Éxodo 1:11 - Dios Iwene

¹¹ Jo̧kwaobetjö̧ faraónma, ja̧danö iteda ipjea jojodöma ju'wedö tjömöayedönö wainö junijadötö Israel jojodönö webadö batjibanö, jwiinö juluwanö tjotidobö webadöma. Ja̧danö, Faraón wei̧danö kwakwawa, tea tjujunakwemi comunidades tjotidobö webijadötö Israel jojodönöma. Tjujunakwemi dötölataja comunidades, Pitón mikwemi, Ramesés mikwemi tjotidobö webijadötö.

Éxodo 1:11 Iomraidhean Croise

Génesis 15:13

Ikenama Isabenö Jo̧ Diosma yöba̧lijetö Abramnö bötisinö abemi o̧'wo luwo̧ okwanö: —Abram, a̧ja̧kwitjö, ökwötjö tupadanö jojodönö yötawi̧, jobadö tjö̧jakwa̧ yötawi̧ma. Jweinö yötawa isabenö kwöwaisobö. Abram, ökwötjö tupadanö jojodöma ju'wedö tjitebonö tjöja̧kwedö. Ja̧danö, jobe jojodöma idöda wetji̧ labinö tjodidobö wetjakwedö ökwötjö tupadanö jojodönöma, usula tjemawinö. Jejenö tjuju̧kwakobe ökwötjö tupadanö jojodöma lekwe, cuatrocientos o̧biya jenanö.

Génesis 47:11

Jemi ikenama Joséma faraón wei̧danö niji jwiinö otiwemi iyijetö abe'donö, öpöedönö, ö̧ja̧wo̧nö, jobadö tjuju̧kwemi baibanö, Gosén nijima. Jobema Ramesés comunidad yö̧ne.

1 Reyes 9:19

Ju'wibi kwakwawa ko̧ko̧dö lödawemi comunidadbiyabi otidinobe, ja̧danö kolukiyabi, kabayudönö teada̧lakwawemi comunidadbiyabi otidinobe. Jerusalentjöbi, Libanotjöbi, weemi ba̧kwemeachibanöbi, okobe jwiinö otidobö ösödi̧danö, otidinobe Salomonma.

Éxodo 1:14

Israel jojodöma usula emawöda ju̧kwijadötö juluwanö tjotidobö le jwiinö wetjobetjö̧. Bloke junö, letiyakwö pjabatö, okobe jwiinö batjo otikwa, sobö, junö, 'wibö tjotidobö webijadötö.

Éxodo 2:11

Ju'wi möle Moisés pöe babiböma iteda ömöledö hebreo jojodö tjotidobe edö 'yi̧jetö. 'Ya̧jo̧ ja̧nö eda̧lemi jwiinö usula emawö tjotidobe edijetö, webadö wetji̧ otidö. Ja̧danö, edijetö egipto jojo webo̧ma hebreo jojonö kwakwaobe, Moisés ömöledöso̧nö.

Éxodo 3:7

Ikenama Isabenö Jo̧ma jö̧ba̧lijetö: —Isabenö chedobe ötjö chömöledönö, Egiptonö ju̧kwadönö juluwanö tjotidobö wetjobema, jwiinö inia tjötjinö. Ja̧danö, tjuluwedötjö tjö̧jibinö pjatatobö jwötjeba̧li̧ma cha̧ja̧kwobe. Chöwaisa, jwiinö usula tjemawobe, jö̧ba̧lö.

Éxodo 5:10

Israel jojodö tjö̧jobekwö 'ya̧nö yöba̧lijadötö tjotidobö webadöma, faraón ömöayedöbi, ja̧danö Israel jojodö tjuluwedöbi. Baikwö yöba̧wijadötö: —Farónma baikwö weatö: Babema diyokobe isa'yema ökwödönöma blokekwö pjabatö kwotidaduwobö, ajayinö diyinanöma.

Éxodo 5:15

Ikenama Israel jojodö tjuluwedöma faraón ö̧jobekwö 'ya̧nö jwöbeba̧lijadötö: —Duluwo̧ ¿tajawedö sulabenö ja̧köba ökwödönöma?

Éxodo 5:8

Jo̧kwaijayonö belö bloke tjotidinadanö ka̧achökwökönö tjotido weköbaduwodönö. Jobadöma 'du̧welöjiawö̧, ökwödönö webi jojodö deobekwö dösödökwe Diosnö juwö iyö di̧'yo, jö̧ba̧lö, jwöbeba̧lö atjeba̧lobe.

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Deuteronomio 26:6

Ja̧danö, jobe dö̧jonö, Egipto jojodöma sulabenö ja̧tji̧nobe ökwödönö, usula emawö dö̧jobö ja̧tjinobe, ja̧danö labinö dotidobö wetja̧linobe.