Éxodo 10:10 - Dios Iwene

¹⁰ jö̧a̧lökwe: —¡Omöna yöka̧la! ¿Dakwö cha̧ja̧kwobö akebi̧ma? Isabenö Jo̧da belö lakebaduwobö pjaatakwo̧ma, ötjöma ökwödö, kwi̧tji̧muduwi okobe deinö lakebaduwobö la'akatjöda wetokobetjö̧. Öwaitjöda cheda, baikwö tjekachajaduwokobö omukwatö kwujunaduwajabe.

Éxodo 10:10 Iomraidhean Croise

Éxodo 10:11

¡Chöpöjöda! Wetokobe okobe deinö kwi̧'yaduwoböma. ¿Isabenö Jo̧nö ösödö kwiyaduwobö kwösödaduwiji̧? Jao kwatjö̧ma, ömadöda kwi̧'yaduwobö wetena— jö̧a̧laja̧ ikena farónma Moisésnö Aarónnö iteda ö̧jelö a'dewö lobijetö.

Éxodo 10:24

Jejenö balediökwe faraónma Moisésnö ichobö jwöbijetö. Ichajo̧nö jö̧ba̧lijetö: —Jao kwatjö̧ma, Isabenö Jo̧nö ösödö iyö kwi̧'yaduwobö weta, kwilekwoduwikwö, kwi̧tji̧mu̧duwikwö. Jo̧kwaijayonö kwa̧jwi̧mu̧duwinöma, o̧bȩja̧dönöbi, chi̧wo̧dönöbi, pa̧ka̧yö̧nöbi benada junibö kwi̧'yaduwo— jö̧a̧lökwe:

Éxodo 10:9

—Ökwödö okobe deinö di̧'yobö jo̧be, tjemubi damöbi okobe deinö. Ditji̧mu̧ ömadönöbi ya̧dönöbi öbibö di̧'yobö jo̧be, ja̧danö da̧jwi̧mu̧nö o̧bȩja̧dönöbi chi̧wo̧dönöbi pa̧ka̧yönöbi öbibö di̧'yobö jo̧be. Okobe deinö di̧'yobö jo̧be, Isabenö Jo̧nö ösödö ba'ali dujunakobetjö̧—

Éxodo 13:21

Isabenö Jo̧ma jobadökwö 'yi̧jetö. Mölema ojwiyo'wo ja'da'daa'wonö 'yi̧jetö jobadönö i̧sebö. Ja̧danö, yö̧tema ökwöla nöola ubi̧danö jobadönö dejatö 'yi̧jetö, yö̧te tji̧'yobö. Jejenö 'yi̧jetö Isabenö Jo̧ma Israel jojodökwö, mölebi yö̧tebi otiwanö tji̧'yobö öbibö.