Efesios 5:11 - Dios Iwene

¹¹ Yȩa'wo okwa kwebachö ja̧dö sulabenö ja̧tjijayonö ökwödöma jobadökwöma pjabacha̧löma kwö̧jaduwa chömöledö. Jobadö sulabenö ja̧badönö jweinö yöka̧laduwo, Ökwödöma sulabenö ja̧köbaduwobe, jö̧ba̧lö. Jejenö ja̧bö ökwödöma dewinö dejati̧danö kwidejataduwakobe, jobadö sulabenö ja̧tjobema, öwaitjöda öwawobö.

Efesios 5:11 Iomraidhean Croise

Génesis 20:16

Ja̧danö, Saranö jö̧ba̧lijetö: —Sara, ötjö chöpöe jö̧ba̧lö omöna jö̧ka̧linökwenö nöinö plata, mil ö̧pi̧biya̧ chiyajabe. Ja̧ plata chiyaja̧ma ökwökwö ju̧kwadönö tjöwaisinö i̧sebobe, Sarama sulabenö ja̧jinokobe, jö̧ba̧lö— jö̧ba̧lijetö Abimelecma Saranöma.

Proverbios 1:10

Chitji̧ ju'wibi yötawakwö ¡a̧ja̧kwitjö! Sulabenö omukwatadö, Dios weina öpöjödadöma ökwönö ötjibena, ökwödökwö ichi di̧'yo, jö̧ba̧lö. Jobekwö ötibonö chichökö ökwödökwöma, jö̧ba̧lö kwatatodönö.

Proverbios 1:31

Jobekwö, ötjö jwebebö yötawi̧ öpöjödö, sulabenö omukwatö kwö̧jaduwobetjö̧ yelösöda usula kwemawaduwakwedöja, sulabenö omukwatö kwö̧jaduwi̧ mikwa baibanö. Isabenö, ökwödö kwo̧'woduwi̧ okwa suli̧da su̧'bȩ ji̧danö kwana̧laduwobe, sulabenö kwomukwataduwi̧ma.

Proverbios 13:18

Ja̧danö, ju'wibi yötawa: Isabenö, bakwo̧ jwebebö yötjawi̧ öpöjödö a̧ja̧kwö̧kö̧ma usulaso̧da ö̧jakwo̧, ja̧danö, tabalö̧jinö tjedökwe ö̧jakwo̧. Jobekwö ö̧jökakobe jwebebö yötjawi̧ a̧ja̧kwo̧ma. Jojodöma jwebebö yötjawi̧ ösödö a̧ja̧kwo̧nöma otiwanö tjedökwe, otiwanö a̧ja̧kwo̧, jö̧ba̧lö.

Proverbios 15:12

Ja̧danö, ju'wibi yötawa: Ju'wedönö sulabenö obo̧ma jo̧banö jwebebö yötjawi̧ma öpöjödo̧. Ja̧danö, jwebebö yötjawi̧ öpöjödobetjö̧ jweinö omukwatadö tjö̧jelö ödökwönönö jo̧, jo̧banö jwebebö yötjawapji jö̧ba̧lö.

Proverbios 19:25

Ja̧danö, ju'wibi yötawa: Sulabenö obo̧nö kwakwabö lȩtjebobe edö wajwibo̧ma jo̧banö edinö öwaisachibena, jobekwö sulabenö omukwatö otoböma jwiobe, jö̧ba̧lö. Ja̧danö, ju'wibi yötawa: Di̧ya sulojobö jö̧ba̧lö, di̧ya otiwojobö waiso̧ma, itenö jwebebö yötjawi̧ma ösödobe, otiwa jö̧ba̧lö. Isabenö jo̧bama belö öwaisinatjö bajalekwönönö öwaisakwo̧ jo̧banö jwebebö yötjawi̧ ösödobetjö̧.

Proverbios 25:12

Ja̧danö, ju'wibi yötawa: Bakwo̧, jweinö omukwato̧ jwebebö yöawi̧ ösödö a̧ja̧kwitjö̧ma jwiinö mikwawena. Wanedö yötawa: Lawosopja orotjö otikwopja mikwawi̧danö ja̧danö, sasiyu orotjö otikwayu mikwawi̧danö mikwawobe jwebebö yöawökwe ösödö a̧ja̧kwi̧ma.

Proverbios 28:4

Ja̧danö, ju'wibi yötawa: Dios wei̧ a̧ja̧kwöködöma sulabenö omukwatadönö ösödö yöba̧ladö, otiwanö omukwatadö, jö̧ba̧lö. Jobekwö tjo̧mukwatokobe Dios wei̧ a̧ja̧kwadöma. Dios wei̧ a̧ja̧kwadöma sulabenö omukwatadönö jwiinö tjöpöjödobe, ja̧danö jobadökwö ba̧kwȩlö̧jatebö wene tju̧juna̧lakwawobe.

