Efesios 1:15 - Dios Iwene

^15-16 Chömöledö, Duluwo̧ Jesúsnö kwösödaduwi̧bi, ju'wedö Dios ömöledö babibinadökwö ösödabikwawö kwö̧jaduwi̧bi yötjawi̧ cha̧ja̧kwinobetjö̧ ba̧kwȩlö̧jatebö Diosnö ösödö yöta̧lobe, Chabe'do otiwanö pjakatinobe, jö̧ba̧lö. Ja̧danö, Diosnö atebena ba̧kwȩlö̧jatebö ökwödönö pjaatobö atebobe.

Efesios 1:15 Iomraidhean Croise

Hechos 20:21

Judío jojodönöbi, judío jojodöböködönöbi, bakwaidödanö edö yöbawiachijatö. Sulabe tjomukwati̧ kabatibö tjöbalewacho, jö̧ba̧lö, yöbawiachijatö. Jesúsnö tjösödo jö̧ba̧lö, yöbawiachijatö— yöbawijetö Pabloma.

Romanos 1:8

Chömöledö, ökwödönö nöinö yötawakwa̧ abönö, yötawaduwakwö chömöledö: Böjȩnö ju̧kwadö okobe deinö yötja̧lobe ökwödönöma, Roma jojodöbi Jesucristonö ösödadö, jö̧ba̧lö. Jejenö yötja̧li̧ a̧ja̧kwö, ötjöma jwiinö cho̧'wo̧ ösöwanö cha̧ja̧kwobe. Ja̧danö ösödö, Diosnö yöta̧lobe, Jesucristo midawö woinobetjö̧, ökwödönö Romanö ju̧kwadönö jwiinö otiwanö pjaatinobe, jö̧ba̧lö, yöta̧lobe Diosnöma chömöledö.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

Efesios 1:1

Ötjö, Pablo, böja kwialusöjanö yöbawö chiwȩyuda. Ötjöma Cristo Jesús webawo̧sa, Diosma jejenö omukwatö ösödinobetjö̧. Ökwödönö chiwȩyuda, Éfesonö ju̧kwadönö, Dios ömöledö babibinadönö, Cristo Jesúsnö kwo̧'wo̧duwi wana̧lö ja̧dönö.

Efesios 3:18

Ja̧danö, atebobe Diosnöma pjaatobö tupakwö ökwödönöbi okobe deinö Dios ömöledö babibinadönöbi Cristo ökwödönö jwiinö ile niebi̧ma kwöwaisachibaduwobö. Cristoma ¿dokwa nöinö ile niebobeda ökwödönöma? Chömöledö, Cristo ile niebi̧ma ba̧ja̧dakwawökenanö nöi̧.

1 Tesalonicenses 4:9

Chömöledö, Diosma ida̧ökö ökwödönö öba̧ja̧dobe, kwömöledöduwi Jesúsnö ösödadönö ösödabikwawö kwö̧jaduwobö. Ja̧danö, jo̧ba öba̧ja̧di̧danö isabenö okobe deinö kwömöledöduwi kwiteboduwi Macedonia nijinö ju̧kwadönö ösödadöja. Jo̧kwajabetjö̧, Aaa, ja̧ jawa ba̧ja̧dö chiwȩyudo jö̧ba̧löma chomukwatökö chömöledö, ida̧ökö jejenö ja̧bö kwö̧jaduwobetjö̧. Jo̧kwaijayonö, yayonö ökwödönö budekwödanö wedobe chömöledö, jemi tupakwönönö ösödabikwawö kwö̧jaduwo jö̧ba̧lö.

2 Tesalonicenses 1:3

Chö̧ja̧wo̧dö, Diosma ökwödönö pjaatobetjö̧, jo̧banö dösödobö jo̧be, ja̧danö dösödo jö̧da̧li̧danö kabatökönö otiwanö Diosnö ösödö yöda̧lobe, otiwanö Tesalónicanö ju̧kwadönö pjabato̧ja jö̧ba̧lö. Jau chömöledö, ökwödönö pjaatobetjö̧, Jesúsnö kwösödaduwi̧ma nöachobedanö ichejekwa, ja̧danö kwömöledö Jesúsnö ösödadönö kwösödabikwawaduwi̧bi nöachobedanö ichejekwa. Ja̧danö jejenö pjaatinobetjö̧, otiwanö pjabato̧ja jö̧ba̧lö yöta̧lanö chömöledö.

