Efesios 5:9 - Dios Iwene

⁹ Ja̧danö, Duluwo̧ dewinö idejatena kwekachaduwobetjö̧ otiwanö omukwatö kwö̧jaduwobe, jweinö yöba̧lö, Dios öba a'otjö otiwanö ja̧bö.

Efesios 5:9 Iomraidhean Croise

Mateo 3:8

Isabenö sulabenö kwomukwataduwi̧ kabatibö kwöbalewachaduwitjö̧ma, otiwanö ja̧bö ja̧nö kwöbalewachaduwaja̧ wene kwi̧sebaduwo.

Juan 1:47

Ja̧danö, Jesúsma jobadö yöneawinö tjichibajena ju'wedönö yöawinobe Natanaelnöma: —Edaduwi. Bite Natanaelma inesö Israel jojo, Israel jojodö tjö̧jo jö̧tja̧li̧danö omukwatö jo̧. Isabenö otiwanö omukwato̧ itema. Omöna yöba̧lö̧kö̧— yöawinobe Jesúsma Natanaelnöma.

Romanos 15:14

Chömöledö, chedemi kwömöledöduwinö ida̧ökö otiwanö ösödadöja, ja̧danö chedemi ida̧ökö waisadöja ökwödönö yötawaja̧ma. Ja̧danö, chedemi ida̧ökö waisadöja biya̧ jawa ju'wedönöbi yökawaduwo jö̧ba̧lö.

Romanos 2:4

Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö.

Efesios 4:15

Chömöledö do̧'wo̧ luwo̧ döda̧peachaduwo tupakwö, dömöledönö jwiinö ösödö, jweinö yöba̧lö Dios jawa. Ja̧danö, do̧'wo̧ luwo̧ jemi tupakwö juluwachibanö okobe jwiinö döda̧peachaduwo, Cristo omukwati̧danö omukwatö. Wanedö yötawa: Ökwödöma Cristo iteba'obedösa ¿jö̧tö? Ja̧danö, Cristoma uudanö jo̧ma, jojo iteba'o öbibö ji̧danö. Jau chömöledö, Cristoma, uu öibobedanö iteda iteba'obedönö öbibö jo̧.

Efesios 4:25

Jo̧kwaobetjö̧, Dios isabenö omukwati̧danö omukwatö kwö̧jaduwobetjö̧, sulabenö omukwatö, omöna yöba̧löma kwö̧jaduwa chömöledö. Ökwödöma bakwo̧nökwena omönama yöka̧laduwoko kwö̧jaduwemi ju̧kwadönöma. Jobadönö, Jesúsnö ösödadönö, jweinö yöka̧laduwo, ökwödöma bakwainö Jesús iteba'obedö dö̧jobetjö̧.

Efesios 6:14

Jo̧kwaobetjö̧ yötawaduwakwö. Dios jawa, otiwa jawa wene, isabenö wene, kwo̧'wo̧ luwo̧duwinö do̧batö omukwata̧lö ju̧kwaduwi chömöledö, ba̧kwȩlö̧jatebö, jemi tupakwö juluwachibanö kwi̧'yaduwo. Wanedö yötawa: 'Bötjabikwawakwedöma koleasö̧jȩma 'diinö di̧batakwawadö, otiwanö tji̧'yobö. Ja̧danö ökwödöbi, chömöledö. Dios iwene, otiwa jawa iwene, isabenö iwenema, kwo̧'wo̧ luwo̧duwinö 'diinö do̧ba̧lakwawö 'ya̧duwi. Jejenö otiwanö kwi̧'yaduwakwedöja, kwo̧'wo̧ luwo̧duwima juluwachibanö jemi tupakwö. Ja̧danö chömöledö, ju'wibi yötawaduwakwö. Jweinö, otiwanöda omukwatö ju̧kwaduwi. Jejenö kwö̧jaduwena Awetjama sulabe ujuluwotö jö̧ba̧lö weijayonö tjöbeba̧lakwawö kwö̧jaduwakwedöja. Ju'wi wanedö yötawa: 'Bötjabikwawakwedöma 'dii̧ jawa wamenö 'dubawadö, tjomuko tjöeba̧linö. Ja̧danö, jobadö tjomuko tjöeba̧li̧danö, ökwödöma, Awetja sulabenö wei̧ma tjöbeba̧lakwawö ju̧kwaduwi, jweinö, otiwanöda omukwatö.

