Efesios 5:24 - Dios Iwene

²⁴ Jejenöobetjö̧ yötawa ya̧dönöma, Kwilekweduwi okobe jwiinö wei̧ma a̧ja̧kwö ja̧köbaduwo, jö̧ba̧lö, Cristo wei̧ a̧ja̧kwö ja̧di̧danö.

Efesios 5:24 Iomraidhean Croise

Éxodo 23:13

Okobe jwiinö bi̧ya weawa wene yötawi̧ma ö'wöyawakwawalö̧jinö a̧ja̧kwö kwö̧jaduwo. Ja̧danö, ötjönöda akebaduwo. Ju'wedö tjo̧'wo jawa tjöwa̧na̧lawö̧nöma akebaduwoko jobadönö pjatjatobö, ja̧danö tjo̧'wo tjö̧wa̧na̧lawö̧ tjimibiyabi yöka̧laduwoko— webijetö Isabenö Jo̧ma Moisésnöma.

Éxodo 29:35

Jejenö okobe jwiinö wetakwö Moisés, Aarónnö iteda i̧tji̧mu̧nö ötjötjö jojodötjö dö'da̧denö pjabatadö batjibanö kabebö kwöwanobö. Jelemutjö dötölataja möle baledibanö, bakwöta mölekwena ötjö weti̧danö ja̧köbobö jo̧be, jobadönö kabebö wanö.

Lucas 10:17

Jesús weinadanö, setentabedö yöbawadö Jesús 'da̧batö ujuninawö̧ma yöbawöbi, jojodö tjö'wöchi̧ otidö loböbi kwetjachinobe, ja̧danö kwebachö kabatajadö, Jesús ö̧jobekwö tjȩwa̧jinobe. Ȩwa̧jö, tjo̧'wo̧ ösöwanö yötja̧linobe Jesúsnö: —Duluwo̧, kwiminö yödawobetjö̧, isabenö dujuluwatö, tjo̧'wo̧ luwo̧nö sulabedö ja̧döbi wedawö̧ latebajabeta— jö̧ba̧lö.

Efesios 5:23

Isabenö yötawaduwakwö. Kwilekweduwima ökwö kwuudanö jo̧, ökwönö öbibö. Cristo, iteda iteba'obedönö, dö̧jibanö ja̧inawö̧nöma öibobedanö, tjuu öibobedanö, kwilekweduwima kwuudanö jo̧ ökwönö öbibö.

Efesios 5:25

Babema, ömadönö yötawa, bakwo̧nökwena. Kwilekwoduwinöma ile nibebaduwi, Cristo, itenöda ösödadönö ile niebi̧danö, itedada iyawö dö̧jibinö pjabatö.

Efesios 5:33

Jo̧kwaobetjö̧ ömadönö bakwo̧nökwena yötawa. Kwi̧lȩkwa̧muduwinö ökwödöda ile nikekwaduwi̧danö ile nibebö ju̧kwaduwi. Ja̧danö, ya̧dönöbi bakwujunökwena yötawa. Kwilekweduwinö otiwanö edö, jo̧ba wei̧ a̧ja̧kwö ju̧kwaduwi.

Colosenses 3:20

Ökwödö tjemunö baikwö weta: Kwabe'doduwi kwojo'doduwi wetji̧ma ba̧kwȩlö̧jatebö kwa̧ja̧kwaduwo, Duluwo̧ jejenö kwa̧ja̧kwaduwobö ösödobetjö̧.

Colosenses 3:22

Ökwödö tjömöayedö baibanö midö tjeminawö̧ma, kwuluwedöduwi wetji̧ma ja̧bö kwö̧jaduwo. Ja̧danö, sule ökwödönö tjösödo jö̧ba̧lö tjedenadamaökö chömöledö, jwaikwöda Duluwo̧nö yebabinö kwösödaduwobetjö̧, böjȩ kwuluwedö tjedenabi, tjedökenabi wetji̧danö ja̧bö kwö̧jaduwo.

Tito 2:7

Jau Tito, ökwöbi okobe jwiinö ökwö ja̧bö kwö̧ji̧ma, otiwanö ja̧bö ja̧kwawa i̧sebö kwö̧jo, ju'wedö edö tjöwaisakobetjö̧ otiwanö ja̧bö ja̧kwawama. Ja̧danö, jojodönö yöbawö kwö̧ji̧ma, bakwainö otiwanö omukwatö, obökönö yökawo,

Tito 2:9

Ja̧danö tjömöayedö baibanö midö tjeminawö̧nö, baikwö ja̧bö tjö̧jobö kwöba̧ja̧dodönö: Tjuluwedö wetji̧ öpöjödabökönö, tjuluwedö tjösödi̧ jawa jwaikwöda ja̧bö tjö̧jobö. Ja̧danö, tjuluwedö jobadönö wetjenama, atadökönö wetji̧danö ja̧bö tjö̧jobö,