Efesios 3:11 - Dios Iwene

¹¹ Ja̧danö, Dios ajayinö omukwatö ösödinama tjo̧wi̧ badekwachinö ja̧bijetö Diosma, Duluwo̧ Cristo Jesús midawö ö'wö baibenama.

Efesios 3:11 Iomraidhean Croise

Diosnö ösödo̧ Job mikwo̧ usula emawina jawa 10:13

—Jobekwö pjabatinaja̧ chuluwo̧, ja̧danö tupakwö suli̧ kwöwaedakwa̧ tojö kwujuninobe chuluwo̧, babe usula chemawinö weköbakwa̧ma. Jau chuluwo̧, chöwaisa, la'akatjöda bejenö ötjönö ja̧köbobö omukwatinaja.

Romanos 9:11

Ja̧danö, jobadönö jemakwa̧ abönö, otiwanöbi, sulabenöbi ina ja̧tjakwa̧ abönö, Diosma jobadönö yöawinobe Rebecanöma. Baikwö laebobe Dios iwene, Rebeca ji̧tji̧munöma: Abönö pöema öjawo̧ wei̧da ja̧akwo̧, jö̧ba̧lö laebobe, Dios Rebeca ji̧tji̧munö yöawina, ina jemakwa̧ abönö. Jejenö yöbawö, Diosma i̧sebö yöawinobe, Ötjödasa omudawö juno̧ma, jö̧ba̧lö. Ja̧danö, iteda omukwati̧danöda, jobuju ji̧tji̧mutjö, bakwo̧nö omudawö ujuninobe. Jau chömöledö, jobadö ja̧tji̧ jawa omukwatökönö, Diosma itedada omukwati̧danöda omudawö ujuninobe.

Gálatas 5:24

Baikwö yötawa chömöledö: Cristo Jesús ömöledöma ajayinö tjösödina kabatibö, tjiteba'o wame luwo̧nöbi, jo̧ba sulabenö ösödi̧bi, towisa'onö bȩtjinobe ichejekwa, ö'wöchinö ja̧bö.

Efesios 1:11

Chömöledö, Diosma okobe jwiinö baledobö ösödi̧ma badekwachinö ja̧bo̧. Ja̧danö, ökwödönö, judío jojodönö omudawö junijetö Cristokwö bakobe dötewinö badibobö, jejenö badibobö omukwatö ösödinobetjö̧.

Efesios 1:4

Ja̧danö ajayinö, böjȩ ina otidapjii Diosma omudawö junijetö ökwödönöma iteda ömöledö babibö, Jesúskwö bakobe dötewinö badibakwa̧ma. Ja̧danö, omudawö junijetö iteda öba a'otjö suli̧ jwiinö, wene jwibadö badibakwa̧ma.

Efesios 1:9

Ja̧danö, ajayinö omukwatö ösödinama tojö ujuninajayonö babema ökwödö do̧'wo̧ luwo̧ okwanö döwaischibanö i̧sebinobe Diosma, Cristonö dö̧jibanö pjaatobö weinanöma. Jejenö i̧sebinobe Diosma, ökwödönö i̧sebobö ösödobetjö̧.

Efesios 3:1

Diosma jejenö ökwödö judío jojodöböködönö otiwanö pjaatinobetjö̧ ökwödönö omukwatö atebobe jo̧banöma. Chömöledö, ötjöma Cristo Jesús webawo̧sa iteda weina yötawobö. Ja̧danö, ökwödönö yötawobö weina yötawobetjö̧ ka̧lena ba̧kwaweju okwa tjödinökwesa.

2 Timoteo 1:9

Jau Timoteo, Diosda ökwödönö dö̧jibinö pjabatinama, jo̧bada iteda ömöledö badibobö jwöbinama, jo̧kwajabetjö̧ usula emawö jwaikwöda otiwa jawa wene yöbawö kwö̧jo iteda ujulunö. Ja̧ Dios ökwödönö pjaatinama, otiwanö ja̧bö dö̧jiökwema pjaatinokobe, itedada la'akatjöda jejenö omukwatö ujuninobetjö̧ jejenö pjaatinobe. La'akatjöda Diosma omukwatö ujuninobe, Cristo Jesúsnötjö otiwa jawa mikwa jwiinö ökwödönö iyobö.