Daniel 9:5 - Dios Iwene

⁵ Chuluwo̧ Dios, ökwöma isabenö otiwanö ja̧köbijayonö, ökwödö Israel jojodöma sulabenö ja̧dajabe. Isabenö jwiinö suli̧ jawa ja̧bö, ökwö weköbi̧ kadatibajabe, ökwö ja̧bö dö̧jobö weköbi̧ma a̧ja̧kwökönö.

Daniel 9:5 Iomraidhean Croise

2 Reyes 18:12

Jobekwö baledinama, tjösödo jö̧tja̧lökwe Isabenö Jo̧ Dios wei̧ a̧ja̧kwökönö, sulabenö ja̧tjobetjö̧ baledinobe. Jau, okobe jwiinö Isabenö Jo̧ ömöayo̧ Moises jobadönö weina jawa kabatibö, a̧ja̧kwöbi tja̧ja̧kwobö tjöpöjödinobe, ja̧danö wei̧danö ja̧tjoböbi tjöpöjödinobe, ja̧danö jobekwö sulabenö ja̧tjiökwe, Asiria jojodö jobadönö tjujuluwobö weinobe.

2 Reyes 21:15

Chöba a'otjö sulabenö ja̧bö, chödameakwi̧nö ja̧bö tjö̧jobetjö̧, jobekwö baledakwawö̧. Jau, isabenö chödameakwobö sulabenö ja̧bajibö ju̧kwadö israel jojodöma, tja'dödö Egipto nijitjö latebina möletjö, babe möle baibenanö, chödameakwinö sulabenö ja̧bajibö ju̧kwadö, jo̧kwajabetjö̧ jobekwö bajaliyanö lȩtebakwawö̧, —jö̧ba̧lö yöawinobe.

Isaías 53:6

Jau, obejadö le'dewö tji̧'yidanö, okobe deinö ökwödöma bakwo̧nökwena dösödobekwö 'ya̧nö, Diostjö 'da̧bachibö di̧'yajabe, ja̧danö 'da̧bachibö di̧'yiökwe, ökwödönö lȩebo jö̧a̧linobe. Jo̧kwaijayonö, ökwödö dusulama, joba iteda ömöayo̧nöda öwaninobe Isabenö Jo̧ma, jo̧bada lȩekwa emakobetjö̧.

Isaías 59:13

—Ökwö Isabenö Jo̧ weköbi̧ a̧ja̧kwö dö̧jakwedösa, —jö̧da̧linajayonö, a̧ja̧kwökönö sulabenö ja̧badösa. Ja̧danö ökwö dösödökwe ökibi̧danö, kwökömanö ludo jö̧da̧lijayonö, jalachibö kadatibajabe. Ökwödöma jojodönö suli̧ waedö, sulabenö omöna yöba̧ladösa, domajadenö sulabenö omukwatajadö, omöna yöba̧ladösa. Jobekwö usula tjemawinö sulabenö ja̧badösa chuluwo̧ Dios, isabenö kwöba a'otjö wene juna̧ladösa.

Isaías 64:4

Jau chuluwo̧, ökwödanöbo̧, jo̧banö tjo̧'wo wana̧ladönö pjabato̧ma bakwo̧bi deobe. Damötjö baikwö bajalenö, la'akatjöda a̧ja̧kwajiböködösa, la'akatjöda bakwo̧bi ölakiyunö a̧ja̧kwinokobe, ja̧danö bakwo̧bi öbajalenö edinokobe, ökwöjayo̧ ösödadönö otiwanö pjabato̧nöma.

Daniel 9:11

Chuluwo̧ Dios, isabenö kwömöayo̧ Moisésnö otiwanö iwȩyudobö weköbinobe, isabenö ja̧köbakwa̧ yökawina wenema, ja̧danö isabenö jweinö yökawijatö, weti̧ kwa̧ja̧kwaduwökötjö̧ma baikwö isabenö lȩtebocha jö̧ba̧lö. Ja̧danö, isabenö okobe deinö ökwödö Israel jojodöma weköbi̧ a̧ja̧kwökönö 'da̧bachibö di̧'yajabe, weköbi̧ da̧ja̧kwobö öpöjödö. Jo̧kwajabetjö̧ damötjö yöbawö kwujuninadanö isabenö ökwödönö lȩkebajabe, lȩtebocha jö̧ba̧lö yöbawö kwujuninadanö.

Daniel 9:15

Ökwöma isabenö otiwanö ökwödönö pjabato̧ja chuluwo̧ Dios, ökwöda kwujulunö Egypto nijitjö ladebobö pjakatinobe, ja̧danö jejenö pjabatö okobe deinö kwujulu tjöwaisachibobö kwi̧sebinobe, ja̧ möletjö jamatö baikwö bajalenö okobe deinö kwujulu tjöwaisobe. Ökwöma otiwanö pjabato̧ja chuluwo̧, ja̧danö ökwödöma sulabedösa, suli̧ jawa sulabenö ja̧badösa.

Daniel 9:9

Jejenö weköbi̧ öpöjödö, weköbökö jawa sulabenö ja̧bö dö̧jjatö, jo̧kwaijayonö, ina ökwödönö lȩlö̧jinö edo̧ja chuluwo̧ Dios, ja̧danö sulabenö ja̧di̧ omukwatökönö ökwödönö ösödö omukwato̧ja.

Hebreos 3:12

Jo̧kwaobetjö̧ chö̧ja̧wo̧dö, ökwödö bakwo̧nökwena tjöbeba̧lö̧jönö kwite'ada̧laduwo kwo̧'wo̧ luwo̧duwinö, ökwödötjö ju'wedöbi da'dödömine sulabenö tji̧'yinadanö kwi̧'yaduwapji jö̧ba̧lö, kwomajadeduwinö Diosnö jwiinö öpöjödö, yaba̧lo̧ Diosnö kabatibö.