Ikenama Isabenö Jo̧ Diosma yöba̧lijetö Abramnö bötisinö abemi o̧'wo luwo̧ okwanö: —Abram, a̧ja̧kwitjö, ökwötjö tupadanö jojodönö yötawi̧, jobadö tjö̧jakwa̧ yötawi̧ma. Jweinö yötawa isabenö kwöwaisobö. Abram, ökwötjö tupadanö jojodöma ju'wedö tjitebonö tjöja̧kwedö. Ja̧danö, jobe jojodöma idöda wetji̧ labinö tjodidobö wetjakwedö ökwötjö tupadanö jojodönöma, usula tjemawinö. Jejenö tjuju̧kwakobe ökwötjö tupadanö jojodöma lekwe, cuatrocientos o̧biya jenanö.
Éxodo 1:13 - Dios Iwene13 Ja̧danö, webadöma lsrael jojodönö lȩ jwiinö edö juluwanö tjotidobö webijadötö. Faic an caibideil |
Éxodo 1:13
8 Iomraidhean Croise
möayedödanöbedö waisanö omukwatobö pjabatö yötja̧linada ösödö, labinö yöa̧linobe jojodönö: —Chabe'doma ömöki̧ jawa kwotidaduwobö weinobe, jokwaijayonö ötjöma ja̧tjö bajalekwönönö ömöki̧nö kwotidaduwobö wetakwo̧sa. Ja̧danö ju'wibi, chabe'do ökwödönö lȩebitjö̧ bajalekwönönö labinö lȩtebakwo̧sa, baikwö wanedö yötawa, Chabe'do ökwödönö lȩebenama, ba̧kwelöjatebö kwakwabajitjadanö ökwödönö kwakwainobe, jo̧kwaijayonö ötjö kwakwachakwa̧ma, itiyu ömadeba ji̧ kwakwaakanö ökwödönö kwakwachakwo̧sa, —jö̧ba̧lö labinö atadinobe Roboanma.
Ja̧danö, ju'wibi yötawa: Inesö la̧'aka luwo̧ o̧'wo̧ sulinö edo̧ma usulasedönö jwiinö labo̧, jobadönö usula tjȩmawinö webo̧. Wanedö yötawa: Jo̧ba inesö la'aka luwo̧ o̧'wo̧ sulinö edo̧ma didiba tulubö labo̧danö labo̧. Ja̧danö, nöbo̧ waya jojodönö wo̧atotö jö̧ba̧lö juluwanö ö'öbakwawö icho̧danö labo̧, inesö la'aka luwo̧ usulasedönö o̧'wo̧ sulinö edo̧ma. Yelösöda, jobadönö usula tjȩmawobö labo̧.
Jau chömöledö, damötjö̧ ökwödö israel jojodöma Egipto nijinö ja̧nö usula emawö kwotidinaduwobe, 'dii jawa otikweju otidadö tubinö usula emawö otidö tjö̧ji̧danö, jö̧tö? Jo̧kwaijayonö jejenö usula emawö kwö̧jinaduwelö lakebaduwinö ichejebinobe Isabenö Jo̧ma, ökwödö israel jojodöma iteda ömöledö bakibaduwakobetjö̧, ja̧danö babe möle ökwödöma jo̧ba Isabenö Jo̧ Diosda ömöledöja, —jö̧ba̧lö yöawinobe Moisesma, israel jojodönö.
Sanasan