1 Timoteo 1:14

Ja̧danö, Duluwo̧ma ötjönö lȩlö̧jinö edö, mikwa jwiinö otiwa jawa iyinobe ötjönöma. Wanedö yötawa: Su̧'bȩ babibö welachibanö tupakwö kabatökönö iyinobe otiwa jawa ötjönöma. Ja̧danö ju'wibi, jo̧ba yöawi̧ chösödobö pjaatinobe. Ja̧danö, ju'wedö chömöledö Cristo Jesúsnö ösödadönö chösödobö pjaatinobe, okobe deinö Cristo Jesúskwö a̧jö ju̧kwadönö pjaati̧danö.

1 Timoteo 1:5

Jau Timoteo, jobadönö kwöba̧ja̧do, sulabenö tjomukwati̧ kabatibö, tjömöledö Jesúsnö ösödadönö tjösödo jö̧ba̧lö. Ja̧danö, tjomajadenö sulabenö omukwatökönö tjuju̧kwobetjö̧, ja̧danö: Aaa, biya̧ma otiwanö ja̧awa jö̧ba̧lö tjomajadenö tjöwaisi̧danö ja̧bö tjuju̧kwobetjö̧, ja̧danö isabenö Diosnö ösödö tjuju̧kwobetjö̧, tjömöledö Jesúsnö ösödadönö ösödö tjö̧jena.

Hebreos 6:10

Chömöledö ja̧ baledakwa̧ma chöwaisa, Dios, jweinö omukwato̧ma, ökwödö otiwanö jo̧banö ösödö kwuju̧kwaduwi̧ omukwato̧obetjö̧. Chömöledö, jo̧banö kwösödaduwi̧ma wajuwanö kwi̧sebaduwobe ju'wedö jo̧ba i̧tji̧mu babibinadönö pjakataduwobetjö̧. Ajayitjö Jesúsnö do̧batö kweminaduwa baikwö kwö̧ja̧wo̧dönö dösölö̧jinö pjakataduwobe, jo̧ba i̧tji̧mu babibinadönöma.

1 Pedro 1:22

Ja̧danö chömöledö, ökwödöma ida̧ökö isabenö wene ösödö kwidichawinaduwobetjö̧, kwömöledöduwi Jesúsnö ösödadönö ösödadöja, yöne dömöledö jö̧ba̧lö. Jo̧kwajabetjö̧ jwaikwöda tupakwönönö ösödabikwawö kwö̧jaduwo chömöledö,

1 Juan 3:17

Jau chö̧ja̧wo̧dö. Dö̧ja̧wo̧dönö ile nibebö pjadatobö jo̧be. Ja̧danö, böjȩnö ö̧jobö jawa juna̧lo̧ma öjawo̧ jwibo̧nö lȩlö̧jino edobö jo̧be, jo̧banö pjabatö iyö. Jo̧ba juna̧lo̧ma öjawo̧ jwibo̧nö pjaatökötjö̧ma Diosnö ösödökena. Öjawo̧ jwibo̧nö pjaatokobetjö̧ wajuwanö i̧sekwobe, Dios ile niebinadanö ile nibebökösa, jö̧ba̧lö. Ja̧danö, jejenö pjaatokobetjö̧ Diosnöbi öpöjödobe ichejekwa, Dios jojodönö ile niebi̧danö jojodönö ile nibebö ö̧jokobetjö̧.

1 Juan 4:21

Chö̧ja̧wo̧dö, Dios wei̧ma biya̧: Ötjönö ösödö ju̧kwadöma tjö̧ja̧wo̧dökwö ösödabikwawö tjö̧jobö jo̧be. Jo̧kwaobetjö̧ chömöledö, ökwödöma dö̧ja̧wo̧dökwö ösödabikwawö dö̧jaduwo.