Jo̧kwaijayonö lȩbebö kwabawö lotjobö wetijayonö, okobe deinö israel jojodönö kwabö lotjoböma wetökakwo̧sa, israel jojodötjö ina ötjönö ösödadö tjuju̧kwobetjö̧. Jau Elias, israel jojodötjö ina siete milbedö tju̧ju̧kwobe, Baalnö bȩbachibö ösödöködöma, ja̧danö Baal o̧'wo jawa du̧batö ösödöködöma, —jö̧ba̧lö weinobe Eliasnö.
Efesios 3:14 - Dios Iwene14 Jo̧kwaobetjö̧ Diosma ökwödönö jwiinö otiwanö pjaatinobetjö̧ chu̧yu̧ki̧junö bamatö chösödobe Dabe'do Diosnöma. Faic an caibideil |
Efesios 3:14
16 Iomraidhean Croise
Isabenö wene yötawaduwakwö, ja̧danö ötjöda chiminö yöbawö chujunaduwakwö, isabenö baledakwa̧, la'akatjöda balewachökakwa̧ wenema: Isabenö yadakwö okobe deinö chöba a'o bȩbachibö tjö̧jakwedö, ja̧danö okobe deinö chöba a'o yöbawö tjujunakwedö: —Isabenö Jo̧ Diosda bakwainö otiwanö ja̧bö jo̧ma, jo̧bada inesö juluwo̧ma, —jö̧ba̧lö okobe deinö bö̧jȩnö ju̧kwadöma bȩbachibö yöbawö tjujunakwedö, jö̧ba̧lö yöawobe Diosma. Jau chömöledö, okobe deinö Diosnö öpöjödö, jo̧banö dameakwö ölakwabikwawö ji̧nadöma, tabakwö ja̧nö Dios öba a'o yebabinö tjö̧bawö tjö̧jakwedö.
Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.
Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.
Sanasan