Proverbios 29:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Bakwo̧nö ba̧kwȩlö̧jatebö jwebebö yötjawijayonö uu 'diobe a̧ja̧kwökötjö̧ma ju'winö juluwanö 'dö̧achakwo̧, ö̧bibajoböma jwiinö.

Isaías 29:21

tjömöledö sulabenö ja̧tjököjayonö, lȩekwa luwedö tjöba a'o, —Sulabenö ja̧bo̧, —jö̧ba̧lö omöna yöba̧ladönöbi, lȩekwa luwedö 'daliwanö tjö̧lobö suli̧ tjöwaedobö isakwadönöbi, omöna yöba̧lö sulabenö jaböködönö suli̧ waedadönöbi.

Mateo 18:15

Tupakwö yöawinobe Jesúsma: —Chömöledö, Dios ömöledötjö bakwo̧ kwömöledöso̧ ökwönö sulabenö ja̧itjö̧ma, jo̧dawa'ye jo̧ba ö̧jobekwö 'ya̧wi, ja̧danö sulabenö ja̧aja̧ yökawonö. Ja̧danö, yökawi̧ a̧ja̧kwitjö̧ma, otiwena, kwömöledöso̧ yemidanö a̧laibobö pjakatobetjö̧.

Lucas 3:19

Ju'wibi, Juanma la'aka luwo̧ Herodes mikwo̧nö yöawinobe, Sulabenö ja̧köba, jö̧ba̧lö. Jo̧ba Herodesma nöinö sulabenö ja̧bö ö̧jinobe. Öjawo̧ ilekwo Herodías mikwujunö sulabenö eminobebi, ja̧danö ju'wi jayebi sulabenö ja̧inobe, ja̧danö jejenö sulabenö ja̧iökwe, Juanma jo̧banö jweinö yöawinobe, Ja̧köbi̧ma isabenö sula, jö̧ba̧lö.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

Romanos 13:12

yö̧te böjȩnö dö̧ji̧ma juluwanö 'dö̧iba, dewachakwa̧ Dios ökwödönö emakwa̧ma yöneawachiba ida̧ökö. Jo̧kwajabetjö̧, yö̧te jawa kabatibö lodaduwo, yȩa'wo okwa jojodö ja̧tji̧ jawa, Dios öpöjödi̧ jawama. Ja̧danö, wanedö yötawa: Mölesado̧da 'dudawaduwo chömöledö, Dios ösödi̧ jawama. Ja̧ma tjöekwado̧danö ji̧, döpöjojo ökwödökwö ölakwabikwawobetjö̧.

Romanos 16:17

Chömöledö, ökwödönö budekwö ateba, te'ada̧lakwawönö kwuju̧kwaduwo chömöledö. Suli̧ waedadöma tjuju̧kwobe, jojodö idöda tjömöledökwö tjölakwabikwawo jö̧ba̧lö isakwadö. Ja̧danö, jobadöma Jesúsnö ösödadönö omöna yöba̧ladö, Duluwo̧ weökö jawa tjomukwato jö̧ba̧lö. Jau chömöledö, isabenö wene kwa̧ja̧kwinaduwa wene laebi̧danöma omukwatöködö jobadöma, ja̧danö jobadötjö 'da̧bachibö kwuju̧kwaduwo chömöledö.

Romanos 6:21

Jejenö kwö̧jinaduwama, ¿taji mikwawinada chömöledö? Babema, ajayinö ja̧köbinaduwi̧ omukwatö, kwötabakwaduwobe, ¿jö̧tö? Ja̧danö, ju'wibi, jejenö ja̧awa mikwawi̧ma wobaleda.

Gálatas 6:8

Ja̧danö, bakwo̧ iteda sulabenö ösödi̧ jawa ja̧bö ö̧jitjö̧ma, sulabenö ösödi̧ jawa wa̧ji̧ emakobe, woawa jawa. Jo̧kwaijayonö bakwo̧ Dios O̧'wo̧ Luwo̧ ösödi̧ jawa ja̧bö ö̧jitjö̧ma, Dios O̧'wo̧ Luwo̧ ösödi̧ jawa wa̧ji̧ emakobe, ba̧kwȩlö̧jatebö ja̧kwawa jawa.

Efesios 4:22

Chömöledö, ajayinöma kwomajadeduwinö ju'wida ba̧kwȩlö̧jatebö omukwatö ju̧kwiaköbinaduwobe. Ja̧danö, sulabenö ja̧köbaduwoböda jelobe omukwatinadöja, Aaa, sulabenö ja̧titjö̧ma otiwena, jö̧ba̧löda. Chömöledö, ja̧ kwomukwatinaduwama omönada kwomukwatinaduwobe. Babema ja̧ ajayinö kwomukwatinaduwama kabatakwawaduwi, balekwa, otiwi̧, 'yayi̧ jawa omukwatakwawa omukwatö.

