Éxodo 12:16 - Dios Iwene

¹⁶ Ja̧danö, ja̧ ba'ali jelemutjö̧ dötölataja mölebiyatjö ajayi mölebi, ja̧danö 'dö̧ibaji̧ mölȩbi wainö kwujunaduwo, ötjönö ösödö kwo̧ko̧ko̧kwaduwobö. Ja̧danö, ja̧ ba'ali̧ ajayi mölebi, 'dö̧ibaji̧ mölebi kwo̧ko̧ko̧kwaduwi mölema kwotidaduwoko, kwu̧kwaduwakwa̧da kwotidaduwoböma otiwa.

Éxodo 12:16 Iomraidhean Croise

Éxodo 16:23

Jejenö yötja̧lökwe: — Baikwö weobe Isabenö Jo̧ma ökwödönöma: Itekwayima otidökönö kwö'wachaduwakwa̧ möle ja̧kobe, Isabenö Jo̧nö kwomukwataduwobö wainö ji̧ mölema. Jo̧kwaobetjö̧ babe möleda balöbi kwöbaladuwo toböbi toköbaduwo dötölataja möle kukwaduwakwa̧. Makö kukwaduwemi u'yukwi̧ma kwujunaduwo itekwayi kukwaduwakwa̧ma— webijetö Moisésma.

Éxodo 16:29

Omukwataduwi, ötjö, Isabenö Jo̧ma ökwödönö pjabatö kwö'wachaduwi̧ möle 'da̧batö chujunijatö. Jejenö chujunajobetjö̧ jelemutjö bakwöta möle baibena kwakwawa chiyocha, dötölataja möle kukwaduwakwa̧ma. Jejenöobetjö̧ jelemutjö dötölataja möle baibena kwejuduwi okwa, bakwo̧bi labeböknö. Jejenö yökawo Israel jojodönö— webijetö Isabenö Jo̧ma Moisésnö.

Éxodo 16:5

Ja̧danö, jelemutjö̧ bakwöta möle baibena, semanakwena, tje'dakwa̧ma dötölataja möle jawa tje'do weköbo, ju'wi dewachö tjukwakwa̧bi tjujuno, otikwö̧kö̧ mölȩ tjukwakwa̧ma— yöba̧lijetö Isabenö Jo̧ma Moisésnöma.

Éxodo 20:10

Jo̧kwaijayonö jelemutjö dötölataja mölȩ, sábado mölȩ baibenama kwö'wachaduwo, ötjö Isabenö Jo̧nö, ökwödö Kwösödaduwökwe Diosnö omukwatö kwö̧jaduwobö. Ökwödö otidökönö kwö̧jaduwobö jo̧be, ja̧ mölȩma. Ja̧danö, kwi̧tji̧muduwi ömadöbi ya̧döbi otidökönö tjö̧jobö jo̧be. Ja̧danö kwömöayedöduwi ömadöbi ya̧döbi otidökönö tjö̧jobö jo̧be. Ja̧danö kwa̧jwi̧mutjö otidadöbi otidökönö tjö̧jobö jo̧be, kwa̧jwi̧mu̧bi tjö'wachakobetjö̧. Ja̧danö ju'wedö jelobetjö ichinadö kwiteboduwinö ju̧kwadönöma tjotidobö weköbaduwoko.

Éxodo 34:18

Ina webijetö Isabenö Jo̧ma Moisésnöma: —Imiamekwena, pan 'ye'yeachö̧kö̧ ba'ali kwanö kwujunaduwo. Ja̧danö, Abib mikwo̧ ja̧wo̧ Egiptotjö lakebinaduwobetjö̧ jo̧ba ja̧wo̧ kwujuno ja̧ ba'alima. Ja̧danö, ja̧ pan 'ye'yeachö̧kö̧ ba'alima jelemutjö dötölataja mölȩ baledibanö pan 'ye'yeachi̧kwö kwukwaduwoko, Egiptotjö lakebinaduwa weti̧danö.

Isaías 1:13

Ja̧ mikwawökö ji̧ kwiyaduwi̧ma, kabatibaduwi. Jau, okobe jwiinö –Diosnö ösödadösa, –jö̧balö ja̧köbaduwi̧ma chöpöjöda, baikwö yöta̧la: Omewi̧ jawa kwujuwaduwi̧ma chöpöjöda, inesö suli̧, jö̧ba̧lö. Ja̧danö ju'wibi yö̧te jawo̧ yabayo̧ jawa ba'ali junadöja, ja̧danö otikwökö möle ba'alibi junadöja, ja̧danö bakobe ko̧ko̧kwö kwö̧jaduwobö jwöbadöja, –Otiwanö Diosnö ösödadösa, –jö̧ba̧lö. Jo̧kwaijayonö, sulabenö jabö kwö̧jaduwonö jobekwö ko̧ko̧kwö kwö̧jaduwobetjö̧, chome 'dibachibökönö chöpöjöda, tjo̧wita, jö̧ba̧lö.

Juan 19:31

Ja̧danö, ja̧ mölema Dios mönö baledina pjiesta tjukwi̧ baledakwa̧ abönö möle. Ja̧danö, pjiesta kwanö mölema, jwiinö inesö möle, judío jojodö tjotidökö mölebi ji̧nobe. Jo̧kwaobetjö̧ jwiinö inesö möleinobe. Inesö möleobetjö̧ judío jojodöma tjöpöjödinobe ösötenö bȩtjajawö̧ ina tjö̧jobö, ja̧ mölema. Jejenö tjöpöjödobetjö̧ Pilatonö wetjinobe ömöayedönö weobö towisa'onö bȩbö tjujunajawö̧ tji̧se'bijunö kwakwabö tji'delobö, juluwanö ö'wö batjibanö. Jejenö juluwanö ö'wö babibajadönö towisa'otjö meatö tje'ewobö tjösödinobe judío jojodöma.

Deuteronomio 16:8

Ja̧danö, jemi tupakwö, ina jelemutjö bakwöta mölebiya baledibanö, 'ye'yeachi̧ jawa jwii̧ pan kwukwaduwobö ja̧kobe. Ja̧danö, jelemutjö dötölataja möle baibenama, okobe deinö kwo̧ko̧kokwaduwo, kwuluwo̧duwi Isabenö Jo̧ Diosnö kwösödaduwobö. Ja̧ mölema otikwökö möle ja̧kobe, jo̧kwajabetjö̧ ja̧ möle kwotidaduwoko, —jö̧ba̧lö yöawinobe Moisesma, israel jojodönö.