Éxodo 12:8 - Dios Iwene

⁸ Ikenama, te'ada̧lökönö sököbaduwo ja̧ yö̧teda itebiya kwukwaduwobö. Sököbaduwaja̧ itebiyama pan 'ye'yeachö̧kö̧ pankwö, lei öjiyakwö kukwaduwo.

Éxodo 12:8 Iomraidhean Croise

Éxodo 1:14

Israel jojodöma usula emawöda ju̧kwijadötö juluwanö tjotidobö le jwiinö wetjobetjö̧. Bloke junö, letiyakwö pjabatö, okobe jwiinö batjo otikwa, sobö, junö, 'wibö tjotidobö webijadötö.

Éxodo 12:9

Ja̧ itebiyama ja'yubebi o'diyinöma kukwaduwoko, ja̧danö toböbi toköbaduwoko itebiyama, söböda sököbaduwo. Ja̧danö, okobe deinö 'wibebö kwaköbaja̧duwawö̧nöma okobe jwiinö a̧tjȩba̧yedönö sököbaduwo, tjuubiyakwö, tjömasapiyakwö, tjö'yapiyukwöda.

Éxodo 13:3

Ja̧danö, Moisésma yöba̧lijetö Israel jojodönöma: —Babe möle, Egiptotjö lakebaduwi̧ mölema ba̧kwȩlö̧jatebö kwomukwataduwo, Isabenö Jo̧ma Egipto jojodö usula emawö kwotidaduwobö wetji̧tjö kwö̧jibaduwinö pjaatobetjö̧. Iteda ujulu i̧sebö Isabenö Jo̧ma Egiptotjö lakebaduwobö pjaatobetjö̧ ba̧kwȩlö̧jatebö̧ kwomukwataduwo. Jo̧kwaobetjö̧ bakwȩlö̧jatebö bite ja̧wo̧ badekwachena ba'ali kukwaduwo 'ye'yeachö̧kö̧ pankwö.

Éxodo 13:7

Ja̧ jelemutjö̧ dötölataja möle baledibanö pan 'ye'yeachi̧kwö kukwaduwoko. Okobe jwiinö kwuju̧kwaduwemima pan 'ye'yeachi̧kwö jwiobö, ja̧danö 'ye'yeachi̧ otikwa jawabi jwiobö weta.

Éxodo 23:18

Ja̧danö, ötjönö juwö iyawo̧nö kwabö lotjajökwenö kwiyaduwena pan 'ye'yeachi̧kwö panma bakwobe kwiyaduwoko. Ja̧danö, juwö kwiyaduwökwe o̧tema okobe jwiinö tjujuwobö jo̧be, ja'yubebi u'yukwökönö ju'wi dewachöma.

Éxodo 34:25

Ja̧danö, ötjönö kwabö lotjajökwenö juwö kwiyaduwena sule pan 'ye'yeachö̧kö̧ panda bakwobe kwiyaduwo. Ja̧danö, ba'ali kwujunaduwena, damötjö̧ kwejuduwi wame chöbaledina omukwatö ba'ali̧, kwabö lotjajawö̧ o̧bȩja̧dö tjitebiyama ja'yubebi kwu'yudaduwoko ju'wi dewachö baibanöma.

Isaías 53:10

yayonö inia tjöinö, jo̧banö lȩebobö ösödinobe Isabenö Jo̧ma, jwiinö o̧'wo tjo̧bekwo̧ baibanö. Dios ömöayo̧ma tjusula söbebö loawa iyawa baibanö iyawakwo̧, ja̧danö jobekwö iyawenama, Isabenö Jo̧ jo̧banötjö̧ otidobö omukwatö ujuninama badekwachakobe. Jemi ikenama iteda itji̧mu tupadanö jojodönö edakwo̧, ja̧danö lekwe möle otiwanö öjakwo̧.

Mateo 16:12

Jejenö yöawawö̧, tjöwaisachibinobe, Aaa, pan ye'yeachi̧ jawa yöa̧laja̧ badekwachi̧ma, pan jawamaökö, fariseo jojodöbi, saduceo jojodöbi sulabenö yötjawi̧da badekwachobe, jö̧ba̧lö.

Mateo 26:26

Kwakwawa tjukwonö, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda öba̧ja̧di̧ waisachadönö iyö, wanedö yöawinobe baikwö: —Bipja̧ma ötjö chiteba'o. Emö kwaduwi— jö̧ba̧lö.

Gálatas 5:9

Baikwö wanedö yötawa chömöledö: Pan otidadöma sule ja'yubeda ye'yeachi̧ jawa tjanijayonö, okobe jwiinö pansa'be ye'yeachobe, ¿jö̧tö? Ja̧danö ökwödönö sulabenö yöbawo̧ yöawi̧ma, ökwödönö okobe deinö suli̧ öwaedobe chömöledö.

Deuteronomio 16:7

Ja̧danö kwabö iyajadö, itebiya söbö kwukwaduwo, jobe Dios iteda eju comunidad baibanö omudawö ujuninemi comunidadtjö, Dios öba a'otjö kwukwaduwo. Ikenama, yȩayi dewachenama, okobe deinö sabana'wotjö otikweju kwejuduwibe kwȩwa̧bijaduwobö ja̧kobe.

1 Tesalonicenses 1:6

Ja̧danö, ökwödö ja̧bö di̧sebi̧danö ja̧bö, ökwödödanö ichejekwadö bakibinaduwobe chömöledö, ja̧danö Duluwo̧danö ichejekwadö bakibinaduwobe. Jau chömöledö, usula kwemawaduwijayonö, Dios O̧'wo̧ Luwo̧ pjaatawö̧, kwo̧'wo̧ luwo̧duwi ösöwachibanö kwösödinaduwobe otiwa jawa wenema.