Éxodo 13:4 - Dios Iwene

⁴ Ökwödöma, bite ja̧wo̧, Abib mikwo̧, Egiptotjö lakebaduwakobe.

Éxodo 13:4 Iomraidhean Croise

Génesis 15:16

Ja̧danö, kwömöledöma ju'winö, lekwe o̧biya, cuatrocientos o̧biya jenanö baibajena yemidanö tjetjachajakobe baikwö, Canaán nijibe. Ja̧ mölema bemi Canaánnö ju̧kwadö amorita mikwadönö lȩtebakobe. Jobadö lekwe sulabenö ja̧bö tjuju̧kwakwedö. Ja̧danö, sulabenö ja̧tjemitjö o̧penönö sulabenö ja̧bö tjuju̧kwena ötjöma bajaliyanöma lȩtebakwawö̧. Ikenama, lȩtebaja̧ okobe kwömöledöma yemidanö tjetjachakobe baikwö— yöbawijetö Isabenö Jo̧ Diosma Abramnö.

Éxodo 12:2

—Bemi tupakwöma bite jawo̧ma okobe deinö ja̧wo̧dötjö ajayi̧ ja̧wo̧ baibanö kwujunaduwo.

Éxodo 23:15

Ajayinö ba'ali pan 'ye'yeachö̧kö̧ ba'ali, jö̧ba̧lö, mikwobe. Egiptotjö lakebaduwakwa̧ abönö wetinadanö, ja̧ ba'ali kwujunaduwo bakwöta o̧bakwena, abib mikwo̧ ja̧wo̧nö. Jo̧ba ja̧wo̧nö Egiptotjö lakebaduwinobetjö̧ jo̧ba ja̧wo̧nö kwujunaduwo pan 'ye'yeachö̧kö̧ ba'alima. Ja̧danö, ja ba'alima jelemutjö dötölataja mölȩ baledibanö ba'ali. Pan 'ye'yeachö̧kö̧da kwukwaduwobö jo̧be ja̧ ba'alima. Ja̧danö, ötjönö ösödö ja̧ ba'ali kwanö ichadöma iyawa kwichejebaduwo, ötjönö ösödö kwiyaduwobö.

Éxodo 34:18

Ina webijetö Isabenö Jo̧ma Moisésnöma: —Imiamekwena, pan 'ye'yeachö̧kö̧ ba'ali kwanö kwujunaduwo. Ja̧danö, Abib mikwo̧ ja̧wo̧ Egiptotjö lakebinaduwobetjö̧ jo̧ba ja̧wo̧ kwujuno ja̧ ba'alima. Ja̧danö, ja̧ pan 'ye'yeachö̧kö̧ ba'alima jelemutjö dötölataja mölȩ baledibanö pan 'ye'yeachi̧kwö kwukwaduwoko, Egiptotjö lakebinaduwa weti̧danö.

Éxodo 6:4

Ju'wi jawabi yöta̧la: Ja̧ möle jobadönö ötjö chiwene yöbawö chujunijatö, Canaán niji chiyocha, jö̧ba̧lö, jelobetjö ichö tjö̧jemima.