Éxodo 12:5 - Dios Iwene

⁵ Ja̧danö, obejanö, chiwonö 'da̧batö kwujunaduwenama iso̧nöda, o̧ba bakwaba juna̧lo̧nö, suli̧ jwibo̧nöda 'da̧batö kwujunaduwo.

Éxodo 12:5 Iomraidhean Croise

Éxodo 12:4

Ja̧danö, ökwödötjö ju'wedöma yöne kwömöledöduwi kwö̧ba̧jȩkwaduwökötjö̧ma okobe jwiinö itebiyama kwukwaduwökena. Jejenö jenama ju'wedö kwömöledöduwi, kwipjeaduwinö ju̧kwadönö pjabatö itebiyama e'ewö tjiyo, jobadöbi tjukwo. Jo̧kwaobetjö̧ ajayinö obejanö 'da̧batö kwujunaduwena omukwatö kwujunaduwobö jo̧be, dokwa ba̧jȩkwadö tjukwakwa̧da, ja̧danö bakwo̧nökwena dokwa nöinö itebiya tjukwakwa̧da, jö̧ba̧lö, obejama dokwa nöbo̧da kwujunaduwobö kwöwaisaduwanö.

Deuteronomio 17:1

—Ja̧danö ju'wibi yötawaduwakwö chömöledö, kwajwimuduwitjö̧ pakayanöö̧kö̧, obejanöö̧kö̧ kwuluwo̧duwi Isabenö Jo̧nö kwabö juwö kwiyaduwenama, tjusula juna̧ladönö kwiyaduwoko. Jau chömöledö, ja̧jaye iyawama jwiinö öpöjödo̧ kwuluwo̧duwi Isabenö Jo̧ Diosma, jo̧kwajabetjö sule bakwainö otiwadönöda jo̧banö kwiyaduwobö jo̧be, —jö̧ba̧lö yöawinobe Moisesma.

Hebreos 7:26

Jo̧kwaobetjö̧ chömöledö, Jesúsda Dios 'da̧batö ujuninökwema Diostjö jojodötjö la'aka pjabato̧ baibanö, ökwödö jojodönö pjaatobö. Ja̧danö, jo̧bama la'akatjöda jojodönö o̧'wo̧ sulinö edö̧kö̧. Ja̧danö chömöledö, jo̧bama la'akatjöda taba̧lö̧ji̧ jawa ja̧bö̧kö̧. Ja̧danö, jo̧bama sulabedökwö pjabacha̧löma jö̧kö̧. Ja̧danö chömöledö, jo̧bama Dios öwaisachobekwöchobe ö̧bemi, inesö la'aka luwo̧ ö̧bena bo̧, mölejȩbe.

1 Samuel 13:1

Baikwö laebobe israel jojodö la'aka tjuluwo̧ Saul mikwo̧ ö̧jina wene.