Éxodo 10:26 - Dios Iwene

²⁶ Da̧jwi̧mu̧ pa̧ka̧yönöbi okobe deinö öbibö di̧'yobö jo̧be, bakwo̧nöbi junibökönö. Jobadötjö ju'wedönö Isabenö Jo̧nö ösödö iyö diyakobe. Ina wajwida didötjö diyakwajö, jobe 'ya̧nö dichibenama— atadijetö Moisésma faraónnöma.

Éxodo 10:26 Iomraidhean Croise

Éxodo 10:25

—Chöpöjöda. Jejenömakö̧, ökwödöma da̧jwi̧mu̧nö öbibö di̧'yobö jo̧be, jobadötjöda juwö diyobö Isabenö Jo̧nö, Duluwo̧ Diosnö ösödö.

Éxodo 10:9

—Ökwödö okobe deinö di̧'yobö jo̧be, tjemubi damöbi okobe deinö. Ditji̧mu̧ ömadönöbi ya̧dönöbi öbibö di̧'yobö jo̧be, ja̧danö da̧jwi̧mu̧nö o̧bȩja̧dönöbi chi̧wo̧dönöbi pa̧ka̧yönöbi öbibö di̧'yobö jo̧be. Okobe deinö di̧'yobö jo̧be, Isabenö Jo̧nö ösödö ba'ali dujunakobetjö̧—

Éxodo 12:32

Kwa̧jwi̧mu̧ o̧bȩja̧dönö, chi̧wo̧dönö, pa̧ka̧yö̧nö öbibö 'ya̧jaduwi. Ja̧danö, akebaduwo Kwuluwo̧duwi Diosnö ötjönöma, pjaatobö— webijetö faraónma Moisésnö, Aarónnö.

Éxodo 8:27

Jo̧kwaobetjö, wa̧pötakwa möle kwebachö jojodö deobekwö di̧'yobö jo̧be, Isabenö Jo̧nö, Duluwo̧ Diosnö juwö iyö, jo̧ba weinadanö—

Proverbios 3:9

Ja̧danö ju'wibi jwebebö yötawakwö: Chitji̧, kwujuna̧li̧tjö Isabenö Jo̧nö kwiyo, ökwöda jwiinö mikwawo̧ja, jö̧ba̧lö. Ja̧danö, kwöbatjonö ajayinö wa̧ji̧tjö̧ Isabenö Jo̧nö kwiyo, ökwöda, jö̧ba̧lö.

Isaías 23:18

Jo̧kwaijayonö, ja̧ möle idöda otiwanö tjö̧joböma tjisakwökakwedö Tiro comunidad jojodöma. Ajayinö idöda tjujuna̧lotö jö̧ba̧lö, emöbi, iyöbi kwebachinadö, jo̧kwaijayonö ja̧ möle tjotidaja̧ mikwama 'da̧batö tjujunakobe, Isabenö Jo̧ itea baibanö. Ja̧danö, jobekwö Dios itea baibanö 'da̧batö tjujunobetjö̧, Isabenö Jo̧ Dios öba a'o ju̧kwadöma otiwanö tjujuna̧lakwedö, tjiyi̧tjö nöinö kwakwawabi, kamisi otiwi̧bi otiwanö tjujuna̧lakwedö.

2 Corintios 8:5

Ajayinöma, ökwödöma domukwatijatö, Aaa, Macedonia jojodöbi ja'yubenö pjatjatena jö̧ba̧lö, jo̧kwaijayonö domukwatinatjö bajalekwönönö nöinö tjiyinobe chömöledö. Jau chömöledö, jobadöma Duluwo̧nö tjiyawinobe, Duluwo̧ ösödi̧danö ja̧tjakwedö batjibanö, ja̧danö Dios ösödi̧danö, ökwödönöbi tjiyawinobedanö ichejekwa, yödawi̧danö ja̧bö. Jo̧kwajabetjö̧ jejenö tjiyinobe Jerusalénnö ju̧kwadö Jesúsnö ösödadönö pjabatö chömöledö.

Hebreos 11:8

Ja̧danö, Abrahambi Diosnö o̧'wo̧ wana̧lö ji̧na. Jo̧bama Diosnö o̧'wo̧ öwana̧lobetjö̧ Dios wei̧ a̧ja̧kwinobe, Jelobekwö 'ya̧wi, chiyakwemi jo̧bekwö, jö̧ba̧lö, wei̧ma. Abrahamma i̧'yobema wajwiijayonö, Diosnö o̧'wo̧ öwana̧lobetjö̧ i̧'yinobe.