Éxodo 12:40 - Dios Iwene

⁴⁰ Israel jojodöma lekwe möle ju̧kwijadötö Egiptonö, cuatrocientos treinta o̧bi̧ya.

Éxodo 12:40 Iomraidhean Croise

Génesis 15:13

Ikenama Isabenö Jo̧ Diosma yöba̧lijetö Abramnö bötisinö abemi o̧'wo luwo̧ okwanö: —Abram, a̧ja̧kwitjö, ökwötjö tupadanö jojodönö yötawi̧, jobadö tjö̧jakwa̧ yötawi̧ma. Jweinö yötawa isabenö kwöwaisobö. Abram, ökwötjö tupadanö jojodöma ju'wedö tjitebonö tjöja̧kwedö. Ja̧danö, jobe jojodöma idöda wetji̧ labinö tjodidobö wetjakwedö ökwötjö tupadanö jojodönöma, usula tjemawinö. Jejenö tjuju̧kwakobe ökwötjö tupadanö jojodöma lekwe, cuatrocientos o̧biya jenanö.

Génesis 15:16

Ja̧danö, kwömöledöma ju'winö, lekwe o̧biya, cuatrocientos o̧biya jenanö baibajena yemidanö tjetjachajakobe baikwö, Canaán nijibe. Ja̧ mölema bemi Canaánnö ju̧kwadö amorita mikwadönö lȩtebakobe. Jobadö lekwe sulabenö ja̧bö tjuju̧kwakwedö. Ja̧danö, sulabenö ja̧tjemitjö o̧penönö sulabenö ja̧bö tjuju̧kwena ötjöma bajaliyanöma lȩtebakwawö̧. Ikenama, lȩtebaja̧ okobe kwömöledöma yemidanö tjetjachakobe baikwö— yöbawijetö Isabenö Jo̧ Diosma Abramnö.

Éxodo 3:10

Jo̧kwaobetjö̧ Moisés, Egiptobe kwi̧'yobö wetakwö, faraónnö abebö ötjö chömöledönö, Israel jojodönö weobö, jobetjö ökwökwö latjebobö— yöba̧lijetö Isabenö Jo̧ma.

Hechos 13:17

Ajayinöma, ökwödö israel jojodö Duluwo̧ Diosma 'da̧batö junijetö da'dödöminenöma iteda i̧tji̧mu batjibanö. Ja̧danö, jelobe, Egiptonö tjuju̧kwena tjöba̧jekwachinö pjabatijetö Diosma jobadönöma. Ikenama ujulunö i̧sebö jobetjö latjebinö pjabatijetö.

Hechos 7:6

Ina yöbawijetö: —Ju'wibi yöbawijetö Diosma Abrahamnöma, baikwö: Ökwötjö tupadanö jojodöma ju'wedö tjitebonö jobe jojodö wetji̧ ja̧bö tjuju̧kwakwedö. Jobe jojodöma kwömöledönö tjotidobö kwakwabö wetjakwawö̧, cuatrociento o̧biya jenanö.

Hebreos 11:9

Ja̧danö, Diosnö o̧'wo̧ öwana̧lobetjö̧ Abrahamma jobe Dios weajemi ichibö jobeda ö̧jinobe, ju'wedö tjitebonö, iteda itebomaökö. Jo̧ba jelobetjö 'yi̧nama jobe ju'wedö tjitebo nijima balewöda ö̧jinobe. Jobe ö̧jenama otiweju, 'diejunö ö̧jinokobe, iteda itebookobetjö̧. Sule chi̧wo̧dö tjöwö'yetjö otikwado̧ muchebö otidajejunöda ö̧jinobe, otiwökejunö, 'diökejunö. Ja̧danö itji̧ Isaacbi, ö'dö̧ Jacobbi jejenö tjö̧jinobe. Jobadöbi Dios yöbawö junö jö̧a̧linawö̧, Kwiteboduwi chiyocha, jö̧ba̧lö. Jo̧kwaijayonö jobadöbi ju'wedö tjitebonöda tjö̧jinobe chi̧wo̧dö tjöwö'yetjö otikwado̧da muchebö otidajejunöda, Abraham ö̧jinadanö.