Éxodo 1:9 - Dios Iwene

⁹ Ja̧danö, Israel jojodö jwiinö tjöba̧jekwachiökwe inesö la'aka luwo̧ faraónma ömöayedönö jö̧ba̧lijetö: — Chömöledö ¡a̧ja̧kwaduwitjö! Israel jojodöma jwiinö tjöba̧jekwachinobe, ja̧danö ökwödötjö o̧penönö juluwadö batjibinobe.

Éxodo 1:9 Iomraidhean Croise

Génesis 26:16

Jejenö balediökwe Abimelecma Isaacnö webijetö: —Isaac, ökwödö dö̧jelö labebi jelobe kwi̧'yo. Ökwödönötjö̧ o̧penönö juluwo̧ bakibajabetjö jelobe, wainö kwö̧jo 'ya̧wi— webijetö.

Génesis 46:3

Ikenama Diosma yöbawijetö: —Ötjöma Diossa, kwabe'do Isaac uluwo̧ Diossa. Yebabökönö 'ya̧wi Egiptobe, jobeda kwö̧jo. Jobetjöda ökwötjö tupadanö jojodönöma pjatatakwo̧sa tjö̧ba̧jekwachobö. Jo̧kwaobetjö̧ yekabi, Egiptobe 'ya̧wi̧.

Diosnö ösödo̧ Job mikwo̧ usula emawina jawa 5:2

—Usula emawö ja̧nö, kwödameakwoböma jwiobe Job, baikwö yötawa: Waisanö omukwatöködöma, waisachibökönö jwaikwöda dameakwö ju̧kwadö, ja̧danö ja̧ tjö̧dameakwi̧ma, ö'wö batjibobö ja̧i̧, jö̧tö? Ja̧danö wajwibadöma, ö'wiyabinö edadö ju'wedönö, ja̧danö ö'wiyabinö tjedobetjö̧, ja̧tjö̧ debö 'ya̧dö omukwatöködöma, jö̧tö?

Éxodo 5:5

¡A̧ja̧kwaduwitjö! Babema bemi nijima Israel jojodöma tjö̧ba̧jekwachinobe yelösöda. Ba̧jekwadö otidadö tjuju̧kwobe. Ju'wi jawa omukwatö tjotidokobö ja̧köbaduwa — yöba̧lijetö faraónma Moisésnö, Aarónnö.

Proverbios 14:28

Ja̧danö, ju'wibi yötawa: Inesö la'aka luwo̧ iteda weawö̧ma, itebonö ju̧kwadöma ba̧jȩkwadö tjö̧jitjö̧ma jojodöma jo̧banö otiwanö tjedökwe, jwiinö inesö la'aka luwo̧, jö̧ba̧lö. Jobekwö tjedokobe inesö la'aka luwo̧nö, weawö̧ ba̧jȩkwadönö debo̧nöma. Weawö̧ma ba̧jȩkwadö deobetjö̧ ¿dakwö otiwanö tjedakwa̧jö? Tjedokobe otiwanö. Ja̧danö, jo̧ba la'aka luwo̧ma juluwö̧kö̧.

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Tito 3:3

Ökwödö Jesúsnö ösödadöma, ina Jesúsnö dösödakwa̧ abönö böjȩ jojodö ja̧bö tjö̧ji̧danö ja̧bö dö̧jijatö Tito. Ja̧danö, wajwibadö ja̧nö, Dios wei̧ a̧ja̧kwökönö ja̧nö, omöna yöa̧lakwawa ösödö ja̧nö dö̧jijatö ajayinöma. Jejenö dö̧jenama, sulabe jawa dösödinama ökwödönö juluwinobedanö ichejekwa. Jau Tito, okobe jwiinö sulabe jawa dösödinama ökwödönö juluwinobedanö ichejekwa. Ja̧danö, ökwödönö juluwinobetjö̧, otiwanö ja̧bö dö̧joböma jwidinobe. Ja̧danö, jwaikwöda sulabenö dösödi̧ jawada ja̧bö dö̧jijatö. Ja̧danö, jejenö ja̧nö, kabatökönö sulabenö ja̧bö, ö'wiabinö edö dö̧jijatö. Ja̧danö, ju'wedönö öpöjödadö, ja̧danö ju'wedö tjöpöjödawö̧ dö̧jijatö ajayima.

Santiago 4:5

Ja̧danö chö̧ja̧wo̧dö, omukwataduwi Dios iteda iwenetjö yöawi̧ma, biya̧: Dios O̧'wo̧ Luwo̧, do̧'wo̧ luwo̧nö tebachibö ö̧jobö weinökwema, ö'wiabinö a̧'dȩlobe ökwödönöma. Jo̧bama böjȩ jawa dösödi̧ junibö Diosnö ösödö dö̧jobö ösödo̧ chö̧ja̧wo̧dö. Jejenö laebobe Dios iwenetjö. Ja̧danö, ja̧ Dios iwenetjö yöawi̧ma ¿omöna yöawobeji̧? Omöna yöawokobe. Chö̧ja̧wo̧dö, Dios O̧'wo̧ Luwo̧ma böjȩ jawa dösödi̧ junibö Diosnöda ösödö dö̧jobö ösödo̧.