Éxodo 13:18 - Dios Iwene18 Jo̧kwaobetjö̧ jelobekwö öbibijetö Diosma Israel jojodönöma jojodö deenada tji̧'yobö, o̧pesobu duwobu mikwobu lo̧bekwö. Ja̧danö, Israel jojodö Egiptotjö labebajadöma kwakwaakwawakwö, ja̧danö 'böabikwawakwö tjömamijunö do̧ba̧lakwawö labebijadötö. Faic an caibideil |
—Moisés, kwömöledönö weköbo jweinö 'yö̧kö̧nö jelobekwö tji̧'yo, o̧pesobu lo̧bekwö, Pi-hahirot comunidad pjeanö tjichibobö. Jobetjö isa̧do̧tjö tjejudanö debatö tjotido weköbo. Jobema Migdol comunidadtjö o̧pesobutjö 'da̧denö jemi, Baal-zefón comunidad badeibö. Jenada kwejuduwidanö debatö kwotidaduwo, o̧pesobu ö'öbö.
Jejenö lubö 'yi̧jadötö Egipto jojodötjö 'böawa waisadöma okobe deinö ka̧ba̧yu̧dö tjötji̧ kolukiyanö a̧jadöbi, ja̧danö ka̧ba̧yu̧dönö wa̧jadöbi, ja̧danö tjömasapanö 'ya̧jadöbi. 'Ya̧jadö Israel jojodönö badekwajijadötö o̧pesobu ö'öbönö tjö̧jobe, Pi-hahirot comunidad pjeanö, Baal-zefón comunidad badeibö.
—Ja̧danö 'da̧batö kwujunaduwakwo̧nö weawa baikwö yötawa: Kabayudönö ba̧jekwadönö ajikwoböma isakwoko, ja̧danö israel jojodö Egipto nijibe 'ya̧nö, kabayudönö tjemoböma weoko. Jau chömöledö, Isabenö Jo̧ma ökwödönö weinobe, la'akatjöda Egipto nijibe tjekachaduwoko jö̧ba̧lö, jo̧kwajabetjö̧ jejenö weoböma jwiakobe.
Ja̧danö, kwilekwamuduwibi, kwi̧tji̧muduwibi, kwajwimuduwibi okobe bi̧ya Jordan ojwe baikwöchobe niji tjö̧jibonö, okobe deinö ökwödötjö tjölakwabikwawobö juluwadöma, ju'wedö kwömöledöduwi israel jojodönö teadö, ölakwabikwawa jawa kwebatö Jordan pekibaduwobö ja̧kobe, ju'wedönöbi tjitebo tjujuna̧lobö pjakataduwobö.
Ja̧ möle Moises weinadanö, israel jojodötjö bakwachödö tjitebo juna̧ladö Rubensaso jojodötjö ölakwabikwawadöbi, Gadsaso jojodötjö ölakwabikwawadöbi, Manasessaso ja'ö jojodötjö ölakwabikwawadöbi, ju'wedö tjömöledö israel jojodö tjabönö ojwe tjöbaledinobe, tjitebo tjujuna̧lobö pjabatö tjölakwabikwawotö jö̧ba̧lö.