö kwiyaduwo.

2 Reyes 17:7

Ja̧ baledina labebebö loawama baikwö laebobe: Idöda tjösödökwe Isabenö Jo̧ Dios jobadönö pjabatö, Egipto la'aka luwo̧ Faraon ujulutjö tjö̧jibanö, Egipto nijitjö labebö, idöda tjitebo nijinö tjö̧jobö pjaatinajayonö, Israel jojodöma tjösödökwe Isabenö Jo̧ Dios weökö jawa sulabenö ja̧tjinobe, ja̧danö jo̧banö kabatibö, ju'wedö tjösödawö̧nö tjösödinobe.

2 Reyes 20:11

Yöa̧lökwe, Dios yöawi̧ yöbawo̧ Isaiasma Isabenö Jo̧ Diosnö aebinobe, ja̧danö aebökwe Isabenö Jo̧ma weinobe jawo̧ ökömakwö kweachobö. Ja̧danö, abe'do Acaz otidinaka, jawo̧ dejatena isadanö hora ba̧ja̧daka edö, domulataja ba̧ja̧di̧ jawa ökömakwö kweachobe edinobe Ezequiasma, veinte minutos jenanö ökömakwö kweachobe ba̧ja̧di̧ma.

Éxodo 14:14

Isabenö Jo̧da kwöpöjojodönö ölakwabikwawö juluwo̧ma. Ökwödöma sule ölakwabikwawökönö wi̧inö kwö̧jaduwo.

Éxodo 14:16

Ja̧danö, kwotokwa'o do̧ba̧lö kabebö o̧pesobukwö kwisȩbo, o̧pesobu wamenö wanekwachö. Jejenö kwisȩbemi o̧pesobu ö'weje 'da̧abachibö mana baibakobe ökwödöma jenada, o̧pesobu ö'wejenöda nijinö pekibaduwakobetjö̧, o̧pesobu 'da̧abachibö dobulataja möinö jamatajobu ö'wejenöma.

Éxodo 17:4

jwötjeba̧liökwe Isabenö Jo̧nö budekwö abebijetö Moisésma: —¿Dakwö chatadakwajö jobadönöma? Ida̧ökö ötjönö inawiyanö ikwawö lotjobö tjomukwata—

Josué 7:10

Jejenö aebökwe, Isabenö Jo̧ma Josuenö atadinobe, —A̧la̧ibi. Kwöba nijakwö nijinö kwö̧bobö jwiobe, tajawedö bejenö baledobö weköbaja̧da jö̧ba̧lö.