Efesios 5:27 - Dios Iwene

²⁷ Jejenö ökwödönö dichö loinobe Cristoma, jwiinö otiwadönöda, dewamachibadönöda emobö. Ja̧danö, Cristoma dichö loinobe itenöda ösödadönöma, iteda ömöledö batjibinö 'da̧batö junö, ja'yubebi suli̧ jwibadö batjibinö.

Efesios 5:27 Iomraidhean Croise

Isaías 62:3

Ja̧ möle butjawaka inesö otiwaka, Isabenö Jo̧ Dios do̧alakadanö kwichejekwakwujuja, Dios ökwönö do̧a̧lonö, inesö la'aka luwo̧ ubutjawaka diadema ötjabakadanö kwichejekwakwujuja.

2 Corintios 4:14

Jau chömöledö, döwaisa, Duluwo̧ Jesúsnö woawatjö tjeachajinö ja̧binama, ökwödönöbi Jesúskwö tjedachajinö ja̧akwo̧ jö̧ba̧lö, ja̧danö ökwödönöbi, ökwödö Corintio jojodönöbi ja̧akwo̧, iteda öba a'o dö̧jakobetjö̧. Ja̧ wene ösödö dö̧jobe chömöledö, jo̧kwajabetjö̧ kabatibökönö jwaikwöda yöbawö dö̧jobe.

Efesios 1:4

Ja̧danö ajayinö, böjȩ ina otidapjii Diosma omudawö junijetö ökwödönöma iteda ömöledö babibö, Jesúskwö bakobe dötewinö badibakwa̧ma. Ja̧danö, omudawö junijetö iteda öba a'otjö suli̧ jwiinö, wene jwibadö badibakwa̧ma.

Colosenses 1:22

Jo̧kwaijayonö, babema iteda Itji̧ böjȩ jojoso̧ baibanö midawö woinobetjö̧, Diosma iteda ömöledö bakibaduwanö ja̧inobe, ja̧danö ökwödönö 'da̧batö ujuninobe, bakwainö sulabe jwibadö, ja̧danö wene jwibadö jo̧ba öba a'o kwö̧jaduwakobetjö̧.

Colosenses 1:28

Jo̧kwajabetjö̧, Cristonö yödawobe okobe deinö jojodönö chömöledö. Jau chömöledö waisanö omukwatö okobe deinö jojodönö lȩbebö yödawobe, ja̧danö jobadönö döba̧ja̧dobe, jobadö bakwo̧nökwena Cristokwö dötewanö ja̧nö tjo̧'wo̧ luwo̧nö tjöda̧peacho jö̧ba̧lö, ja̧danö wanedö yötawa jejenö da̧peachajadönö Dios öba a'o öbibö dujuno jö̧ba̧lö.

1 Tesalonicenses 5:23

Chömöledö, do̧'wo̧ luwo̧nö wene jwiinö dö̧jobö pjabato̧ Diosnö ateba, kwiteba'oduwitjöbi, kwomajadeduwitjöbi, kwo̧'wo̧ luwo̧duwitjöbi bakwainö sulabe jwibadö bakibaduwanö ja̧o jö̧ba̧lö. Ja̧danö, jejenö ja̧obetjö̧, Duluwo̧ Jesucristo ichakwa̧ möle badekwachenama, ja'yubebi wene jwiinö kwö̧jaduwakwedöja.

1 Pedro 1:19

inesö mikwawi̧ jawanö, obeja sulabe jwibo̧danöbo̧ Cristo ökwösobunöda ökwödönö midö eminobe.

2 Pedro 3:14

Jau chömöledö, Dios 'yayöjȩ otidobö te'ada̧ladösa ökwödöma. Jo̧kwajabetjö̧ ja̧ baledakwa̧ möle baibobö dite'ada̧lonö, jwaikwöda wene jwiinö kwö̧jaduwobö kwisakwaduwo, ökwödönö edö, bakwainö sulabenö ja̧böködönöda Duluwo̧ edakobetjö̧.

Judas 1:21

Dabe'do Diosma isabenö otiwanö ile niebobe ökwödönö chömöledö, ¿jö̧tö? Ba̧kwȩlö̧jatebö ja̧ Dios ökwödönö ile niebi̧ wene omukwatö kwö̧jaduwo. Ja̧danö, ju'wibi te'ada̧lö kwö̧jaduwo, Duluwo̧ Jesucristoma isabenö lȩlö̧jinö edö ba̧kwȩlö̧jatebö ja̧kwawa iyakwo̧ jö̧ba̧lö.

Judas 1:24

Okobe deinö Diosnö dösödaduwo chömöledö, jo̧bada meköbaduwapji jö̧ba̧lö pjabato̧ma, ja̧danö jo̧bada iteda inesö dewinö salöinö öba a'o wene jwiinö kwö̧jaduwobö pjabato̧ma, kwo̧'wo̧duwi jwiinö ösödachibanö.

Apocalipsis 14:4

Jobadö ciento cuarenta y cuatro ömadöma, isujukwö la'akatjöda jö̧ködö. Jobadöma, Diosnöda ösödö, jo̧ba wei̧da a̧ja̧kwö, ju̧kwadö. Ja̧danö, jobadöma Obeja Itji̧danö Jo̧ ökömanö kwebachadö. Ja̧danö, jobadöma böjȩnö ju̧kwadötjö ajayinö Dios omudawö eminawö̧. Batjo junawatjö ajayinö wa̧ji̧, damötjö wainö Diosnö tjiyinadanö, jobadöma Diosnöbi, Obeja Itji̧danö Jo̧nöbi ajayinö omudawö iyawinadö.