Colosenses 3:18

Ökwödö ya̧dönö bakwujunökwena baikwö weta: Kwilekwe ömöayujudanö kwö̧jaduwo, jejenö Duluwo̧ Jesús ömöledö ya̧döma ja̧tjobö otiwa.

1 Timoteo 6:11

Jau Timoteo, ökwöma Dios ömöledöso̧ja, jo̧kwajabetjö̧, biya̧ yötawaja̧ sulabenö ja̧awatjö döbibaji, sulabenö ja̧bökönö. Dios ömöledöso̧köbobetjö̧, ju'wida isakwö kwö̧jobö jo̧be, ja̧ma biya̧: Dios ösödi̧danö ja̧awa kwisakwo, ja̧danö Diosnö ösödö jo̧ba ösödi̧danö ja̧bö kwö̧jobö kwisakwo. Ja̧danö, kabatökönö Cristonö kwo̧'wo̧ wana̧lö kwö̧jobö kwisakwo, ja̧danö jwaikwöda kwömöledö Cristonö ösödadönö kwösödobö kwisakwo. Ja̧danö, wene baibenabi kwo̧'wo̧ 'dibachibö me'dawachibökönö Cristonö kwo̧'wo̧ kwöwana̧lobö kwisakwo, ja̧danö otiwanö dösölö̧jinö jojodönö ja̧köbobö kwisakwo Timoteo.

Hebreos 1:8

Ja̧danö, jejenö Diosma ömöayedö ángelesdönö yöawijayonö wainö yöawobe iteda Itji̧nöma. Baikwö laebobe Dios iteda Itji̧nö jö̧a̧lina: Isabenö ökwöma Diosja. Ja̧danö, ba̧kwȩlö̧jatebö jojodönö webö kwö̧jakwo̧ja. Isabenö jweinöda omukwatö webö kwö̧jakwo̧ja.

Hebreos 11:33

Chömöledö, jobadöbi, jobadödanö ju̧kwadöbi, Diosnö tjo̧'wo̧ tjöwana̧lobetjö̧ jelobe ju̧kwadö tjöpöjojodökwö 'böbabikwawö 'ya̧jadö tjujuluwinobe. Ja̧danö, jobadötjö ju'wedöma jweinöda webö tjuju̧kwinobe Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma Dios yöbawö ujunina, Chiyocha, jö̧ba̧lö, iyi̧ma tjeminobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma di̧di̧ba̧dönö tjöbadekwajenabi debö tji̧'yinokobe, Diosnö tjo̧'wo̧ tjöwana̧lobetjö̧.

1 Juan 2:29

Chö̧ja̧wo̧dö kwöwaisaduwa, Cristoma jweinöda omukwato̧, jö̧ba̧lö. Jo̧kwaobetjö̧ Cristo jweinö omukwati̧danö jweinö omukwatö ja̧döma tji̧sekwobe, Ökwödöma Dios i̧tji̧musa, jö̧ba̧lö. Jau chö̧ja̧wo̧dö, Dios i̧tji̧muma Cristo jweinö omukwati̧danö jweinö omukwatö ja̧dö. Jo̧kwaobetjö̧ jejenö kwö̧jaduwo chö̧ja̧wo̧dö, Dios i̧tji̧mu tjö̧jobö ji̧ma, jweinö omukwatö, ja̧danö Cristokwö dötewinö 'ya̧nö. Jejenö kwö̧jaduwobetjö̧ taba jwiinö kwedaduwakwedöja Cristonö, yemidanö ichenama.

3 Juan 1:11

Gayo, chöjawo̧ chösödökwe, yötawakwö. Suli̧ jawa ja̧badö tjö̧ji̧danö kwö̧joko. Otiwi̧ jawa ja̧badö tjö̧ji̧danöda kwö̧jo. Otiwi̧ jawa ja̧bö ja̧döma tji̧sekwobe, Ökwödöma Dios i̧tji̧mu babibinadösa, jö̧ba̧lö. Jo̧kwaijayonö suli̧ jawa ja̧bö ja̧döma wainö tji̧sekwobe, Ökwödöma Diosnö wajwibadösa, jö̧ba̧lö. Gayo, otiwi̧ ja̧wa ja̧bö kwö̧jo, dö̧ja̧wo̧dönö pjabatö.