Éxodo 12:28 - Dios Iwene

²⁸ Jemi ikenama Israel jojodöma Isabenö Jo̧ wei̧danö a̧ja̧kwijadötö, Moisés, Aarón yötjawaja̧ma.

Éxodo 12:28 Iomraidhean Croise

2 Samuel 5:25

Weökwe, Isabenö Jo̧ weaja̧danö ja̧inobe Davidma, ja̧danö Gabaontjö, Guezerbe ichibenanö kabatö ba̧jȩkwadö filisteo jojodönö kwabawö loinobe.

1 Reyes 17:5

Yöbawö weökwe, Isabenö Jo̧ yöawaja̧danö i̧'yinobe Eliasma, ja̧danö Jordan ojwetjö jawo̧ laebobekwö lö̧dö Querit ojwe ö'öbö ö̧jinobe.

Éxodo 12:27

baikwö kwatadaduwodönö: Ökwödöma Isabenö Jo̧nö ösödö, dö̧jibinö pjaatina omukwatö o̧bȩja̧dönö 'wibebö kwadobe, ba'ali junö dukwakwawö̧nö. Ökwödöma Egiptonö dö̧jenama Isabenö Jo̧ma Egipto jojodö tji̧tji̧mu̧ ömadönö abönö damönö kwabö loonö ökwödö Israel jojodönö pjabatö dejubiya wame öbaledinobe. Ja̧ yö̧tema Egipto jojodö tji̧tji̧mu ömadönö, abönö damönö kwabö loijayonö ökwödö di̧tji̧mu̧nö tjö̧jibinö pjaatinobe Isabenö Jo̧ma— yöbawijetö Moisésma Israel jojodötjö la'aka luwedönöma. Yöba̧lö kaatena okobe deinö Israel jojodötjö la'aka luwedöma, tjöba bȩbachibö nijakwö tjuunö Isabenö Jo̧nö ösödijadötö.

Éxodo 12:29

Ja̧danö, yö̧te ja'ö Isabenö Jo̧ma okobe deinö Egipto jojodö tji̧tji̧mu̧ ömadönö, abönö damönö kwabö lobijetö. Faraón inesö la'aka bo̧ itji̧ abönö pöenöbi ja̧danö, ka̧lȩna ba̧kwaweju okwa bo̧ itji̧ abönö pöenöbi, ja̧danö okobe deinö Egipto jojodö tji̧tji̧mu̧ ömadönö abönö damönö kwabö lobijetö Isabenö Jo̧ma. Ja̧danö okobe deinö tja̧jwi̧mu̧tjö̧ ajayinö ömadönöbi kwabö lobijetö.

Éxodo 12:35

Ja̧danö, Moisés atjebobö weaja̧danö ida̧ökö abebijadötö Israel jojodöma Egipto jojodönö tjiyobö orotjö otikwabi, platatjö otikwabi, kamisibi, Moisés ajayinö weaja̧danö.

Éxodo 14:4

Jejenö omukwatinö yemidanö jo̧ba omajade 'diinö wetobetjö̧ ömöayedö 'böawa jojodökwö ökwödönö lubö i̧'yakobe. Ikenama faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö. Ja̧danö, okobe deinö Egipto jojodöma ötjönö tjöwaisachibakobe, webo̧ma Isabenö Jo̧da, jö̧ba̧lö— yöbawijetö Isabenö Jo̧ma Moisésnö. Ja̧danö, Moisésma Isabenö Jo̧ wei̧danö yöawawö̧ a̧ja̧kwijadötö, Israel jojodöma.

Éxodo 36:1

Moisésma ina yöba̧lijetö Israel jojodönö: —Chömöledö, Isabenö Jo̧ma okobe deinö ötjö inesö cheju, ja̧danö jeju okwa junawa jawa tjotidakwedönö pjabato̧, Bezaleelnö, Oholiabnö, ju'wedönöbi. Isabenö Jo̧da jobadönö pjabato̧ o̧do otikwa waisadö batjibanö, ja̧danö ja̧ otikwa waisinö omukwatadö batjibanö. Ja̧danö, tjotidakwa̧ma Isabenö Jo̧ weinada tjotidobö jo̧be— yö̧ba̧lijetö Moisésma.

