Efesios 4:3 - Dios Iwene

³ Chömöledö, Dios O̧'wo̧ Luwo̧ma ökwödönö pjabato̧, ju'wedökwö bakwainö omukwatö, ösödabikwawö kwö̧jaduwobö. Ja̧danö, jo̧ba pjaatobetjö̧ bejenö omukwataduwi, Bakwainö omukwatöda, ölakwabikwawökönö dö̧jo, jö̧ba̧lö. Jejenö tjiteba'o bakwa'odanö bakibinaduwobetjö̧ omukwataduwi, Bakwainö omukwatöda, ölakwabikwawökönö dö̧jo, jö̧ba̧lö.

Efesios 4:3 Iomraidhean Croise

1 Reyes 16:21

Ja̧ möle, Ela ö'wö baibaja̧ ikenama, israel jojodötjö ja'öma, Guinat itji̧ Tibni mikwo̧nö tjösödinobe, —Tibnida inesö la'aka duluwo̧ ö̧jobö jo̧be, —jö̧ba̧lö. Ja̧danö ja'öma Omrinö tjösödinobe, —Omrida inesö la'aka duluwo̧ ö̧jobö jo̧be, —jö̧ba̧lö.

Éxodo 28:32

Ja̧danö, ja̧do̧ma aa ji̧nö 'dö̧tjo. Ja̧do̧ aa ö'öbönö 'dö̧tjo kȩ'achajö̧kakobetjö̧.

Marcos 3:24

Ina jö̧ba̧lijetö, wanedö yöbawö: —Kwöwaisaduwa, jojodö tjiteboma, jobe jojodö wainökwena ölakwabikwawö tjö̧jitjö̧ma waekwena, jö̧ba̧lö.

Juan 13:34

Ja̧danö, 'yayi̧ weti̧, babe weti̧ma wetobö jö̧ta̧la ökwödönöma, biya̧: Ökwödödada ile nibekwö kwö̧jaduwo. Ötjö ökwödönö ile nitebi̧danö kwömöledöduwinö ile nibekwö kwö̧jaduwo.

1 Corintios 1:10

Chömöledö, Duluwo̧ Jesucristo iminö wetaduwakwö bakwainö omukwatö kwö̧jaduwobö, ja̧danö kwömöledö Jesúsnö ösödadökwö ölakwabikwawa jwiinö kwö̧jaduwobö. Jau chömöledö, ju'wedö kwömöledö Jesúsnö ösödadökwö bakobe ja̧nö, isabenö bakwainö omukwatö, ja̧danö bakwainö ösödö kwö̧jaduwo.

2 Corintios 13:11

Tjo̧wi̧ta chömöledö, böja kwialusöja katatakwa̧ abönö, baikwö bajaleapo bakwamu jawa yötawiba chömöledö. Kwo̧'wo̧ luwo̧ ösöwachibanö kwö̧jaduwo, ja̧danö sulabenö ja̧bö kwö̧jaduwi̧ jwekekwaduwo, ja̧danö bakwo̧nökwena kwujuluwachibaduwobö pjakatakwawaduwo, ja̧danö kwömöledö Jesúsnö ösödadökwö bakwainö omukwatö kwö̧jaduwo, ja̧danö wene jwiinö kwö̧jaduwo chömöledö. Jau chömöledö, jejenö ja̧bö kwö̧jaduwo, ja̧danö jejenö ja̧bö kwö̧jaduwiökwe isabenö Diosma ökwödökwö ö̧jakwo̧. Jau chömöledö, Diosda dömöledönö ösödabikwawö dö̧jobö pjabato̧ma, ja̧danö dömöledökwö wene jwiinö dö̧jobö pjabato̧ma chömöledö, ja̧danö jo̧bama ökwödökwö ö̧jakwo̧.

Efesios 4:13

Ja̧danö, ökwödönöma bakwo̧nökwena Cristoma dotidawakwena iyö pjaatinobetjö̧ tjo̧'omanö Dios Itji̧nö bakweminö do̧'wo̧ wana̧lö dichibakwedösa. Ja̧danö, bakweminö jo̧banö waisachibö dichibakwedösa. Ja̧danö, ökwödöma bakwo̧nökwena dömöledönö pjadatobe, Jesús dotidawakwena iyabina dotidobetjö̧. Jejenöma otiwanö da̧peachadö badibakwedösa. Ökwödöma ja̧danö, tjo̧'omanö Cristodanö, jwiinö otiwanö Jo̧danö badibakwedösa.

Efesios 4:4

Chömöledö, ökwödöma bakwaso jojodödasa do̧'wo̧ luwo̧ma. Bakwa'odanö babibinadösa, Jesúsda iteba'obedösa. Ja̧danö, bakwo̧da Dios O̧'wo̧ Luwo̧da tebachibö öjamatinawö̧sa. Ja̧danö, ökwödöma Dios bakwainö jwöinawö̧sa, iteda iyakwa̧ dite'ada̧lobö, iteda yöbawö ujunina, Otiwa jawa chiyocha, jö̧ba̧lö, yöbawö ujuninama. Chömöledö, dite'ada̧lakwa̧ma, bakwöta jawada, Dios iyakwa̧da bakwainö te'ada̧ladösa.

1 Tesalonicenses 5:13

Jobadö tjotidi̧ omukwatö, jobadönö otiwanö omukwatö kwösödaduwodönö. Ja̧danö, kwömöledöduwikwö wene jwiinö kwö̧jaduwo chömöledö.

Hebreos 12:14

Chömöledö, ökwödöma kwö̧ja̧wo̧dökwö ösödabikwawö, wene jwiinö kwuju̧kwaduwobö kwisakwaduwo. Ja̧danö, Dios i̧tji̧mu bakibinaduwobetjö̧ sulabenö ja̧bökönö kwö̧jaduwobö kwisakwaduwo. Chömöledö, sulabenö ja̧bökönö ju̧kwadöma Duluwo̧kwö dötewinö ju̧kwadö. Isabenö chömöledö, sulabenö ja̧bö ju̧kwadöma Duluwo̧kwö dötewinö ju̧kwöködö.