Éxodo 10:4 - Dios Iwene

⁴ Yemidanö kakatakwawökötjö̧ma ¡a̧ja̧kwitjö! itekwayima ma̧la̧ka̧yö̧nö kwitebonö metji̧nö wetocha.

Éxodo 10:4 Iomraidhean Croise

Éxodo 10:3

Jo̧kwaobetjö̧ Aarón, Moisés faraón ö̧bobekwö 'ya̧nö jo̧banö yöbawijadötö: —Isabenö Jo̧ma, hebreo jojodö tjuluwo̧ Diosma ökwönö baikwö yöawobe: —¿Dokwa lekwe ötjö weti̧ kwomajadenö jwiinö öpöjödö kwa̧ja̧kwökakwa̧da? Chömöledönö kabatakwawi ötjönö ösödö iyö tji̧'yo.

Éxodo 10:5

Jobadö ma̧la̧ka̧yö̧ma ba̧jȩkwadö metjobetjö̧ okobe jwiinö nijima öwawökönö ja̧kobe. Ja̧danö, okobe jwiinö pokwi̧, inawiyadanö ichejekwi̧ tjoduwena u'yukwina tjukwakwedö jobadö ma̧la̧ka̧yö̧ma. Towibiya ö̧jiya yemidanö pokwi̧ öjiyama okobe jwiinö tjukwibakwedö.

Éxodo 4:23

Jobadönö kakatakwawobö wetakwö, ötjönö ösödö tji̧'yobö. Jobadönö kakatakwawökötjö̧ma ¡a̧ja̧kwitjö! kwitji̧ abönö pöenö kwabö lotakwo̧sa, jö̧ba̧lö. Jejenö yöa̧lobe Isabenö Jo̧ma ökwönöma, faraón. Moisés, jejenö yökawo faraónnö— jejenö webijetö Isabenö Jo̧ma Moisesnö.

Éxodo 5:1

Ikenama Moisés, Aarón Egipto inesö la'aka luwo̧ faraón ö̧jobekwö 'ya̧jadö tebachö jobadötjö bakwo̧ yöba̧lijetö: —Duluwo̧, Israel jojodö tjösödökwe Diosma ökwönö weatö baikwö: Chömöledönö kakatakwawo jojodö deobekwö tji̧'yo ba'ali kwanö— jejenö yöa̧lökwe:

Éxodo 8:10

Itekwayida— atadijetö faraónma Moisésnöma. Jo̧kwaobetjö̧ Moisés jö̧ba̧lijetö: —Weköbi̧danö baibakobe kwöwaisachibobö, Israel jojodö Tjuluwo̧ Dios, Isabenö Jo̧ma, bakwo̧da. Jelo̧ tjösödökwe jo̧badajayo̧ma deobe, jö̧ba̧lö.

Éxodo 8:23

Ja̧danö, jejenö i̧sebö, Ökwö kwömöledönö lȩtebijayonö ötjö chömöledönö wainö chujunocha, ja̧ lȩtebi̧tjö tjö̧jibinö pjabatö. Faraón itekwayi ja̧ chujulu chi̧sebi baledobe kwedakobe. Moisés, jejenö yökawo faraónnö— webijetö Isabenö Jo̧ma Moisésnö.

Éxodo 9:18

¡A̧ja̧kwitjö! Jejenö chömöledönö latjebobö kakatakwawokobetjö̧ itekwayi babedajayena mölejebetjö ojwiyo o̧bi̧danö tiyuwi̧ ö̧wi̧ya̧ Egiptonö jwiinö labinö tjoduwima wetocha. Jejenö itekwayi jwiinö labinö tiyuwi̧ inawi̧ya̧ tjoduwakwa̧danö la'akatjöda tjoduwinokobe. Egiptoma ajayinö tjö̧jinelö babe baibanö jejenö tjoduwi̧ma edaitjökö.

Éxodo 9:5

Ja̧danö, itekwayi jejenö baledobö wetocha, jö̧ba̧lö yöbawijetö Isabenö Jo̧ma Moisésnöma.

Proverbios 30:27

Ju'wedönöbi yötawa: Ma̧la̧ka̧yu̧ma idöda tjuluwo̧ jobadönö weobö deijayonö waisanö bakwobe kö̧ba̧ladö, ba̧jȩkwadö. Guardia jojodödanö ölakwabikwawö bakwobe tji̧'yi̧danö ma̧la̧ka̧yu̧ma bakwobe 'ya̧nö okobe jwiinö pokwi̧ma kwanö söbebö lobadö.

Deuteronomio 28:38

—Ju'wibi yötawaduwakwö, wei̧ a̧ja̧kwökönö kwö̧jaduwiökwe Dios ökwödönö suli̧ öwaedakwa̧ma: Batjo kwotidaduwenama, nöinö ödebiya e'ewö kwödaduwakwedöja, jo̧kwaijayonö nöinö kwödaduwijayonö, waji̧ma ja'yubeda kwe'daduwakwedöja, kwe'daduwakwa̧ abönö ma̧la̧ka̧yö̧ tjukwakobetjö̧.

Apocalipsis 9:3

Jemi ikenama, ja'wo imiyu'wotjö ma̧la̧ka̧yö̧, yelösöda ba̧jekwadö latjekwibobe chedijatö. Jobadönöma tjujulu iyajawö̧, i̧ti̧yu̧dö lotjawi̧danö lotjawobö.