Daniel 9:3 - Dios Iwene

³ Jejenö iwȩyudina yöba̧lajo̧, chuluwo̧ Isabenö Jo̧ Diosnö budekwö atebijatö ökwödönö pjaatobö. Ja̧danö cho̧'wo̧ tjo̧achi̧ma Dios öba a'otjö öwawakobetjö̧, chu̧kwa ö̧töchö, kamijido̧ epju̧yunö kalukaa̧do̧ 'dubawö, ökwölaso̧pja̧nö ba̧nö atebijatö, isabenö chömöledö Israel jojodönö o̧'wo̧ tjo̧acho̧sa jö̧ba̧lö.

Daniel 9:3 Iomraidhean Croise

2 Samuel 12:16

Jejenö balediökwe, Davidma Diosnö aebinobe itji̧nö, ja̧danö Diosnö abebö, u̧kwa ö̧tö̧chö, yö̧te baledibanö nijinöda ö̧binobe, Diosnö abebö.

Diosnö ösödo̧ Job mikwo̧ usula emawina jawa 42:6

ja̧danö ökwönö edajo̧, ajayinö omukwatö yöta̧laja̧ma chötabakwobe, –Ötjö Jobma isabenö mikwawö̧kö̧sa, yöta̧loko jawa sulabenö yöta̧lajabe, –jö̧ba̧lö. Jau chuluwo̧, sulabenö chomukwataja̧ kabatibö chöbalewachajabe, jadanö chomukwati̧ chöbalewachaja̧ i̧sȩbö, nijiso̧pjanöbi, ökwölaso̧pjanöbi bamato̧sa, –Isabenö Dios öba a'otjö mikwawö̧kö̧sa, sulabenö ja̧köba, jö̧ba̧lö Diosnö̧ yöta̧lobö, —jö̧ba̧lö atadinobe Jobma Diosnö.

Isaías 22:12

—Inesö la'aka luwo̧, Isabenö Jo̧ Okobe Jwiinö Juluwo̧ Diosma sulabenö kwomukwataduwi̧ kabatibö, kwöbalewachaduwobö webo̧, ja̧danö o̧'wo tjo̧achö, kwubudekwaduwobö webo̧, ja̧danö kwuuduwi jwobawö, kamiji̧do̧ epju̧yunö kaluka̧ado̧ 'dukawaduwobö webo̧, –Dios öba a'ötjö sulabenö ja̧dinobetjö̧ o̧'wo tjo̧achadösa, –jö̧ba̧lö.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Daniel 9:2

Jo̧ba yöbawö ö̧jena ajayisaba, ötjöma Dios iwene tjiwȩyudina'ye yöta̧lijatö, Isabenö Jo̧ Dios Jeremiasnö iwȩyudobö weinama. Ja̧danö, ja̧ laebi̧ma, Jeremías iwȩyudinobe baikwö: Jerusalén comunidad pjolö lotjakobe, ja̧danö yemidanöma tjotidökakobe, setenta o̧biya baledibanö jö̧ba̧lö iwȩyudinobe.

Daniel 9:20

Jobekwö yöba̧lö Diosnö abeböbi, ötjö chusula yöbawö loböbi, chömöledö tjusula yöbawö loböbi Diosnö atebijatö, Isabenö Jo̧ Dios öba a'otjö Dios eju ja̧'o mösa'o comunidad lȩlö̧jinö edö pjaatobö ateba̧lijatö.

Daniel 9:4

Ja̧danö Dios öba a'otjö sulabenö ja̧dina yöbawö lotijatö, baikwö yöba̧lö Diosnö atebijatö: Chuluwo̧ Dios, isabenö otiwo̧ ja̧danö juluwo̧ja. Ökwöma isabenö yöbawö kwujuninadanö ja̧bo̧ja, ja̧danö isabenö jwaikwöda kabatibökönö ösödo̧ja ökwö weköbi̧ a̧ja̧kwadönöma.

Hechos 10:30

Jejenö jö̧a̧liökwe Cornelioma yöbawijetö: —Belö ö'wejemu möle baledibajabe, babedajayena, bejutjö Diosnö atebijatö. Jejenö atebonö omönanö jelo̧ öwawachijatö ötjö chöba a'o, kamijido̧ dewado̧ salöado̧ 'dubawo̧.