Éxodo 39:32

Jejenö Israel jojodöma idöda tjotidawatjö okobe jwiinö kabatakwawijadötö, Isabenö Jo̧ inesöeju, jobadökwö tjö̧'da̧denö ö̧jakweju otikwa jawama. Okobe jwiinö Isabenö Jo̧ Moisésnö iteda eju tjotidobö weinadanö otidijadötö Israel jojodöma.

Éxodo 39:42

Jadanö, Isabenö Jo̧ Moisés tjotidobö weinadanö otidijadötö Israel jojodöma, okobe jwiinö otiwanö.

Éxodo 39:43

Moisésma edemi, okobe jwiinö otiwanö kwotidaduwajabe, jö̧ba̧lö, jobadönö ösödö, Isabenö Jo̧nö abebijetö, bidönö otiwanö edö pjakatodönö, jö̧ba̧lö.

Éxodo 7:10

Ikenama Moisés, Aarón, faraón ö̧bobekwö 'ya̧jadöma Isabenö Jo̧ wei̧danö a̧ja̧kwijadötö. Faraón, faraón ömöayedö tjöbajale a'o ja̧nö Aarónma otokwa'o nijakwö jaemi a̧ko'dada baibijetö.

Éxodo 7:6

Ja̧danö Moisés, Aarón Isabenö Jo̧ wei̧danö a̧ja̧kwijadötö.

Deuteronomio 34:9

Moises ö'wö baibakwa̧ abönö, ömamiju Josuenö 'bieba̧linobe, —Biteda israel jojodönö öbibö ö̧jakwo̧, —jö̧ba̧lö, ja̧danö Diosma pjaatinobe Josuenö, otiwanö waisanö omukwatobö. Jo̧kwajabetjö̧, Israel jojodöma otiwanö Josue wei̧ a̧ja̧kwö tjö̧jinobe, ja̧danö Isabenö Jo̧ weina Moises yöawina jawa ja̧bö tjö̧jinobe.

Hebreos 11:28

Ja̧danö Moisésma Diosnö o̧'wo̧ öwana̧lobetjö̧ ömöledö Israel jojodönö weinobe o̧bȩja̧dö kwatjajawö̧ tjökwösobu dutjebobö apjudebiya jawa ö'diyanöbi, möakwochobe jawanöbi, Dios weökwe ángelma abönö damö ömadönö kwabö lookobö. Ja̧danö Dios weökwe ángelma, tjejubiya mönö baledö Israel jojodö tji̧tji̧mu abönö damö ömadönöma kwabö loinokobetjö̧ ja̧ baledina omukwatö ju'wi imiamekwena Israel jojodöma pjiesta junö Diosnö tjösödobe.

Josué 14:5

Isabenö Jo̧ma Moisesnö weinobe, jobekwö canaan niji 'da̧'yö tjiyobö. Ja̧danö, jejenö Moisesnö weinadanö, canaan niji 'da̧'yö junö, bakwasokwena jojodö tjitebo baibanö tjiyinobe.

Josué 2:21

Yötjawoko, —Jau, otiwa, yökawaduwaja̧danö ja̧tocha. Otiwanö da̧jaduwi, —jö̧ba̧lö jatadinobe. Ikenama latjebinobe, ja̧danö Rajabma duwa'bo di̧batö jö̧ninobe ventanasa'donö, wetjaja̧danö.

Josué 4:8

Jejenö weawö̧, jobadö israel jojodöma Josue weaja̧danö ja̧tjinobe. Israel jojodöma docesaso tjö̧jobetjö̧, docenö inawiya tjeminobe, ojwe ö'wejetjö, Isabenö Jo̧ Josuenö tjemobö weaja̧danö. Ja̧danö, emajadö, ja̧ yöte tjabakwemibe tje'ewinobe, ja̧danö jobe japopo baibanö tjödinobe.