Efesios 5:12

Chömöledö, jobadö sulabenö ja̧badöma, jojodö tjedokonö sulabenö ja̧badö. Tabakwadö, jwiinö taba̧lö̧ji jawa ja̧tjobetjö̧. Jobadö ja̧tji̧ma yöba̧löbi yöka̧laduwa, ja̧ma jwiinö taba̧lö̧ji jawaobetjö̧.

Efesios 5:7

Jejenöobetjö̧, jobadökwöma pjakacha̧laduwa chömöledö.

Colosenses 1:12

ja̧danö kwo̧'wo̧ ösöwanö ja̧nö Dabe'do Diosnö kwösödaduwakobetjö̧, otiwanö pjabato̧ja jö̧ba̧lö. Jau chömöledö, Dios ömöledöma, mölejȩbe ja̧nö Dios iyi̧tjö tjemakwedö, ¿jö̧tö? Ja̧danö, Dabe'do Diosma ökwödönö ja̧inobe, ja̧ jawa demo jö̧ba̧ladö badibanö.

1 Tesalonicenses 5:7

Jau chömöledö, baikwö yötawa: Abadöma, yö̧te abadö, ¿jö̧tö? Ja̧danö, 'dukwachinö owa̧ladöma, yö̧te 'dukwachinö owa̧ladö, ¿jö̧tö?

2 Tesalonicenses 3:14

Ökwödötjö bakwo̧ böjanö diwȩyudaja̧ma a̧ja̧kwökönö öpöjöditjö̧ma, jo̧banö kwedaduwo, a̧ja̧kwö̧kö̧ jö̧ba̧lö. Ja̧danö, jo̧bakwö bakobe kwö̧jaduwoko, tabakwö ö̧jakobetjö̧.

2 Tesalonicenses 3:6

Chömöledö, ökwödö Jesúsnö ösödadötjö ju'wedö tjuju̧kwobe, döba̧ja̧dina a̧ja̧kwökönö 'dö̧wekwachibö ju̧kwadöma. Duluwo̧ Jesucristo iminö wedaduwakwö, okobe deinö jejenö ja̧bö ju̧kwadö Jesúsnö ösödadötjö 'da̧bachibö kwö̧jaduwo jö̧ba̧lö.

1 Timoteo 5:20

Ja̧danö, te'ada̧lakwawa luwedötjö sulabenö ja̧bö ju̧kwadönö, Jesúsnö ösödadö tjöba a'otjö ja̧nö jobadönö lȩkebo. Jau Timoteo, jojodö tjöba a'otjö ja̧nö sulabenö ja̧bö ju̧kwadönö lȩkebo, lȩkebi̧ a̧ja̧kwadö a̧ja̧kwö yetjaibakobetjö̧, ja̧danö jobadöbi sulabenö ja̧tjapji jö̧ba̧lö.

1 Timoteo 5:22

Ja̧danö, jojodönö juluwanöma kwömamu 'bibeba̧lö ja̧bökönuwi, bidöma Jesúsnö ösödadönö te'ada̧lakwawa luwedö jö̧ba̧löma, otiwanö kweda̧lo jobadönö kwujunakwa̧ abönöma. Ja̧danö, ju'wibi yötawakwö ju'wedö sulabenö ja̧tji̧tjö wainö 'da̧bachibö ja̧wi, sulabenö ja̧tji̧ jobadökwö ja̧bökönö, bakwainö otiwanö ja̧böda kwö̧jo.

2 Timoteo 3:5

Jobadöma wamenö Diosnö ösödadödanö tjichejekwakobe Timoteo, jo̧kwaijayonö jejenö tjichejekwijayonö, okwanö tjöpöjödakobe, Dios ujulu jwia jö̧ba̧lö. Jobadötjö 'da̧bachibö ja̧wi Timoteo,

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Tito 2:15

Tito, biya̧ ökwönö yötawaja̧ma, jojodönö yöbawi. Ja̧danö, Diosda ökwönö ujuninobetjö̧, yebabökönö a̧ja̧kwajadönö lȩbeböbi lȩkebo, tjujuluwachibanö yöbawöbi yökawo. Ja̧danö, okobe deinö Jesúsnö ösödadö yökawi̧ otiwanö tja̧ja̧kwobö webidönö Tito.

Apocalipsis 18:4

Ikenama, mölejȩbetjö Dios iwene cha̧ja̧kwijatö, baikwö: Ötjö chömöledö babibinadönö yötawa. Jobe comunidadtjö labebaduwi, sulabedö ja̧tji̧danö ökwödöbi ja̧köbaduwapji, jö̧ba̧lö. Ja̧danö, ökwödönöbi inia tjököbaduwinö baledapji, jö̧ba̧lö, jobetjöma labebaduwi.